പാപമോചന പ്രാർത്ഥനകൾ

 

ഈമാനിന്റെ മാസിക 

ലക്കം :5

ഒക്ടോബർ 14, 2025

റബീഉൽ ആഖിർ 21 ,1447 AH

പത്രാധിപരുടെ കുറിപ്പ്:

പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ.

അസ്സലാമു അലൈക്കും വറഹ്മതുള്ളാഹിവബറകാതുഹു.

പ്രിയ വായനക്കാരെ,

ഖുർആനിലെ ഒരു ആയത്തിനെക്കുറിച്ചുള്ള വിശദീകരണങ്ങളും, ഹദീസ്വിശദീകരണങ്ങളും, ചരിത്രപരമായ സംഭവങ്ങളും, ഒരു ചോദ്യം – ഒരു മറുപടിഉൾക്കൊള്ളിച്ചുകൊണ്ട്, സംശയനിവാരണംവും. കുട്ടികൾ ഉൾപ്പെടെ എല്ലാവർക്കുംമനസ്സിലാകുന്ന രീതിയിൽ വളരെ ലളിതമായ ഭാഷയിലാണ് ഈ മാസികതയ്യാറാക്കിയിരിക്കുന്നത്. അല്ലാഹുവിന്റെ അനുഗ്രഹത്താൽ ഇത് എല്ലാവരും വായിക്കുകയുംമനസ്സിലാക്കുകയും ചെയ്യുമെന്ന് ഞങ്ങൾ പ്രത്യാശിക്കുന്നു. ഓരോ അറിവും വിലപ്പെട്ടതാണ്. നിങ്ങൾ ഇത് വായിക്കാനെടുക്കുന്ന സമയം അല്ലാഹു സ്വാലിഹായ അമലായി സ്വീകരിക്കട്ടെഎന്ന് പ്രാർത്ഥനയോടെ...

ഷക്കീല അബൂബക്കർ 

ഉള്ളടക്കം:

▪️ഇസ്ലാമിക ചരിത്രത്തിലൂടെ: 

ഇസ്ലാമിക ചരിത്രത്തിലൂടെ: ഹസൻ ഇബ്നു അലി (റ) — സമാധാനത്തിന്റെ പ്രതീകം

▪️ഹദീസ് പഠനം:

വിശ്വാസത്തിന്റെ പൂർണ്ണത: കുടുംബബന്ധം പാലിക്കൽ

▪️അൽ-ഖുർആൻ വെളിച്ചം: തഫ്സീർ ആധാരമായ ആത്മപരിശോധന ലേഖനം – സത്യനിഷേധികൾ ശിക്ഷ അനുഭവിക്കുമ്പോൾ ഖേദിക്കുന്നു

അൽ മുൽക്ക്  67 : 7 -11 വിശദീകരണം 

▪️ സംശയനിവാരണം :

സംശയം: ഭർത്താവ് മരിച്ചുപോയാൽ ഭാര്യ മഹർ (Mahr) തിരിച്ചു നൽകണമോ?

▪️കുട്ടിക്കൂട്ടം: (കുട്ടികൾക്കുള്ള ഭാഗം) 

ഹൃദയം നിറഞ്ഞ തൗബ:

🕊️  ഇസ്ലാമിക ചരിത്രത്തിലൂടെ: ഹസൻ ഇബ്നു അലി(റ) — സമാധാനത്തിന്റെ പ്രതീകം:

ഹിജ്‌റ 41-ാം വർഷം, മുസ്ലിം ലോകം അതിന്റെ ചരിത്രത്തിലെ ഏറ്റവും വലിയ ആഭ്യന്തരപരീക്ഷണങ്ങളിലൊന്നിനെ അഭിമുഖീകരിക്കുകയായിരുന്നു. അധികാരം രണ്ടായിവിഭജിക്കപ്പെട്ട് രണ്ട് സൈന്യങ്ങൾ ഏറ്റുമുട്ടലിന് തയ്യാറെടുത്തു.

ഒരു വശത്ത് പ്രവാചകൻ മുഹമ്മദ് നബി (ﷺ)-യുടെ പ്രിയ പൗത്രൻ, ഹസൻ ഇബ്നു അലി(റ). ജനങ്ങൾ അദ്ദേഹത്തെ തങ്ങളുടെ ഖലീഫയായി അംഗീകരിച്ചു.

