🌹ഖുർആൻ... സംശയങ്ങളും വിശദീകരണവും(( അമാനി മൗലവി തഫ്സീർ)

 

1🌹 എന്താണ് ഖുർആൻ 🌹

സ്രഷ്ടാവും സംരക്ഷകനുമായ തമ്പുരാനിൽനിന്ന് മാനവരാശിക്ക് അവതരിപ്പിക്കപ്പെട്ട അവസാനത്തെ വേദഗ്രന്ഥമാണ് ഖുർആൻ . അന്തിമ പ്രവാചകനായ മുഹമ്മദി (സ )( ലൂടെയാണ് അത് ലോകം ശ്രവിച്ചത് . അവസാനത്തെ മനുഷ്യൻ വരെ സകലരും സ്വീകരിക്കേണ്ട ദൈവിക ഗ്രന്ഥമാണത് . അന്ത്യപ്രവാചകൻ മുഹമ്മദ് നബി(സ )ക്ക് അദ്ദേഹത്തിന്റെ 40 -ാമത്തെവയസ്സിൽ പ്രവാചകത്വം ലഭിച്ചതു മുതൽ 63 -ാം വയസ്സിൽ അവിടുത്തെ വിയോഗമുണ്ടായതു വരെയുള്ള കാലഘട്ടത്തിൽ - പല സന്ദർഭങ്ങളിലായി - അല്ലാഹു വിശുദ്ധ ഖുർആൻ അവതരിപ്പിച്ചു . ലോകാവസാനം വരെയുള്ള മുഴുവൻ മനുഷ്യർക്കും   മാർഗദർശനമായിക്കൊണ്ടാണ് ഈ ദൈവീക വചനങ്ങൾ ഇറക്കപ്പെട്ടത് . അതുകൊണ്ടു തന്നെ അന്ത്യനാളുവരെ ക്യുർആനിനെ യാതൊരു മാറ്റത്തിരുത്തലുമില്ലാതെ സംരക്ഷിക്കുമെന്ന് അത് അവതരിപ്പിച്ച റബ്ബു  തന്നെ മനുഷ്യർക്ക് വാഗ്ദാനം നൽകിയിട്ടുണ്ട് . " അല്ലാഹുവിന്റെ ബാധ്യതയാകുന്നു നേരായ മാർഗ്ഗം ( കാണിച്ചുതരിക ) എന്നത് . അവയുടെ ( മാർഗ്ഗങ്ങളുടെ ) കൂട്ടത്തിൽ പിഴച്ചവയുമുണ്ട് . അവൻ ഉദ്ദേശിച്ചിരുന്നുവെങ്കിൽ നിങ്ങളെയെല്ലാം അവൻ നേർവഴിയിലാക്കുമായിരുന്നു . " ( 16 : 9 ) എല്ലാവിധ മാനുഷിക കൈകടത്തലുകളിൽ നിന്നും മുക്തമായി ഇന്നു നിലനിൽക്കുന്ന ഏക വേദഗ്രന്ഥം ഖുർആനത്രേ . അത് ഒരേ സമയം ഒരുമാർഗദർശക ഗ്രന്ഥവും അതോടൊപ്പം അന്തിമപ്രവാചകന് നൽകപ്പെട്ട ദൈവിക ദൃഷ്ടാന്തവും അവസാനത്തെ വേദ ഗ്രന്ഥവുമാണ് . ' മുസ്ഹഫ് എന്ന പേരിൽ അറിയപ്പെടുന്ന ഈ വിശുദ്ധ ഗ്രന്ഥം ഇന്ന് ലോകത്തിന്റെ ഏത് ഭാഗത്തും കാണാവുന്നതാണ് .  ' ഖുർആൻ ' എന്ന പദത്തിന് ' വായന ' എന്നും ' വായിക്കപ്പെടേണ്ടത് ' എന്നും ' വായിക്കപ്പെടുന്നത് എന്നും അർത്ഥമുണ്ട് . ' വായിക്കപ്പെടുന്ന രേഖ ' എന്ന അർത്ഥത്തിൽ ഖുർആനിൽ തന്നെ ഈ പദം പ്രയോഗിക്കപ്പെട്ടിട്ടുണ്ട് . ( 13:31 ) മുമ്പുള്ള വേദഗ്രന്ഥങ്ങളെ പോലെ നിയമസംഹിതയോ ( തൗറാത്ത് ) , സങ്കീർത്തനങ്ങളോ ( സബൂർ ) , സുവിശേഷ വർത്തമാനങ്ങളോ ( ഇൻജീൽ ) മാത്രമല്ല ഖുർആൻ . അതിലെ   ഓരോ പദവും അന്ത്യനാളുവരെയുള്ള കോടിക്കണക്കിന് സത്യവിശ്വാസികളാൽ ആവർത്തിച്ച് വായിക്കപ്പെടുകയും അവരുടെ ഹൃദയാന്തരാളങ്ങളിൽ കൊത്തിവെച്ച് സ്വജീവിതം അതനുസരിച്ച് ാർക്കപ്പെടുകയും ചെയ്യേണ്ടതുള്ളതിനാലായിരിക്കാം അന്തിമവേദം ഖുർആൻ എന്ന് നാമകരണം ചെയ്യപ്പെട്ടത് . യഥാർത്ഥ കാരണം അത് അവതരിപ്പിച്ച നാഥന് മാത്രമേ അറിയൂ . ഒരു സത്യവിശ്വാസിയെ സംബന്ധിച്ചിടത്തോളം സത്യാസത്യ വിവേചനത്തിനുള്ള മാനദണ്ഡമാണ് ഖുർആൻ . അതിൽ കൽപ്പിച്ചതെല്ലാം നന്മയും അതിൽ നിരോധിച്ചതെല്ലാം തിന്മയുമാണെന്ന് അവൻ മനസ്സിലാക്കുന്നു .  ഖുർആൻ സ്വയം പരിചയപ്പെടുത്തുന്നത് ' ഫുർഖാൻ ' എന്നാണ് ( 2:53 , 2 : 185 , 3 : 4 , 25 : 1 ) ' സത്യാസത്യവിവേചകം ' എന്നർത്ഥം . കിതാബ് ( ഗ്രന്ഥം ) , ദിക്ർ ( ഉദ്ബോധനം ) , നൂർ ( പ്രകാശം ) , ഹുദാ ( സന്മാർഗം ) , ബുർഹാൻ ( തെളിവ് ) , ശിഫാ ( ശമനം ) , ഖയ്യിം ( അവക്രമായത് ) , മുഹൈമിൻ ( പൂർവ്വവേദങ്ങളിലെ അടിസ്ഥാനാശയങ്ങളെ സംരക്ഷിക്കുന്നത് ) തുടങ്ങിയ വിശേഷണങ്ങളിലൂടെയും ഖുർആൻ സ്വയം പരിചയപ്പെടുത്തുന്നുണ്ട് . ഇവയിലൂടെ ഖുർആനിന്റെ ധർമ്മത്തെക്കുറിച്ച് വ്യക്തമായ ചിത്രം അനുവാചകനു ലഭിക്കുന്നുണ്ട് .........
ഖുർആൻ ' എന്ന പദത്തിന് ' വായന ' എന്നും ' വായിക്കപ്പെടേണ്ടത് 1 ' എന്നും ' വായിക്കപ്പെടുന്നത് ' എന്നും അർത്ഥമുണ്ട് . ' വായിക്കപ്പെടുന്ന രേഖ ' എന്ന അർത്ഥത്തിൽ ഖുർആനിൽ തന്നെ ഈ പദം പ്രയോഗിക്കപ്പെട്ടിട്ടുണ്ട് . ( 13:31 )

ഖുർആൻ : (വായന വായിക്കപ്പെടുന്ന രേഖ )
കിതാബ് ( ഗ്രന്ഥം ) , ദിക്ർ ( ഉദ്ബോധനം ) , നൂർ ( പ്രകാശം ) , ഹുദാ ( സന്മാർഗം ) , ബുർഹാൻ ( തെളിവ് ) , ശിഫാ ( ശമനം ) , ഖയ്യിം ( അവക്രമായത് ) , മുഹൈമിൻ ( പൂർവ്വവേദങ്ങളിലെ അടിസ്ഥാനാശയങ്ങളെ സംരക്ഷിക്കുന്നത് ) തുടങ്ങിയ വിശേഷണങ്ങളിലൂടെയും ഖുർആൻ സ്വയം പരിചയപ്പെടുത്തുന്നുണ്ട് . ഇവയിലൂടെ ഖുർആനിന്റെ ധർമ്മത്തെക്കുറിച്ച് വ്യക്തമായ ചിത്രം അനുവാചകനു ലഭിക്കുന്നുണ്ട് ....

