സമയത്തിന്റെ വില
സമയത്തിന്റെ വില രാവും മാറിക്കൊണ്ടിരിക്കുമ്പോഴാണ് സമയം കടന്നുപോകുന്നത് . അല്ലാഹുവാണ് രാവിനെയും പകലിനെയും മാറ്റിക്കൊണ്ടിരിക്കുന്നത് . അതുകൊണ്ടുതന്നെ സമയത്തിന്റെ ഉടമസ്ഥൻ അല്ലാഹുവാണെന്ന് തിരിച്ചറിയുക . യാസീൻ 36 : 37-38 രാത്രിയും അവര്‍ക്കൊരു ദൃഷ്ടാന്തമത്രെ . അതില്‍ നിന്ന്‌ പകലിനെ നാം ഊരിയെടുക്കുന്നു . അപ്പോള്‍ അവരതാ ഇരുട്ടില്‍ അകപ്പെടുന്നു . സൂര്യന്‍ അതിന്‌ സ്ഥിരമായുള്ള ഒരു സ്ഥാനത്തേക്ക്‌ സഞ്ചരിക്കുന്നു . പ്രതാപിയും സര്‍വ്വജ്ഞനുമായ അല്ലാഹു കണക്കാക്കിയതാണത്‌ .(36/37-38) അവന്‍ തന്നെയാണ്‌ രാപ്പകലുകളെ മാറി മാറി വരുന്നതാക്കിയവന്‍ . ആലോചിച്ച്‌ മനസ്സിലാക്കാന്‍ ഉദ്ദേശിക്കുകയോ , നന്ദികാണിക്കാന്‍ ഉദ്ദേശിക്കുകയോ ചെയ്യുന്നവര്‍ക്ക്‌ ( ദൃഷ്ടാന്തമായിരിക്കുവാനാണത്‌ . )(25/62) ...