മറ്റേ ഭാഗത്ത്, ശക്തനായ ഭരണാധികാരിയും സിറിയയുടെ (ഷാം) നേതാവുമായ മുആവിയഇബ്നു അബീ സുഫ്‌യാൻ (റ).

സമാധാനത്തിനായുള്ള വിട്ടുവീഴ്ച

രണ്ട് സൈന്യങ്ങളും യുദ്ധത്തിനായി തയ്യാറെടുത്ത് അണിനിരന്നപ്പോൾ, ആയിരക്കണക്കിന്മുസ്ലിങ്ങളുടെ രക്തം ചിന്തപ്പെടാൻ സാധ്യതയുണ്ടെന്ന് ഹസൻ (റ) മനസ്സിലാക്കി. ഈസന്ദർഭത്തിൽ, ഹസൻ (റ) നടത്തിയ പ്രസംഗം ചരിത്രത്തിൽ ഇടം നേടി:

ഞാൻ അല്ലാഹുവിൻ്റെ മതം രക്തസാക്ഷ്യത്തിലൂടെ സംരക്ഷിക്കാൻ ആഗ്രഹിക്കുന്നില്ല. എനിക്കു പ്രിയമായത് സമാധാനമാണ്. എൻ്റെ പിതാമഹനായ നബി (ﷺ) പറഞ്ഞത്ഓർക്കുക: ‘എൻ്റെ ഈ മകൻ സമാധാനത്തിലൂടെ ജനങ്ങൾക്കിടയിൽയോജിപ്പുണ്ടാക്കും.’”

മുസ്ലിം ഉമ്മത്തിന്റെ ഐക്യത്തിനായി, അദ്ദേഹം തൻ്റെ ഖിലാഫത്ത് പദവി മുആവിയ (റ)-ക്ക് വിട്ടുകൊടുക്കാൻ ധീരമായ തീരുമാനമെടുത്തു. ഈ ത്യാഗം, വൻ രക്തച്ചൊരിച്ചിൽഒഴിവാക്കുകയും തകരാറിലായ ഉമ്മത്തിനെ വീണ്ടും ഒന്നിച്ചു ചേർക്കുകയും ചെയ്തു.

ഇതിൻ്റെ ഫലമായി, ആ വർഷം ഇസ്ലാമിക ചരിത്രത്തിൽ "ആം അൽ-ജമാഅ" (ഏകതയുടെ വർഷം) എന്ന പേരിൽ അറിയപ്പെട്ടു.

📖 മഹത്തായ പാഠം

ഹസൻ ഇബ്നു അലി (റ)-യുടെ ഈ തീരുമാനം നമ്മെ പഠിപ്പിക്കുന്നത്:• സത്യസന്ധതയുംസമാധാനവുമാണ് അധികാരത്തേക്കാൾ മഹത്വമുള്ളത്.യഥാർത്ഥ വിജയം വാളിൻ്റെശക്തിയിൽ അല്ല, ഹൃദയത്തിലെ വിട്ടുവീഴ്ചയിലും സ്നേഹത്തിലുമാണ്.• വ്യക്തിപരമായനേട്ടങ്ങളെക്കാൾ, സമൂഹത്തിൻ്റെ പൊതുനന്മയ്ക്ക് പ്രാധാന്യം നൽകണം.

 സന്ദേശം

സമാധാനത്തിനായി വിട്ടുകൊടുക്കുന്ന ഒരു ഹൃദയം, യുദ്ധം ജയിക്കുന്ന ആയിരംവാളുകളേക്കാൾ ശക്തമാണ്.”

📜ഹദീസ് പഠനം 

വിശ്വാസത്തിന്റെ പൂർണ്ണത: കുടുംബബന്ധം പാലിക്കൽ

ഹദീസ്

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ ﷺ

«مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَصِلْ رَحِمَهُ»

— رواه البخاري (5984)

തർജ്ജമ:

"ആളൊരുവൻ അല്ലാഹ്വിലും അന്ത്യദിനത്തിലും വിശ്വസിക്കുന്നവനാകട്ടെ, അവൻ തന്റെബന്ധങ്ങളെ നന്നായി പാലിക്കട്ടെ."

(സഹീഹ് ബുഖാരി 5984)

📖 വിശദീകരണം

ഈ ഹദീസിൽ നബി ﷺ, വിശ്വാസത്തിന്റെ യഥാർത്ഥ തെളിവ് കുടുംബബന്ധംപരിപാലിക്കുന്നതിലാണെന്ന് പഠിപ്പിക്കുന്നു.