2. 🌹ഖുർആന്റെ അവതരണം ആരംഭിച്ചതു എപ്പോഴാണ് ?🌹

    ഹിജ്റഃ വർഷത്തിന് 13 കൊല്ലം മുമ്പ് ക്രിസ്താബ്ദം 610 ൽ- റമദാൻ മാസത്തിലെ ഒരു പുണ്യരാവിലാണ് ഖുർആൻ അവതരണമാരംഭിച്ചത് . " സൂറത്തുൽ അലഖ് ലെ ആദ്യവചനങ്ങളായിരുന്നു ഖുർആൻ അവതരണത്തിന്റെ ആരംഭം . " സൃഷ്ടിച്ചവനായ നിന്റെ രക്ഷിതാവിന്റെ നാമത്തിൽ ഓതുക . മനുഷ്യനെ അവൻ രക്തപിണ്ഡത്തിൽ നിന്ന് സൃഷ്ടിച്ചിരിക്കുന്നു . ഓതുക , നിന്റെ രക്ഷിതാവ് ഏറ്റവും ഉദാരൻ ( അഥവാ മാന്യൻ ) ആകുന്നു . പേന കൊണ്ട് പഠിപ്പിച്ചവനാണ് . ( അതെ ) മനുഷ്യന് അവൻ അറിയാത്തത് അവൻ പഠിപ്പിച്ചിരിക്കുന്നു .
"( 96 : 1-5 )

നബി (സ )യുടെ ഹിജ്റ ക്ക് മുമ്പ് അവതരിച്ച സൂറത്തുകൾക്ക് മക്കിയ്യ’എന്നും ഹിജ്റക്ക് ശേഷം അവതരിച്ച സൂറത്തുകൾക്ക് ‘ മദനിയ്യ ’ എന്നും പറയുന്നു . തൗഹീദ് ( ഏക ദൈവ വിശ്വാസം ) , പരലോക വിശ്വാസം , മരണാനന്തര ജീവിതം , പ്രവാചകത്വം , ഖുർആന്റ സത്യത ആദിയായ മൗലിക സിദ്ധാന്തങ്ങളാണ് മക്കീ സൂറത്തുകളിൽ പ്രധാനമായും പ്രതിപാദിക്കപ്പെട്ടിരിക്കുന്നത് . കർമ്മാനുഷ്ഠാനങ്ങൾ , സാമുദായികവും സാമൂഹികവുമായ കടമകൾ , മുതലായവയെ സ്പർശിക്കുന്ന മതവിധികൾ മദനീ സൂറത്തുകളിലാണ് മിക്കവാറും പ്രതിപാദിക്കപ്പെടുന്നത് ....

🌹🌹🌹🌹🌹🌹

3. 🌹ഖുർആനിലെ അധ്യായങ്ങൾ , ആയത്തുകൾ എന്നിവ എങ്ങിനെയാണ് ക്രമീകരിക്കപ്പെട്ടിരിക്കുന്നത് ?🌹

വിശുദ്ധ ഖുർആൻ ചെറുതും വലുതുമായി 114 അദ്ധ്യായങ്ങളും ( സൂറത്തുകളും ) 6000 ത്തിൽ പരം വചനങ്ങളും ( ആയത്തുകളും ) 77,000 ത്തിൽ പരം പദങ്ങളും ( കലിമത്തുകളും ) 3 , 20,000 ത്തിലധികം അക്ഷരങ്ങളും ഉൾക്കൊള്ളുന്നു . ഏകദേശം സമവലിപ്പത്തിലുള്ള 30 ഭാഗങ്ങളായി ( ജുസ്ഉകളായി ) അത് ഭാഗിക്കപെട്ടിരിക്കുന്നു . ഓരോ അദ്ധ്യായത്തിനും ഓരോ പേരുകൾ നൽകപ്പെട്ടിരിക്കുന്നു . ചില അദ്ധ്യായങ്ങളുടെ പേരുകൾ അവയുടെ പ്രാരംഭ ശബ്ദങ്ങൾ തന്നെയാണ് . ചിലതിന്റെ മദ്ധ്യത്തിൽ പരാമർശിക്കപ്പെട്ട ഏതെങ്കിലും കാര്യങ്ങൾ ആയിരിക്കും പേര് . ചിലതിൽ പ്രതിപാദിക്കപ്പെട്ട പ്രധാന വിഷയങ്ങളെ സൂചിപ്പിക്കുന്ന പേരുകളായിരിക്കും . മറ്റു ചില സൂറത്തുകളുടെ പേരുകൾ അവയിലെ അടിസ്ഥാന വിഷയങ്ങളെ സൂചിപ്പിക്കുന്നവ ആയിരിക്കും . സൂറത്തുകളുടെയും അവയിലെ ആയത്തുകളുടെയും വലിപ്പത്തിൽ വലിയ അന്തരമുണ്ട് . മൂന്ന് ആയത്തുകൾ മുതൽ മുന്നൂറോളം ആയത്തുകളുള്ള വലുതും ചെറുതുമായ അദ്ധ്യായങ്ങൾ ഖുർആനിൽ ഉണ്ട് . അതുപോലെ ഏതാനും ശബ്ദങ്ങൾ മാത്രം ചേർന്ന ആയത്തുകൾ മുതൽ ദീർഘമായ ആയത്തുകൾ വരെയുണ്ട് . ഇവയുടെയെല്ലാം ഘടനയും ദൈർഘ്യവും എല്ലാം നിശ്ചയിച്ചിരിക്കുന്നത് അല്ലാഹുവാണ് ......

4. 🌹എന്താണ് ഖുർആനിൻറെ പ്രതിപാദനശൈലി ... ?🌹

പടച്ചതമ്പുരാന്റെ വചനങ്ങളാണ് ഖുർആനിലുള്ളത് . മനുഷ്യരാണ് അതിന്റെ സംബോധിതർ . സാധാരണ ഗ്രന്ഥങ്ങളുടെ പ്രതിപാദന ശൈലിയല്ല ഖുർആൻ സ്വീകരിച്ചിരിക്കുന്നത് . വൈജ്ഞാനിക ഗ്രന്ഥങ്ങളുടേതുപോലെ സമർത്ഥനത്തിന്റെ ശൈലിയോ ചരിത്രഗ്രന്ഥങ്ങളിലേ പ്രതിപാദനത്തിന്റെ ശൈലിയോ സാഹിത്യ ഗ്രന്ഥങ്ങളിലേതുപോലെ കഥനത്തിന്റെ ശൈലിയോ അല്ല ഖുർആനിൽ സ്വീകരിക്കപ്പെട്ടിരിക്കുന്നത് . ഈ ശൈലികളെല്ലാം ഖുർആൻ സ്വീകരിക്കുന്നുണ്ടുതാനും . നിർണയിക്കപ്പെട്ട ഒരു കേന്ദ്ര വിഷയത്തിന്റെ ശാഖകളും ഉപശാഖകളും വിശദീകരിച്ചു കൊണ്ട് ഉദ്ദേശിച്ച കാര്യം സമർത്ഥിക്കുകയല്ല ഖുർആൻ ചെയ്യുന്നത് . വിഷയങ്ങൾനിർണയിച്ച് അതിന്റെ അടിസ്ഥാനത്തിൽ അധ്യായങ്ങളും ശീർഷകങ്ങളും തരംതിരിക്കുകയെന്ന ശൈലിയല്ല ഖുർആനിൽ സ്വീകരിക്കപ്പെട്ടിരിക്കുന്നത് . വ്യത്യസ്ത വിഷയങ്ങൾ കൂടിക്കുഴഞ്ഞ രീതിയിലാണ് അതിൽ പ്രതിപാദിക്കപ്പെട്ടിട്ടുള്ളത് . പ്രബോധിതരോട് സമർഥമായി സംവദിക്കുന്ന ശൈലിയാണ് ഖുർആനിൽ സ്വീകരിക്കപ്പെട്ടിട്ടുള്ളത് എന്ന് പറയാം . മനുഷ്യരെ രക്ഷാമാർഗം പഠിപ്പിക്കുകയാണ് ഖുർആൻ ചെയ്യുന്നത് . അതിനത് ശാസ്ത്രത്തെയും ചരിത്രത്തെയുമെല്ലാം ഉപയോഗപ്പെടുത്തുന്നുണ്ട് . സദ് വർത്തമാനങ്ങളും അതോടൊപ്പം താക്കീതും അതിന്റെ സൂക്തങ്ങൾക്കിടക്ക് കടന്നുവരുന്നു . സത്യമാർഗം സ്വീകരിച്ചാൽ ലഭിക്കാൻ പോകുന്ന പ്രതിഫലത്തെയുംതിരസ്കരിച്ചാലുള്ള ഭവിഷ്യത്തുകളെയും കുറിച്ച് അത് ബോധ്യപ്പെടുത്തുന്നുണ്ട് . മനുഷ്യന്റെ ബുദ്ധിയെയും യുക്തിയെയും തട്ടിയുണർത്തിക്കൊണ്ട് തന്റെ ചുറ്റുപാടുകളിലേക്ക് കണ്ണോടിക്കുവാനും അങ്ങിനെ പ്രതിപാദിക്കപ്പെടുന്ന കാര്യങ്ങളുടെ സത്യതയെക്കുറിച്ച് സ്വയം ബോധ്യപ്പെടുത്താനും അത് ആവശ്യപ്പെടുന്നു . ഇതെല്ലം കൂടിക്കുഴഞ്ഞുകൊണ്ടാണ് കടന്നു വരുന്നത് . പ്രബോധിതരുടെ താല്പര്യം പരിഗണിച്ച് പടച്ചതമ്പുരാൻ സ്വീകരിച്ചതാണ് ഈ ശൈലി . ബുദ്ധിജീവികളും സാധാരണക്കാരുമെല്ലാം ഉൾപ്പെടുന്ന മനുഷ്യസമൂഹത്തിന്റെ മൊത്തം ബോധവൽക്കരണത്തിന് ഉതകുന്നതത്രെ ഈ ശൈലി . ഖുർആനിന്റെ സവിശേഷമായ ഈ പ്രതിപാദനശൈലിയെക്കുറിച്ച് മനസ്സിലാക്കാതെ ഒരു വൈജ്ഞാനിക ഗ്രന്ഥത്തെയോ ചരിത്ര പുസ്തകത്തെയോ സമീപിക്കുന്ന രീതിയിൽ ഖുർആനെ സമീപിക്കുന്നത് അതിനെ വേണ്ടവിധത്തിൽ മനസ്സിലാക്കുന്നതിന് വിഘാതമാകും....

🌹5. എന്താണ് ഖുർആനിൽ പ്രതിപാദിച്ചിരിക്കുന്നത് ?🌹

മനുഷ്യരുടെ ഇഹലോകത്തെയും മരണാനന്തര ജീവിതത്തിലെയും വിജയത്തിനാവശ്യമായ ധാർമിക നിർദേശങ്ങളാണ് ഖുർആനിലുള്ളത് . സ്രഷ്ടാവും സൃഷ്ടികളും തമ്മിലുള്ള ബന്ധമാണ് ഖുർആനിന്റെ മുഖ്യപ്രമേയമെന്ന് പറയാം . മാനവസമൂഹത്തെ ആത്യന്തികമായ നന്മയിലേക്ക് നയിക്കുന്ന വിശ്വാസാചാരങ്ങളെയും ജീവിതരീതിയെയും കുറിച്ച പ്രതിപാദനങ്ങളാണ് അതിൽ നിറഞ്ഞുനിൽക്കുന്നത് . മനുഷ്യർക്ക് പാഠമായിത്തീരേണ്ട ഗതകാലസംഭവങ്ങളെ അത് എടുത്തുദ്ധരിക്കുന്നത് ദൈവിക മാർഗദർശനത്തിലേക്ക് ജനങ്ങളുടെ ശ്രദ്ധക്ഷണിക്കുന്നതിനു വേണ്ടിയാണ് . ആത്മസംസ്കരണത്തിനുതകുന്ന ഉപദേശനിർദേശങ്ങളോടൊപ്പംഭൗതിക ജീവിതത്തിൽ പാലിക്കേണ്ട വിധിവിലക്കുകളും അതുൾക്കൊള്ളുന്നു . സ്രഷ്ടാവിന്റെ അസ്തിത്വത്തെപ്പറ്റി മനുഷ്യരെ ബോധ്യപ്പെടുത്തുന്ന തരത്തിൽ പ്രാപഞ്ചിക പ്രതിഭാസങ്ങളെക്കുറിച്ച വിശദീകരണങ്ങളും ഖുർആനിലുണ്ട് . ഉദാ : " നിശ്ചയമായും , ആകാശങ്ങളുടെയും , ഭൂമിയുടെയും സൃഷ്ടിപ്പിലും , രാവും പകലും വ്യത്യാസപ്പെടുന്നതിലും ( സൽ ) ബുദ്ധിയുള്ളവർക്ക് പല ദൃഷ്ടാന്തങ്ങളുണ്ട് . അതായത് , നിന്നുകൊണ്ടും , ഇരുന്നുകൊണ്ടും , തങ്ങളുടെ പാർശ്വങ്ങളിലായി ( കിടന്ന് ) കൊണ്ടും അല്ലാഹുവിനെ ഓർമിക്കുന്നവർ . ആകാശങ്ങളുടെയും , ഭൂമിയുടെയും സൃഷ്ടിപ്പിനെപ്പറ്റി അവർ ചിന്തിച്ചു കൊണ്ടിരിക്കുകയും ചെയ്യും " ( 3 : 190-191 )

🌹6. മുഹമ്മദ് നബി ( യുടെ രചനയാണ് ഖുർആൻ എന്ന് വാദിച്ചുകൂടേ ?🌹

മുഹമ്മദ് നബി ( സ ) ജീവിച്ചത് ചരിത്രത്തിന്റെ വെളിച്ചത്തിലാണ് . അദ്ദേഹത്തിലൂടെയാണ് ലോകം ഖുർആൻ ശ്രവിച്ചത് . അതുകൊണ്ടുതന്നെ ഖുർആനിന്റെ ദൈവീകത അംഗീകരിക്കാത്തവരെ സംബന്ധിച്ചിടത്തോളം അവർക്ക് പറയാനുള്ളത് ഇത് മുഹമ്മദി(സ )ന്റെ രചനയാണെന്നാണ് . ഈ വാദം വിശദമായി ചർച്ച ചെയ്യേണ്ടതാണ് . ചർച്ചയുടെ ആമുഖമായി നാം മനസ്സിലാക്കേണ്ട ചില വസ്തുതകളുണ്ട്.അവയുടെ അടിത്തറയിൽ നിന്നുകൊണ്ടായിരിക്കണം മുഹമ്മദ് നബി(സ )യിൽ    ഖുർആനിന്റെ കർതൃത്വം ആരോപിക്കുന്നത് ...