സിലത്തുറ്‌റഹിം എന്നത് വെറും ബന്ധുക്കളെ കാണുക മാത്രമല്ല; അവരുമായിസ്നേഹബന്ധം നിലനിർത്തുക,

അവരോട് നല്ലതുപറയുക,

സഹായിക്കുക,ക്ഷമിക്കുക,

ബന്ധം വിച്ഛേദിക്കുന്നവരോടു പോലും ബന്ധം പുലർത്തുക — ഇതെല്ലാം അതിന്റെഭാഗമാണ്.

അല്ലാഹു പറയുന്നു:

"അല്ലാഹ്വിനെ ഭയപ്പെടുക; നിങ്ങളോടു ബന്ധം വെട്ടരുത്."

(സൂറത് അന്നിസാ: 1)

ബന്ധം വെട്ടുന്നത് അല്ലാഹ്വിന്റെ ദയയിൽനിന്നും മനുഷ്യനെ അകറ്റും, എന്നാൽ ബന്ധംപുലർത്തുന്നത് റിസ്ക് വർധിപ്പിക്കുകയും ആയുസ്സ് ദീർഘമാക്കുകയും ചെയ്യുമെന്ന് നബി ﷺമറ്റൊരു ഹദീസിൽ പറഞ്ഞിട്ടുണ്ട് (ബുഖാരി 5986).

📚അൽ-ഖുർആൻ വെളിച്ചം: 

സത്യനിഷേധികൾ ശിക്ഷ അനുഭവിക്കുമ്പോൾ ഖേദിക്കുന്നു

അൽ മുൽക്ക്  67 : 7 -11

 إِذَآ أُلۡقُواْ فِيهَا سَمِعُواْ لَهَا شَهِيقًا وَهِىَ تَفُورُ 

അവര്‍ അതില്‍ ( നരകത്തില്‍ ) എറിയപ്പെട്ടാല്‍ അതിന്നവര്‍ ഒരു ഗര്‍ജ്ജനംകേള്‍ക്കുന്നതാണ്‌. അത്‌ തിളച്ചു മറിഞ്ഞു കൊണ്ടിരിക്കുകയും ചെയ്യും.

അർത്ഥം : 

إِذَا أُلْقُوا = അവര്‍ ഇടപ്പെട്ടാൽ 

فِيهَا = അതിൽ‍ 

سَمِعُوا لَهَا = അതിന് അവര്‍ കേള്‍ക്കും 

شَهِيقًا = ഒരു ഗര്‍ജനം, അലര്‍ച്ച, അട്ടഹാസം, ഉഗ്രശ്വാസം 

وَهِيَ = അത് 

تَفُورُ = തിളച്ചുമറിയുക (ക്ഷോഭിക്കുക-പൊന്തിമറിയുക)യും ചെയ്യും 

അൽ മുൽക്ക്  67 : 8

 تَكَادُ تَمَيَّزُ مِنَ ٱلۡغَيۡظِۖ كُلَّمَآ أُلۡقِىَ فِيهَا فَوۡجٌ سَأَلَهُمۡ خَزَنَتُهَآ أَلَمۡ يَأۡتِكُمۡ نَذِيرٌ 

കോപം നിമിത്തം അത്‌ പൊട്ടിപ്പിളര്‍ന്ന്‌ പോകുമാറാകും. അതില്‍ ( നരകത്തില്‍ ) ഓരോസംഘവും എറിയപ്പെടുമ്പോഴൊക്കെ അതിന്‍റെ കാവല്‍ക്കാര്‍ അവരോട്‌ ചോദിക്കും. നിങ്ങളുടെ അടുത്ത്‌ മുന്നറിയിപ്പുകാരന്‍ വന്നിരുന്നില്ലേ?