ഒന്ന് : 40 വയസ്സുവരെ അറബികൾക്കിടയിൽ സുസമ്മതനായ വ്യക്തിയായിരുന്നു മുഹമ്മദ് (സ ) . ഖുർആൻ ദൈവികമാണെന്നും അതിലെ വിധിവിലക്കുകൾ അനുസരിക്കേണ്ടതുണ്ടെന്നും പ്രബോധനം ചെയ്തതുകൊണ്ടാണ് അദ്ദേഹം വെറുക്കപ്പെട്ടവനായത് ; ബഹിഷ്കരിക്കപ്പെട്ടത് ; ജനിച്ചുവളർന്ന നാട്ടിൽ നിന്ന് പാലായനം ചെയ്യേണ്ടി വന്നത് .,.

പ്രയാസമാണ് . രണ്ട് : സത്യസന്ധനായിരുന്നു മുഹമ്മദ്(സ )എന്ന കാര്യത്തിൽ അദ്ദേഹത്തിന്റെ കഠിന ശത്രുക്കൾക്കുപോലും അഭിപ്രായ വ്യത്യാസം ഉണ്ടായിരുന്നില്ല . നാൽപതു വയസ്സുവരെ സത്യസന്ധനായിജീവിച്ച അദ്ദേഹം ഒരുദിവസം പടച്ചതമ്പുരാന്റെ പേരിൽ ഒരു പച്ചക്കള്ളം പറഞ്ഞുവെന്നും അത് പ്രചരിപ്പിക്കുന്നതിനുവേണ്ടി സ്വന്തം ജീവൻ തൃണവൽഗണിച്ചുവെന്നും വിശ്വസിക്കുക പ്രയാസമാണ്..

ഖുർആൻ മൂന്ന് : സാഹിത്യകാരന്മാർക്ക് അറേബ്യയിൽ ഉന്നതമായ സ്ഥാനം നൽകപ്പെട്ടിരുന്നു . ഖുർആൻ അത്യുന്നതമായ ഒരു സാഹിത്യസൃഷ്ടിയാണെന്ന കാര്യത്തിൽ ആർക്കും ഭിന്നാഭിപ്രായമുണ്ടായിരുന്നില്ല . അത് തന്റേതാണ് എന്ന് അവകാശപ്പെട്ടിരുന്നുവെങ്കിൽ അദ്ദേഹത്തിന് അറബികൾക്കിടയിൽ ഉന്നതമായ സ്ഥാനമാനങ്ങൾ ലഭിക്കുമായിരുന്നു ....

നാല് : മുഹമ്മദി ( സ ) ന്റെ ചില നടപടികളെ വിമർശിക്കുന്ന വാക്യങ്ങൾ ഖുർആനിലുണ്ട് ....

അഞ്ച് : മുഹമ്മദി ( സ ) നെ ശക്തമായി താക്കീത് ചെയ്യുന്ന വചനങ്ങളും ഖുർആനിലുണ്ട്...

ഈ വസ്തുതകൾ മുന്നിൽ വെച്ചുകൊണ്ടാണ് ഖുർആൻ മുഹമ്മദി (സ ) ന്റെ സൃഷ്ടിയാണ് എന്ന വാദത്തിലെ ശരിയും തെറ്റും പരിശോധിക്കേണ്ടത് ..... സാഹിത്യമൂല്യമുള്ള ഒരു സൃഷ്ടി നടത്തി അത് ദൈവത്തിന്റെ പേരിൽ ആരോപിച്ചതാണെങ്കിൽ അതിനുപിന്നിൽ സ്വാർത്ഥമായ വല്ല ലക്ഷ്യങ്ങളുമുണ്ടാവണമല്ലോ . അതെന്തായിരുന്നുവെന്നാണ് വിമർശകർ ആദ്യം വ്യക്തമാക്കേണ്ടത് . അതിന്റെ അടിസ്ഥാനത്തിലാണ് ഈ വാദത്തിന്റെ സത്യത പരിശോധിക്കപ്പെടേണ്ടത് ....

🌹7. അസംഘടിതരായിരുന്ന അറബികളെ സംഘടിപ്പിക്കുകയും ഉന്നതിയിലേക്ക് നയിക്കുകയും ചെയ്യുകയെന്ന ലക്ഷ്യത്തോടെ മുഹമ്മദ്(സ )( നിർമ്മിച്ചെടുത്ത ഗ്രന്ഥമാണ് ഖുർആനെന്ന് കരുതിക്കൂടെ ? 🌹

അറബികളെ ഐക്യപ്പെടുത്തുകയും പുരോഗതിയിലേക്ക് നയിക്കുകയുമായിരുന്നു ഖുർആൻ രചിച്ചതിനു പിന്നിലുള്ള ലക്ഷ്യമെങ്കിൽ അതിലെ പ്രതിപാദനങ്ങളിൽ നിന്ന് ഇക്കാര്യം വ്യക് തമാവുമായിരുന്നു . എന്നാൽ , ഖുർആൻ ഒരാവർത്തി വായിച്ച ഒരാൾക്ക് അതിൽ അറബി ദേശീയതയുടെ ഉയിർത്തെഴുന്നേൽപ്പ് ഒരു വിഷയമായി വരുന്നേയില്ലെന്ന വസ്തുത വ്യക്തമാവുന്നതാണ് . അറബികളുടെ നവോത്ഥാനമായിരുന്നു ഖുർആൻ രചനയ്ക്കു പിന്നിലുള്ള ഉദ്ദേശ്യമെന്ന വാദം താഴെ പറയുന്ന വസ്തുതകൾക്കു മുന്നിൽ അടിസ്ഥാനരഹിതമായി തീരുന്നു....

ഒന്ന് : അറബികളുടെ നവോത്ഥാനത്തെയോ ഐക്യത്തെയോ പ്രോത്സാഹിപ്പിക്കുന്ന രീതിയിലുള്ള ഒരു വചനംപോലും ഖുർആനിലില്ല . രണ്ട് ദേശീയമായ അതിർവരമ്പുകളില്ലാത്ത ആദർശ സമൂഹമെന്ന സങ്കൽപ്പമാണ് ഖുർആൻ മുന്നോട്ടുവെക്കുന്നത് . ' ഉമ്മത്ത് ' എന്ന സാങ്കേതിക സംജ്ഞയാൽ വിശേഷിപ്പിക്കപ്പെട്ടിരിക്കുന്ന ആദർശസമൂഹത്തിൽ സത്യവിശ്വാസം സ്വീകരിച്ച ഏവരും ദേശീയതയുടെയോ പ്രാദേശികത്വത്തിന്റെയോ വർഗ്ഗത്തിന്റെയോ ജാതിതയുടെയോ അതിർവരമ്പുകളില്ലാതെ അംഗങ്ങളാണ് . അറബിദേശീയതയെന്ന സങ്കൽപം തന്നെ ഖുർആനിന് അന്യമാണ് ....

മൂന്ന് : അറബികളുടെ നവോത്ഥാനമായിരുന്നു മുഹമ്മദി(സ )ന്റെ ലക്ഷ്യമെങ്കിൽ അധികാരം വാഗ്ദാനം ചെയ്യപ്പെട്ടപ്പോൾ അത് സ്വീകരിക്കുകയും ശക്തിയും പാടവവുമുപയോഗിച്ച് അവരെ ഐക്യപ്പെടുത്തുകയും പുരോഗതിയിലേക്ക് നയിക്കുകയും ചെയ്യാൻ അദ്ദേഹം ശ്രമിക്കുമായിരുന്നു . എന്നാൽ , അതുണ്ടായില്ല . അധികാരം സ്വീകരിച്ചുകൊണ്ട് നവോത്ഥാനത്തിന് ശ്രമിക്കുന്നതിനു പകരം അത് നിരസിക്കുകയാണ് അദ്ദേഹം ചെയ്തത് .

നാല് : അധികാരം ലഭിച്ചതിനുശേഷവും അദ്ദേഹം അറബികളുടെ ഏതെങ്കിലും തരത്തിലുള്ള ഔന്നത്യത്തിനുവേണ്ടി വാദിച്ചിട്ടില്ല . തന്റെ അന്തിമ പ്രസംഗത്തിൽ അദ്ദേഹം അർഥശങ്കക്കിടയില്ലാത്ത വണ്ണം പ്രഖ്യാപിച്ചു : "..അറബിക്ക് അനറബിയേക്കാളോ അനറബിക്ക് അറബിയേക്കാളോ യാതൊരു ശ്രേഷ്ഠതയുമില്ല ; ധർമ്മനിഷ്ഠയുടെ പേരിലല്ലാതെ " . ഇത് അറബി ദേശീയതയുടെ നവോത്ഥാനത്തിനു വേണ്ടി ശ്രമിച്ച ഒരു വ്യക്തിയുടെ വാക്കുകളാകുമോ ?

അഞ്ച് : സത്യവിശ്വാസികൾക്ക് മാതൃകയായി ഖുർആനിൽ പരാമർശിക്കപ്പെട്ടിട്ടുള്ളത് രണ്ടു വനിതകളാണ് . ഒന്ന് , ഫറോവയുടെ പത്നി . രണ്ട് , യേശുവന്റെ മാതാവ് ( 66 : 11,12 ) . രണ്ടുപേരും അറബികളല്ല . അറബ് ദേശീയതക്കുവേണ്ടി ഗ്രന്ഥമെഴുതിയ വ്യക്തി ലോകത്തിന് മാതൃകയായി എടുത്തു കാണിക്കുന്നത് അറബികളുടെ എതിരാളികളെയാകുമോ ? മറിയമിനെക്കുറിച്ച്ഖുർആൻ പറയുന്നതിങ്ങനെയാണ് : " മലക്കുകൾ ഇപ്രകാരം പറഞ്ഞ സന്ദർഭം : മർയമേ , തീർച്ചയായും അല്ലാഹു നിന്നെ പ്രത്യേകം തെരഞ്ഞെടുക്കുകയും നിനക്ക് പരിശുദ്ധി നൽകുകയും ലോകത്തുള്ള സ്ത്രീകളിൽ വെച്ച് ഉൽകൃഷ്ടയായി നിന്നെ തെരഞ്ഞെടുക്കുകയും ചെയ്തിരിക്കുന്നു " ( 3:42 ) ബൈബിളിലൊരിടത്തും ഇത്ര ബഹുമാനത്തോടുകൂടി മർയമിനെക്കുറിച്ച് പരാമർശിക്കപ്പെട്ടിട്ടില്ല എന്നുകൂടി ഓർക്കുക . ലോക വനിതകളിൽ ഉൽകൃഷ്ടയായി ഖുർആൻ എടുത്തുകാണിക്കുന്നത് മുഹമ്മദി(സ )ന്റെ മാതാവിനെയോ ഭാര്യയെയോ മറ്റേതെങ്കിലും അറബ് സ്ത്രീയെയോ അല്ല ; ഇസ്രായേൽ വനിതയായ മർയമിനെയാണ് . അറബ് ദേശീയതയുടെ വക് താവിൽ നിന്ന് ഇത്തരമോരു പരാമർശം പ്രതീക്ഷിക്കുവാൻ പറ്റുമോ ?

ആറ് : അറബ് ദേശീയതയുടെ നവോത്ഥാനത്തിനു വേണ്ടി പണിയെടുക്കുന്ന ഒരു വ്യക്തി അറബികളുടെ അഹംബോധത്തെ ഉദ്ദീപിക്കുവാനായിരിക്കും തന്റെ രചനയിൽ ശ്രമിക്കുക . അറബികളുടെ ശ്രേഷ്ഠതയെക്കുറിച്ചായിരിക്കും അയാൾ സംസാരിക്കുക . എന്നാൽ ഖുർആൻ ഇസ്രായേല്യർക്ക് നൽകിയ ശ്രേഷ്ഠതയെ ക്കുറിച്ചാണ് സംസാരിക്കുന്നത് . " ഇസ്രായേൽ സന്തതികളേ , നിങ്ങൾക്ക് ഞാൻ ചെയ്തുതന്നിട്ടുള്ള അനുഗ്രഹവും മറ്റു ജനവിഭാഗങ്ങളേക്കാൾ നിങ്ങൾക്ക് ഞാൻ ശ്രേഷ്ഠത നൽകിയതും നിങ്ങളോർക്കുക . ” ( 2:47 )

🌹8. അധാർമികതയിൽ മുങ്ങിക്കുളിച്ചിരുന്ന സമൂഹത്തെ ധാർമികതയിലേക്ക് നയിക്കുവാൻ വേണ്ടി മുഹമ്മദ്(സ )രചിച്ച കൃതിയാണ് ഖുർആൻ എന്നു പറഞ്ഞാൽ അതു നിഷേധിക്കുവാൻ കഴിയുമോ ?🌹

ജനങ്ങളെ ധാർമികതയിലേക്ക് നയിക്കുന്ന ഗ്രന്ഥമാണ് ഖുർആൻ . മദ്യത്തിലും മദിരാക്ഷി യിലും യുദ്ധങ്ങളിലും സായൂജ്യമടഞ്ഞിരുന്ന ഒരു സമൂഹത്തെ കേവലം 23 വർഷക്കാലം കൊണ്ട് ധാർമികതയുടെ പ്രയോക്താക്കളും പ്രചാരകരുമാക്കിയ ഗ്രന്ഥംമെന്ന ഖ്യാതി ഖുർആനിനു മാത്രം അവകാശപ്പെട്ടതാണ് . എന്നാൽ ധാർമിക നവോത്ഥാനത്തിനു വേണ്ടി മുഹമ്മദ് (സ )രചിച്ചുകൊണ്ട് ദൈവത്തിൽ ആരോപിച്ച ഗ്രന്ഥമാണ് ഖുർആൻ എന്ന വാദഗതി അടിസ്ഥാന രഹിതമാണെന്ന് ഒരാവർത്തി വായിക്കുന്ന ഏവർക്കും ബോധ്യമാവും . താഴെ പറയുന്ന വസ്തുതകൾശ്രദ്ധിക്കുക....