അർത്ഥം : 

تَكَادُ = അത് ആകാറാകും 

تَمَيَّزُ = വേര്‍പെട്ടുപോകുക 

مِنَ الْغَيْظِ = ഉഗ്രകോപത്താല്‍, കഠിനകോപം നിമിത്തം 

كُلَّمَا أُلْقِيَ = ഇടപ്പെടുമ്പോഴെല്ലാം 

فِيهَا = അതില്‍, അതിലേക്ക് 

فَوْجٌ = ഒരു കൂട്ടം, സംഘം 

سَأَلَهُمْ = അവരോട് ചോദിക്കും 

خَزَنَتُهَآ = അതിലെ പാറാവുകാര്‍, കാവല്‍ക്കാർ 

أَلَمْ يَأْتِكُمْ = നിങ്ങള്‍ക്കു വന്നിരുന്നില്ലേ, വന്നില്ലേ 

نَذِيرٌ = താക്കീതുകാരൻ 

അൽ മുൽക്ക്  67 : 9

 قَالُواْ بَلَىٰ قَدۡ جَآءَنَا نَذِيرٌ فَكَذَّبۡنَا وَقُلۡنَا مَا نَزَّلَ ٱللَّهُ مِن شَىۡءٍ إِنۡ أَنتُمۡ إِلَّا فِى ضَلَٰلٍ كَبِيرٍ 

അവര്‍ പറയും: അതെ ഞങ്ങള്‍ക്ക്‌ മുന്നറിയിപ്പുകാരന്‍ വന്നിരുന്നു. അപ്പോള്‍ ഞങ്ങള്‍നിഷേധിച്ചു തള്ളുകയും അല്ലാഹു യാതൊന്നും ഇറക്കിയിട്ടില്ല. നിങ്ങള്‍ വലിയ വഴികേടില്‍തന്നെയാകുന്നു എന്ന്‌ ഞങ്ങള്‍ പറയുകയുമാണ്‌ ചെയ്തത്‌.

അർത്ഥം : 

قَالُوا = അവര്‍ പറയും 

بَلَىٰ = ഇല്ലാതെ (ഉണ്ട്) 

قَدْ جَاءَنَا = തീര്‍ച്ചയായും ഞങ്ങള്‍ക്ക് വന്നിട്ടുണ്ട് 

نَذِيرٌ = താക്കീതുകാരൻ 

فَكَذَّبْنَا = എന്നാല്‍ ഞങ്ങള്‍ വ്യാജമാക്കി 

وَقُلْنَا = ഞങ്ങള്‍ പറയുകയും ചെയ്തു 

مَا نَزَّلَ اللَّـهُ = അല്ലാഹു ഇറക്കിയിട്ടില്ല 

مِن شَيْءٍ = ഒരു വസ്തുവും 

إِنْ أَنتُمْ = നിങ്ങളല്ല 

إِلَّا فِي ضَلَالٍ = വഴിപിഴവി (ദുര്‍മാര്‍ഗത്തി)ലല്ലാതെ 

كَبِيرٍ  = വലുതായ 

അൽ മുൽക്ക്  67 : 10

 وَقَالُواْ لَوۡ كُنَّا نَسۡمَعُ أَوۡ نَعۡقِلُ مَا كُنَّا فِىٓ أَصۡحَٰبِ ٱلسَّعِيرِ 

ഞങ്ങള്‍ കേള്‍ക്കുകയോ ചിന്തിക്കുകയോ ചെയ്തിരുന്നെങ്കില്‍ ഞങ്ങള്‍ ജ്വലിക്കുന്നനരകാഗ്നിയുടെ അവകാശികളുടെ കൂട്ടത്തിലാകുമായിരുന്നില്ല എന്നും അവര്‍ പറയും.

അർത്ഥം : 

وَقَالُوا = അവര്‍ പറയുകയും ചെയ്യും 

لَوْ كُنَّا = ഞങ്ങളായിരുന്നെങ്കിൽ 

نَسْمَعُ = ഞങ്ങള്‍ കേട്ടിരുന്നു 

أَوْ نَعْقِلُ = അല്ലെങ്കില്‍ ബുദ്ധികൊടുത്തിരുന്നു, മനസ്സിരുത്തിയിരുന്നു, ഗ്രഹിച്ചിരുന്നു 

مَا كُنَّا = ഞങ്ങളാകുമായിരുന്നില്ല 

فِي أَصْحَابِ = ആള്‍ക്കാരില്‍, കൂട്ടരിൽ‍ 

السَّعِيرِ = ജ്വലിക്കുന്ന അഗ്നിയുടെ നരകത്തിന്റെ 

അൽ മുൽക്ക്  67 : 11

 فَٱعۡتَرَفُواْ بِذَنۢبِهِمۡ فَسُحۡقًا لِّأَصۡحَٰبِ ٱلسَّعِيرِ 

അങ്ങനെ അവര്‍ തങ്ങളുടെ കുറ്റം ഏറ്റുപറയും. അപ്പോള്‍ നരകാഗ്നിയുടെ ആള്‍ക്കാര്‍ക്കുശാപം.