🌹ഒന്ന് : സത്യസന്ധനായിരുന്നു മുഹമ്മദ് ( സ ) എന്ന കാര്യത്തിൽ പക്ഷാന്തരമില്ല . അത്തരമൊരാൾ ധാർമിക നവോത്ഥാനത്തിനു വേണ്ടി ദൈവത്തിന്റെ പേരിൽ ഒരു പച്ചക്കള്ളം പറഞ്ഞുവെന്നു കരുതുന്നത് യുക്തിസഹമല്ല . ധാർമിക നവോത്ഥാനത്തിനു ആത്മാർത്ഥമായി പരിശ്രമിക്കുന്ന ഒരു വ്യക്തി അക്കാര്യത്തിനുവേണ്ടി സ്വന്തമായി ഒരു വലിയ അധർമ്മം ചെയ്യുകയെന്നത് അവിശ്വസനീയമാണ് . ദൈവത്തിന്റെ പേരിൽ കളവ് പറയുന്നതിനേക്കാൾ വലിയ പാപമെന്ത് ?

🌹 രണ്ട് : അല്ലാഹുവിൻറെ പേരിൽ കളവു പറയുകയും സ്വയം കൃതരചനകൾ ദൈവത്തിന്റെതാണെന്ന് വാദിക്കുകയും ചെയ്യുന്നവനാണ് ഏറ്റവും വലിയ അക്രമിയെന്നാണ് ഖുർആൻ പറയുന്നത് . ' അല്ലാഹുവിന്റെ പേരിൽ കള്ളം കെട്ടിച്ചമയ്ക്കുകയയോ , തനിക്ക് യാതൊരു ബോധനവും നൽകപ്പെടാതെ ' എനിക്ക് ബോധനം ലഭിച്ചിരിക്കുന്നു ' എന്നു പറയുകയോ ചെയ്തവനെക്കാളും അല്ലാഹു അവതരിപ്പിച്ചിട്ടുള്ളത് പോലെയുള്ളത് ഞാനും അവതരിപ്പിക്കാമെന്ന് പറഞ്ഞവനെക്കാളും വലിയ അക്രമി ആരുണ്ട് ? ( 6:93 ) . ഖുർആൻ മുഹമ്മദി(സ )ന്റെ രചനയാണെങ്കിൽ ഈ സൂക്തത്തിൽ പറഞ്ഞ ' ഏറ്റവും വലിയ ആക്രമി അദ്ദേഹം തന്നെയായിരിക്കുമല്ലോ . തന്നെത്തന്നെ ' ഏറ്റവും വലിയ അക്രമി ' യെന്ന് വിളിക്കുവാനും അതു രേഖപ്പെടുത്തുവാനും അദ്ദേഹം തയ്യാറാകുമായിരുന്നുവോ ?

🌹മൂന്ന് സ്വയംകൃത രചനകൾ നടത്തി അത് ദൈവത്തിൽ ആരോപിക്കുന്നവരെ ഖുർആൻ  ശപിക്കുന്നുണ്ട് . " എന്നാൽ സ്വന്തം കൈകൾ കൊണ്ട് ഗ്രന്ഥം എഴുതിയുണ്ടാക്കുകയും എന്നിട്ട് അത് അല്ലാഹുവിൽനിന്ന് ലഭിച്ചതാണെന്ന് പറയുകയും ചെയ്യുന്നവർക്ക് നാശം ! " ( 2:79 ) ഖുർആൻ മുഹമ്മദി(സ )ന്റെ സൃഷ്ടിയാണെങ്കിൽ ഈ ശാപം അദ്ദേഹത്തിന് കൂടി ബാധകമാണല്ലോ . സ്വന്തമായി ഒരു രചന നിർവഹിക്കുക.ആ രചനയിൽ സ്വന്തത്തെ തന്നെ ശപിക്കുക . ഇത് വിശ്വസനീയമാണോ ?

🌹നാല് : ഖുർആൻ ഒന്നിച്ച് അവതരിപ്പിക്കപ്പെട്ട ഗ്രന്ഥമല്ല . നീണ്ട ഇരുപത്തിമൂന്ന് വർഷങ്ങൾക്കിടയിൽ വ്യത്യസ്ത സാഹചര്യങ്ങളിലാണ് ഖുർആൻ സൂക്തങ്ങൾ അവതരിപ്പിക്കപ്പെട്ടത് . ഓരോ വിഷയങ്ങളിലും ജനങ്ങളുടെ ചോദ്യങ്ങൾക്കുള്ള മറുപടിയായിട്ടാണ് , ചില സന്ദർഭങ്ങളിൽ , ഖുർആൻ സൂക്തങ്ങൾ അവതരിപ്പിച്ചിരിക്കുന്നത് . ഖുർആൻ പതിനഞ്ചോളം സ്ഥലങ്ങളിൽ ' അവർ  നിന്നോട് ..... നെക്കുറിച്ചു ചോദിക്കുന്നു ......പറയുക ...... ' എന്ന ശൈലിയിലുള്ള സൂക്തങ്ങളുണ്ട് . ഓരോ വിഷയങ്ങളിലും പ്രവാചകനോട് അവർ ചോദിച്ച സമയത്ത് അദ്ദേഹത്തിന് ഉത്തരം നൽകാൻ സാധിച്ചില്ലെന്നും പിന്നീട് ഖുർആൻ വാക്യം അവതരിപ്പിച്ചതിനുശേഷം മാത്രമാണ് അത് സാധിച്ചതെന്നുമാണല്ലോ ഇതിൽനിന്ന് മനസ്സിലാവുന്നത് . ധാർമിക നവോത്ഥാനം ലക്ഷ്യമാക്കിക്കൊണ്ടുള്ള പ്രവാചക ( സ )ന്റെ രചനയായിരുന്നു ഖുർആനെങ്കിൽ ജനം ചോദിച്ചപ്പോൾ ഉടൻ തന്നെ അദ്ദേഹത്തിന് മറുപടി പറയാൻ കഴിയുമായിരുന്നു . ഉദാഹരണത്തിന് , മദ്യത്തിൽ നിന്നും ചൂതാട്ടത്തിൽ നിന്നും ജനങ്ങളെ രക്ഷിക്കണമെന്നായിരുന്നു പ്രവാചകന്റെ ഉദ്ദേശ്യമെങ്കിൽ അവയെക്കുറിച്ച് ചോദിച്ച ഉടൻതന്നെ അവ പാപമാണ് എന്ന് അദ്ദേഹം   മറുപടി പറയുമായിരുന്നു . എന്നാൽ , അദ്ദേഹം ചെയ്തത് അതല്ല ; സ്വയം മറുപടി പറയാതെ ദൈവിക വെളിപാട് പ്രതീക്ഷിക്കുകയായിരുന്നു . ദൈവ വചനങ്ങൾ വെളിപ്പെട്ടതിനുശേഷമാണ് ഈ തിൻമകൾക്കെതിരെയുള്ള നടപടികൾ അദ്ദേഹം സ്വീകരിച്ചത് .

അഞ്ച് : മുഹമ്മദ് നബി(സ )( തിരുത്തുന്ന ചില ഖുർആൻ സൂക്തങ്ങളുണ്ട് . ഖുറൈശി പ്രമുഖരുമായി സംസാരിച്ചുകൊണ്ടിരിക്കുമ്പോൾ കടന്നുവന്ന  അന്ധനായ അബ്ദുല്ലാഹിബ്നുഉമ്മിമക്തൂമിനെ പ്രസന്നതയോടെ സ്വീകരിക്കാതിരുന്ന പ്രവാചക (സ ) ന്റെ നടപടിയെ തിരുത്തിയ ഖുർആൻ സൂക് തങ്ങൾ ( 80 : 1-10 ) സുവിദിതമാണ് . മറ്റൊരു സംഭവം : മുസ്ലിംങ്ങൾക്ക് ഏറെ നാശനഷ്ടങ്ങൾ വിതച്ച ഉഹ്ദ് യുദ്ധത്തിൽ പ്രവാചക(സ )ന്റെ ശരീരത്തിലും ഒരുപാട് മുറിവുകൾ ഉണ്ടായി . യുദ്ധശേഷം അദ്ദേഹം അവിശ്വാസികളിൽ ചിലരെ ശപിക്കുകയും ' അവരുടെ പ്രവാചക(സ )നെ മുറിപ്പെടുത്തിയ സമൂഹമെങ്ങനെയാണ് നന്നാവുക ? ' എന്ന് ആത്മഗതം നടത്തുകയുംചെയ്തു . ഉടൻ ഖുർആൻ  സൂക്തമവതരിച്ചു . പ്രവാചകനെ തിരുത്തിക്കൊണ്ട് . " ( നബിയേ ) , കാര്യത്തിന്റെ തീരുമാനത്തിൽ നിനക്ക് യാതൊരവകാശവുമില്ല . അവൻ ( അല്ലാഹു ) ഒന്നുകിൽ അവരുടെ പശ്ചാത്താപം സ്വീകരിച്ചേക്കാം . അല്ലെങ്കിൽ അവരെ അവൻ ശിക്ഷിച്ചേക്കാം . തീർച്ചയായും അവർ അക്രമികളാകുന്നു " ( 3 : 128 ) ഇതെന്നും പ്രവാചകനി(സ )ൽ ബോധപൂർവ്വം വന്ന തെറ്റുകളല്ല . താൻ സ്വീകരിച്ച നിലപാടുകളിലുണ്ടായ അബദ്ധം മാത്രം . എന്നിട്ടും അവ തിരുത്തുന്ന വചനങ്ങൾ ഖുർആനിലുണ്ടായി . ജനങ്ങളെ ധർമ്മനിഷ്ഠരാ ക്കുവാൻ വേണ്ടി പ്രവാചകൻ ( പടച്ച ഗ്രന്ഥമായിരുന്നു ഖുർആൻ എങ്കിൽ അദ്ദേഹത്തിന്റെ നടപടികളെ വിമർശിക്കുന്ന സുക്തങ്ങൾ ഖുർആനിൽ ഉണ്ടാകുമായിരുന്നോ?

🌹9. ഖുർആൻ , അല്ലാഹുവിൽ നിന്ന് മുഹമ്മദ് നബി ( സ ) ക്ക് ക്രോഡീകൃത ഗ്രന്ഥമായി ലഭിച്ചതാണോ ?🌹

അല്ല . വിശുദ്ധ ഖുർആൻ പൂർണ്ണമായും ഒറ്റപ്രാവശ്യമായിട്ടല്ല , അൽപാൽപമായിട്ടാണ് അവതരിപ്പിക്കപ്പെട്ടത് . നീണ്ട ഇരുപത്തിമൂന്ന് വർഷങ്ങൾക്കിടക്കായി വ്യത്യസ്ത സാഹചര്യങ്ങളിലായിട്ടാണ് അതിലെ സൂക്തങ്ങളുടെ അവതരണം നടന്നത് . പ്രവാചകന് ലഭിച്ചുകൊണ്ടിരുന്ന ദിവ്യ ബോധനത്തിന് നിർണിതമായ ഇടവേളകളൊന്നുമുണ്ടായിരുന്നില്ല . ഒരു ദിവസം തന്നെ ഒന്നിലധികം തവണ ദിവ്യബോധനം ലഭിച്ച സന്ദർഭങ്ങളുണ്ട് . ചിലപ്പോൾ ചില വചനങ്ങൾ മാത്രമാണ് അവതരിപ്പിക്കപ്പെടുക . ഏതെങ്കിലുമൊരു അധ്യായത്തിൽ പ്രത്യേക ഭാഗത്ത് ചേർക്കുവാൻ വേണ്ടി നിർദേശിക്കപ്പെട്ട വചനങ്ങൾ മുഴുവനായി ഒറ്റസമയംതന്നെ അവതരിപ്പിക്കപ്പെട്ട അധ്യായങ്ങളും ഉണ്ട് അവസരങ്ങൾക്കും സന്ദർഭങ്ങൾക്കുമനുസരിച്ച് അവതരിക്കപ്പെട്ട ഒരുപാട് സുക്തങ്ങളുടെ സമുച്ചയം ആണ് ഖുർആൻ....

 2.. 🌹 ഖുർആൻ ഒരു ദൈവിക ദൃഷ്ടാന്തമാണെന്ന് പറയുന്നത് എന്തുകൊണ്ട്?🌹

മനുഷ്യർക്കു രചിക്കുവാൻ കഴിയാത്ത സവിശേഷമായ ഒരു ഗ്രന്ഥമാണ് ക്യുർആൻ . നാൽപതു വയസ്സുവരെ യാതൊരു സാഹിത്യാഭിരുചിയും പ്രകടിപ്പിക്കാത്ത ഒരു നിരക്ഷരനിലൂടെ ലോകം ശ്രവിച്ച ഖുർആനിന്റെ അനിതരമായ സാഹിത്യശൈലി ആർക്കും അനുകരിക്കാനാവാത്തതാണ് . ഇന്നു നിലനിൽക്കുന്ന വേദഗ്രന്ഥങ്ങളിൽ ദൈവികമെന്ന് സ്വയം അവകാശപ്പെടുന്നതും അവതരിപ്പിക്കപ്പെട്ട രൂപത്തിൽ തന്നെ ഇന്നും നിലനിൽക്കുന്നതുമായ ഏകഗ്രന്ഥം ഖുർആനാണ് . ഖുർആനിലെ ധാർമിക നിയമങ്ങൾ സാർവകാലികവും അത് പ്രദാനം ചെയ്യുന്ന സാന്മാർഗിക സംവിധാനം കിടയറ്റതുമാണ് . . ദീർഘമായ ഇരുപത്തിമൂന്ന് വർഷങ്ങൾക്കിടയിൽ വിഭിന്നങ്ങളായ പരിതസ്ഥിതികളിൽ വിപുലവും ബൃഹത്തുമായ വിഷയങ്ങളെക്കുറിച്ച് അവതീർണമായ ഖുർആൻ സൂക്തങ്ങളിൽ വൈരുധ്യവുമില്ലെന്നതാണ് യാതൊരു ഒരു അത്ഭുതം . ക്യുർആൻ സൃഷ്ടിച്ച പരിവർത്തനമാകട്ടെ അതുല്യവും മഹത്തരവുമാണ് . എല്ലാ നിലക്കും അധമമായ ഒരു സമൂഹത്തെ കേവലം ഇരുപത്തിമൂന്ന് വർഷക്കാലം കൊണ്ട് ലോകത്തിന് മുഴുവൻ മാതൃകയായ ഒരു സമൂഹമാക്കി മാറ്റിയ ഗ്രന്ഥമാണത് . ഖുർആനിലെ പ്രവചനങ്ങളാകട്ടെ അക്ഷരംപ്രതി പുലർന്നുകൊണ്ട് അത് സർവകാലജ്ഞാനിയിൽനിന്നുള്ളതാണെന്ന് തെളിയിച്ചു കഴിഞ്ഞിട്ടുണ്ട് . പതിനാലു നൂറ്റാണ്ടുകൾക്കുമുമ്പ് ലോകം ശാസ്ത്രസാങ്കേതിക രംഗത്ത് പതിനാലു നൂറ്റാണ്ടുകൾക്കുമുമ്പ് ലോകം ശാസ്ത്രസാങ്കേതിക രംഗത്ത് വട്ടപ്പൂജ്യത്തിലായിരിക്കുമ്പോൾ അവതരിപ്പിക്കപ്പെട്ട കുർആൻ സൂക്തങ്ങളിലൊന്നു പോലും ആധുനിക ശാസ്ത്രഗവേഷണങ്ങളുടെ ഫലങ്ങൾക്ക് വിരുദ്ധമായ യാതൊരു പ്രസ്താവനയും നടത്തുന്നില്ലെന്നതാണ് മറ്റൊരു മഹാത്ഭുതം . മാത്രവുമല്ല , ഖുർആനിലെ വചനങ്ങൾ സർവശക്തനായ സ്രഷ്ടാവിന്റേതാണെന്ന് ആധുനിക ശാസ്ത്രത്തിന്റെ കണ്ടെത്തലുകൾ വ്യക്തമാക്കുകയും ചെയ്യുന്നുവെന്നതാണ് അതിന്റെ ദൈവികതക്കുള്ള മറ്റൊരു തെളിവ് .....