അർത്ഥം : 

فَاعْتَرَفُوا = അങ്ങനെ അവര്‍ സമ്മതിക്കും, ഏറ്റു പറയും 

بِذَنبِهِمْ = തങ്ങളുടെ കുറ്റത്തെ (പാപത്തെ)പ്പറ്റി 

فَسُحْقًا = അപ്പോള്‍ വിദൂരം (ശാപം), നാശം 

لِّأَصْحَابِ السَّعِيرِ = ജ്വലിക്കുന്ന നരകത്തിന്റെ ആള്‍ക്കാര്‍ക്ക് 

67:6-11

  സത്യനിഷേധികളായ അവിശ്വാസികളെ നരകത്തില്‍ ഇടുമ്പോഴത്തെ സന്ദര്‍ഭം അല്ലാഹുവിവരിക്കുകയാണ്. അത്യുഗ്രമായ ഉഷ്ണതാപവും, അതികഠോരമായ കോപതാപവുംനിമിത്തം സ്വയം പൊട്ടിത്തെറിച്ചു ചിന്നിച്ചിതറിപ്പോകുമാറ് തിളച്ചു വമിച്ച്എരിപൊരികൊള്ളുന്ന നരകം അവരുടെ നേരെ ഇരമ്പി ഗര്‍ജിക്കും. അന്നേരംകുറ്റവാളികളുടെ അട്ടഹാസവും, ഭയപ്പാടും, നിലവിളിയും എന്തായിരിക്കുമെന്ന്പറയേണ്ടതില്ലല്ലോ. ഓരോ കൂട്ടം ആളുകളെയും നരകത്തിലേക്ക് വലിച്ചിടുമ്പോള്‍ അവരോട്അതിലെ ഉദ്യോഗസ്ഥന്മാരായ മലക്കുകള്‍ ചോദിക്കും: ‘ഈ ശിക്ഷയെക്കുറിച്ച് നിങ്ങള്‍ക്ക്താക്കീതു നല്‍കുന്നതിന് ആരും വന്നിട്ടുണ്ടായിരുന്നില്ലേ?!’ നരകത്തിലെഉദ്യോഗസ്ഥന്മാരാകട്ടെ – കഴിഞ്ഞ അദ്ധ്യായത്തില്‍ കണ്ടതുപോലെ – ദയതോന്നാത്തപരുഷസ്വഭാവികളും, കഠോരന്‍മാരും (غلاظ شداد). ഈ ചോദ്യം അവരെ കൂടുതല്‍വ്യാകുലരാക്കുമെന്ന് വ്യക്തമാണ്. തങ്ങളുടെ പക്കല്‍ വന്നുപോയ തെറ്റ് അങ്ങേയറ്റത്തെവിനയത്തോടെ അവര്‍ തുറന്നു സമ്മതിക്കും. ‘ഞങ്ങള്‍ക്ക് താക്കീതു നല്‍കുന്നപ്രവാചകന്മാര്‍ വരാതിരുന്നിട്ടില്ല, എങ്കിലും, ഞങ്ങളവരെ നിഷേധിച്ചു തള്ളിക്കളയുകയുംപരിഹസിക്കുകയുമാണുണ്ടായത്. അയ്യോ! അന്ന് അത് കേട്ടനുസരിക്കുകയും, ബുദ്ധിഉപയോഗിച്ച് മനസ്സിരുത്തുകയും ചെയ്തിരുന്നെങ്കില്‍ ഈ അനുഭവത്തിന്ഇടവരികയില്ലായിരുന്നു…!’ പക്ഷേ, ഈ അവസരത്തില്‍ കുറ്റസമ്മതംകൊണ്ട് ഫലമില്ലല്ലോ. കാരുണ്യത്തിന്‍റെയും അനുഗ്രഹത്തിന്‍റെയും കണികപോലും ഇനി അവര്‍ക്ക്പ്രതീക്ഷിക്കുവാനില്ലാത്തവണ്ണം വിദൂരത്തിലും ശാപത്തിലുമാണവരുള്ളത്. اعاذنا الله(അല്ലാഹു നമ്മെ കാത്തുരക്ഷിക്കട്ടെ, – ആമീന്‍). നരകത്തില്‍ പ്രവേശിക്കുന്ന ഒരാളുംതന്നെ, സ്വര്‍ഗത്തെക്കാള്‍ നരകത്തിനാണ് താന്‍ അര്‍ഹനെന്ന് ബോധ്യം വരാത്തവരുണ്ടാകയില്ല, എന്ന് ഒരു നബി വചനത്തില്‍ വന്നിരിക്കുന്നു. (അ)

🎙സംശയനിവാരണം

സംശയം: ഭർത്താവ് മരിച്ചുപോയാൽ ഭാര്യ മഹർ (Mahr) തിരിച്ചു നൽകണമോ?

മറുപടി:

ഇല്ല.

ഇസ്‌ലാമിക ശരീഅത്ത് അനുസരിച്ച്, ഭർത്താവ് മരിച്ചാൽ ഭാര്യ മഹർ തിരിച്ചുനൽകേണ്ടതില്ല.

മഹർ എന്നത് (വിവാഹമൂല്യം) — വിവാഹബന്ധം സ്ഥാപിക്കുമ്പോൾ ഭർത്താവ് ഭാര്യയ്ക്ക്നൽകേണ്ട നിർബന്ധമായ സാമ്പത്തിക അവകാശം ആണ്.

ഇത് ഭർത്താവിന് തിരികെ ചോദിക്കാനോ, ഭാര്യക്ക് തിരിച്ചുനൽകേണ്ട ബാധ്യതയുള്ളതോഅല്ല.

മറിച്ച്, ഇസ്‌ലാം സ്ത്രീക്ക് നൽകിയിരിക്കുന്ന സാമ്പത്തിക സുരക്ഷയുടെ പ്രതീകമാണ്.

🩷 1. മഹർ: ഭാര്യയുടെ അവകാശം

ഖുർആൻ വ്യക്തമാക്കുന്നു:

"وَآتُوا النِّسَاءَ صَدُقَاتِهِنَّ نِحْلَةً"

“സ്ത്രീകൾക്ക് അവരുടെ മഹർ സന്തോഷപൂർവ്വം നൽകുക.”

— (സൂറത് അന്നിസാ, 4:4)

ഈ ആയത്ത് തന്നെ മഹർ ഒരു ഉപഹാരം അല്ല, അവകാശം ആണെന്ന് വ്യക്തമാക്കുന്നു.

അത് ഒരിക്കൽ ഭാര്യയുടെ കൈവശം വന്നാൽ, അത് അവളുടെ പൂർണ്ണഉടമസ്ഥതയിലായിരിക്കും.

ഭർത്താവ് മരിച്ചതോടെ ആ ഉടമസ്ഥാവകാശം അവസാനിക്കുകയോ തിരികെനൽകേണ്ടതാവുകയോ ഇല്ല.

⚖️ 2. ഭർത്താവിന്റെ മരണശേഷമുള്ള സ്ഥിതി

വിവാഹം നടന്നുകഴിഞ്ഞാൽ — ഭർത്താവ് മരിച്ചാൽ,

മഹർ പൂർണ്ണമായി ഭാര്യക്ക് അവകാശപ്പെട്ടതാണ്.

മഹർ നൽകിയിട്ടില്ലെങ്കിൽ, അത് ഭർത്താവിന്റെ കടമായി കണക്കാക്കപ്പെടും.

അതിനാൽ, സ്വത്ത് ഭാഗംവെക്കുന്നതിന് മുമ്പ്, മഹർ തുക ഭാര്യയ്ക്ക് നൽകണം.

ഇത് പണ്ഡിതന്മാരുടെ ഏകോപിതമായ ഫിഖ് വിധിയാണ്:

ഇമാം നവവി (റ): “ഭർത്താവ് മഹർ നൽകാതെ മരിച്ചാൽ, അത് കടംപോലെ അടയ്ക്കണം.”

— (അൽ-മജ്മൂ’, 17/210)

ഇബ്നു ഖുദാമ (റ): “മഹർ ഭാര്യയുടെ സ്വതന്ത്ര അവകാശമാണ്, ഭർത്താവിന്റെമരണത്തോടെ അത് നിലനിൽക്കും.”

— (അൽ-മുഘ്നി, 7/178)

3. മഹർ തിരിച്ചു നൽകേണ്ട പ്രത്യേക സാഹചര്യം

മഹർ തിരിച്ചു നൽകേണ്ടത് മാത്രം ഒരു പ്രത്യേക സാഹചര്യത്തിൽ —

അത് ഖുൽഅ് (Khulʿ) എന്നറിയപ്പെടുന്ന ഭാര്യയുടെ അഭ്യർത്ഥനപ്രകാരം നടക്കുന്നവിവാഹമോചനത്തിൽ.

അവിടെ ഭാര്യ വിവാഹബന്ധം അവസാനിപ്പിക്കാൻ ആഗ്രഹിക്കുന്നതിനാൽ,

തൻറെ മഹർ മുഴുവനായോ ഭാഗികമായോ തിരിച്ചു നൽകാൻ സമ്മതിക്കാം.

പക്ഷേ, ഭർത്താവിന്റെ മരണവുമായി ഇതിന് യാതൊരു ബന്ധവുമില്ല.

ചുരുക്കത്തിൽ:

ഭർത്താവ് മരിച്ചാൽ ഭാര്യക്ക് മഹർ തിരിച്ചു നൽകേണ്ടതില്ല.

മഹർ നൽകിയിട്ടില്ലെങ്കിൽ, അത് ഭർത്താവിന്റെ സ്വത്തിൽ നിന്ന് കടമായി തീർത്തേമതിയാകൂ.

ഇത് ഭാര്യയുടെ അവകാശമാണ്, അവളുടെ അനന്തരാവകാശ വിഹിതത്തിന് പുറമേ.

ഇസ്‌ലാം സ്ത്രീക്ക് നൽകിയ മാന്യതയുടെ തെളിവ്

ഇസ്‌ലാം, സ്ത്രീയെ ഒരു ഭാരമായി അല്ല,

ഒരു അവകാശവതിയായി കണക്കാക്കുന്നു.

ഭർത്താവിന്റെ മരണശേഷവും അവളുടെ മഹർ സംരക്ഷിക്കപ്പെടുന്നു

ഇത് ഇസ്‌ലാമിക നീതിയുടെ അഴകാണ്.

🖋️ സംശയനിവാരണം – ഇസ്ലാമിക മാസിക

📩 പ്രശ്നം അയച്ച സഹോദരിക്ക് നന്ദി.

അല്ലാഹ് നമുക്ക് ദീന്റെ ശരിയായ അറിവ് നൽകട്ടെ. 

കുട്ടിക്കൂട്ടം: (കുട്ടികൾക്കുള്ള ഭാഗം)

ഹൃദയം നിറഞ്ഞ തൗബ: 

എന്താണ് തൗബ?

നമ്മൾ അറിയാതെയും അറിഞ്ഞുകൊണ്ടും ഒരുപാട് തെറ്റുകൾ ചെയ്യാറുണ്ടല്ലേ? ചിലപ്പോൾഉമ്മയോടും ഉപ്പയോടും അനുസരണക്കേട് കാണിക്കും, കൂട്ടുകാരോട് വഴക്കിടും, കള്ളംപറയും, പഠിക്കാൻ മടിക്കും... ഇതൊന്നും നല്ല കാര്യമല്ലല്ലോ. ഇങ്ങനെ നമ്മൾ ചെയ്തതെറ്റുകളെക്കുറിച്ചോർത്ത് സങ്കടപ്പെട്ട്, "അല്ലാഹുവേ, എനിക്ക് മാപ്പ് തരണം. ഞാൻ ഇനി ആതെറ്റുകൾ ചെയ്യില്ല" എന്ന് ഉറപ്പോടെ പറയുന്നതിനാണ് തൗബ എന്ന് പറയുന്നത്. തൗബഎന്നാൽ 'തിരിച്ചു വരവ്' എന്നാണ് അർത്ഥം. തെറ്റായ വഴിയിൽ നിന്ന് നല്ല വഴിയിലേക്ക്തിരിച്ചു വരുന്നു!

തൗബയുടെ കൂട്ടുകാർ (3 കാര്യങ്ങൾ):

ഒരു തൗബ 'ഹൃദയം നിറഞ്ഞ തൗബ' ആകണമെങ്കിൽ ഈ മൂന്ന് കൂട്ടുകാർഅതിലുണ്ടായിരിക്കണം:

 സങ്കടം: നമ്മൾ ചെയ്ത തെറ്റിനെക്കുറിച്ച് ഓർത്ത് നമുക്ക് ശരിക്കും വിഷമം തോന്നണം. "അയ്യോ, ഞാൻ ചെയ്തത് തെറ്റായിപ്പോയല്ലോ" എന്ന് ആത്മാർത്ഥമായി തോന്നണം.

 ഉറച്ച തീരുമാനം:  ഞാൻ ഇനി ഒരിക്കലും ഈ തെറ്റ് ആവർത്തിക്കില്ല" എന്ന് ഉറച്ചമനസ്സോടെ അല്ലാഹുവിനോട് പറയുക.

 മാപ്പ് ചോദിക്കൽ:  ഉടൻ തന്നെ അല്ലാഹുവിനോട് കൈ ഉയർത്തി മാപ്പ് ചോദിക്കുക.

തെറ്റുകൾ ഉണ്ടായാൽ എന്ത് ചെയ്യണം?

ഒരു തെറ്റ് പറ്റിപ്പോയാൽ നമ്മൾ ഒട്ടും വൈകരുത്.

 ഉടൻ തൗബ ചെയ്യുക: അല്ലാഹുവിനോട് മാപ്പ് ചോദിക്കുക.

 ആളുകളോട് ചെയ്ത തെറ്റാണെങ്കിൽ: നമ്മൾ വിഷമിപ്പിച്ച കൂട്ടുകാരനോട് അല്ലെങ്കിൽഉമ്മയോടും ഉപ്പയോടും ഉടൻ തന്നെ ക്ഷമ ചോദിക്കുകയും തെറ്റ് തിരുത്തുകയും വേണം.

 നല്ല കാര്യങ്ങൾ കൂടുതൽ ചെയ്യുക: ഒരു തെറ്റ് ചെയ്താൽ അതിനുശേഷം ഒരുപാട് നല്ലകാര്യങ്ങൾ (നമസ്കരിക്കുക, ഖുർആൻ ഓതുക, സഹായിക്കുക) ചെയ്യുക. നല്ല കാര്യങ്ങൾനമ്മൾ ചെയ്ത ചെറിയ തെറ്റുകളെ മായ്ച്ചുകളയും.

അല്ലാഹുവിന്റെ സ്നേഹം:

നമ്മൾ തൗബ ചെയ്യുമ്പോൾ അല്ലാഹുവിന് ഒരുപാട് സന്തോഷമാകും. നമ്മുടെ ഉമ്മയുംഉപ്പയും നമ്മൾ തെറ്റ് തിരുത്തി നല്ല കുട്ടിയാകുമ്പോൾ സന്തോഷിക്കുന്നത് പോലെ, അതിനേക്കാൾ എത്രയോ അധികം സന്തോഷം അല്ലാഹുവിന് ഉണ്ടാകും. അല്ലാഹുവിന്നമ്മളോട് ഒത്തിരി സ്നേഹമാണ്, നമ്മൾ എത്ര വലിയ തെറ്റ് ചെയ്താലും ഹൃദയം നിറഞ്ഞതൗബ ചെയ്താൽ അല്ലാഹു നമ്മളോട് ക്ഷമിക്കും.

ഓർക്കാൻ ഒരു വാക്ക്:

"തെറ്റുകൾ പറ്റിയാലും വിഷമിക്കേണ്ട. വേഗം തൗബ ചെയ്താൽ നീ അല്ലാഹുവിന്റെഇഷ്ടപ്പെട്ട കുട്ടിയായി മാറും!"

നിങ്ങളുടെ പ്രതികരണങ്ങൾ ക്ഷണിക്കുന്നു!

പ്രിയ വായനക്കാരേ,

ഈമാനിന്റെ വെളിച്ചം പരത്തുന്ന ഈ മാസിക നിങ്ങൾക്ക് പ്രയോജനകരമായിരിക്കുമെന്ന് ഞങ്ങൾ പ്രതീക്ഷിക്കുന്നു. ഓരോ ലക്കവും മെച്ചപ്പെടുത്തുന്നതിനും കൂടുതൽ വിജ്ഞാനപ്രദമാക്കുന്നതിനും നിങ്ങളുടെ അഭിപ്രായങ്ങളും നിർദ്ദേശങ്ങളും വിലപ്പെട്ടതാണ്.

നിങ്ങളുടെ ചിന്തകളും പ്രതികരണങ്ങളും ഞങ്ങളുമായി പങ്കുവെക്കുക.

അല്ലാഹു അനുഗ്രഹിക്കട്ടെ🤲