3..🌹ഖുർആൻ ദൈവികഗ്രന്ഥമാണെന്നതിനുള്ള തെളിവുകൾ🌹

1. അത് സ്വയം ദൈവിക ഗ്രന്ഥമാണെന്ന് പ്രഖ്യാപിക്കുന്നു .
2. അത് അന്ത്യനാൾ വരെ മാറ്റമില്ലാതെ നിലനിൽക്കുന്നു .
3. അത് പ്രധാനം ചെയ്യുന്ന സാന്മാർഗികക്രമം കിടയറ്റതാണ് .
4. അത് പ്രയോഗികമാണ് .
5. അത് പഠിപ്പിക്കുന്ന ചരിത്രം കളങ്കരഹിതവും സത്യസന്ധവുമാണ് .
6. അതിന്റെ സാഹിത്യം നിസ്തുലമാണ് .
7. അത് നടത്തിയ പ്രവചനങ്ങൾ സത്യസന്ധമായി പുലർന്നിട്ടുണ്ട് .
8. ദൈവത്തിന്റെ ദൃഷ്ടാന്തങ്ങൾ എന്ന നിലയിൽ പ്രാപഞ്ചിക പ്രതിഭാസങ്ങളെപ്പറ്റി അതിൽ നടത്തിയ പരാമർശങ്ങൾ പ്രമാദമുക്തമാകുന്നു .
9. അതിനാൽ അശാസ്ത്രീയമായ യാതൊരു പരാമർശവുമില്ല .
10. അതിൽ യാതൊരു വൈരുധ്യവുമില്ല .
11. അതിലേതുപോലെയുള്ള ഒരു അധ്യായമെങ്കിലും കൊണ്ടുവരാൻ മനുഷ്യരോട് അത് നടത്തിയ വെല്ലുവിളിക്ക് മറുപടി നൽകാൻ ഇതുവരെ ആർക്കും കഴിഞ്ഞിട്ടില്ല .
12. അതുമായി ലോകത്ത് നിയുക്തനായ വ്യക്തി സത്യസന്ധനും നിസ്വാർത്ഥനുമാണ് ....

🌹ഖുർആൻ സ്വയം ദൈവികമാണെന്ന് അവകാശപ്പെടുന്നുണ്ടോ ?🌹

അതെ . വിശുദ്ധ ഖുർആൻ സ്വയം തന്നെ ദൈവികമാണെന്ന വസ്തുത ആവർത്തിച്ച് വ്യക്തമാക്കുന്നുണ്ട് . “ ഈ ഗ്രന്ഥത്തിന്റെ അവതരണം സർവ്വലോക രക്ഷിതാവിങ്കൽ നിന്നാകുന്നു . ഇതിൽ യാതൊരു സംശയവുമില്ല . " ( 32 : 2 ) ,

“ തീർച്ചയായും ഇത് ലോക രക്ഷിതാവ് അവതരിപ്പിച്ചതുതന്നെയാകുന്നു . ” ( 26 : 192 ) .

“ പ്രതാപിയും കരുണാനിധിയുമായിട്ടുള്ളവൻ അവതരിപ്പിച്ചതത്രെ ഇത് . ” ( 36 : 5 ) .

🌹മറ്റു വേദങ്ങളും ദൈവികമാണെന്ന് അവകാശപ്പെടുന്നില്ലേ ?🌹

ഇല്ല . മറ്റു വേദഗ്രന്ഥങ്ങളൊന്നും തന്നെ സ്പഷ്ടവും വ്യക്തവുമായി അവ ദൈവികമാണെന്ന് സ്വയം പ്രഖ്യാപിക്കുന്നില്ല .............

🌹 ഖുർആനിലുണ്ടെന്ന് പറയപ്പെടുന്ന പ്രവചനങ്ങൾ എങ്ങനെയാണ് അതിന്റെ ദൈവികതക്കുള്ള തെളിവാകുക ? 🌹

മനുഷ്യർക്ക് സന്മാർഗദർശനം നൽകുന്നതിനുവേണ്ടി സർവ്വശക്തനാൽ നിയുക്തരാവുന്നവരെക്കുറിക്കാൻ ' പ്രവാചകൻ ’ എന്ന പ്രയോഗമാണ് പൊതുവെ സെമിറ്റിക് മതഗ്രന്ഥങ്ങൾ ഉപയോഗിക്കുന്നത് . പഴയ നിയമബൈബിളിൽ " നബി'യെന്ന ഹിബ്രുപദമാണ് വ്യാപകമായി ഉപയോഗിക്കപ്പെട്ടിരിക്കുന്നത് . പുതിയ നിയമത്തിലെ " പ്രൊഫെതസേ " യെന്നും ഖുർആനിലെ " നബി'യെന്നുമെല്ലാമുള്ള പ്രയോഗങ്ങളുടെ അർത്ഥം പ്രവാചകൻ എന്നാണ് . ഭാവികാര്യങ്ങളെക്കുറിച്ച് പറയുന്നവൻ ' എന്നാണ് പ്രവാചകൻ എന്ന പദത്തിനർത്ഥം . മനുഷ്യരുടെ ആത്യന്തിക ജീവിതലക്ഷ്യമായ മരണാനന്തര  ജീവിതത്തെക്കുറിച്ച് മുന്നറിയിപ്പ് നൽകുന്നവരായതുകൊണ്ടാവാം ദൈവദൂതന്മാരെ പ്രവാചകൻ എന്ന് വിളിക്കപ്പെട്ടത് . മരണാനന്തര ജീവിതത്തിലെ  രക്ഷാശിക്ഷകളെക്കുറിച്ച് പഠിപ്പിക്കുന്നതോടൊപ്പം തന്നെ ഭൂമിയിൽ സംഭവിക്കാനിരിക്കുന്ന ചില കാര്യങ്ങളെക്കുറിച്ചും പല പ്രവാചകന്മാരും മുൻകൂട്ടി പറഞ്ഞിരുന്നുവെന്നാണ് വേദഗ്രന്ഥങ്ങളിൽ നിന്ന് മനസിലാകുന്നത് . മാത്രവുമല്ല , വരാനിരിക്കുന്ന കാര്യങ്ങളെക്കുറിച്ച് ഏതെങ്കിലുമൊരു പ്രവാചകന്റെ പ്രവചനം തെറ്റിയാൽ അത് അയാൾക്കുള്ള അയോഗ്യതയായും അയാളെ ദൈവത്തിന്റെ പേരിൽ തോന്ന്യാസം പറയുന്നവനായും വ്യാജ പ്രവാചകനായും മനസിലാക്കണമെന്നായിരുന്നു  ദൈവിക കൽപനയെന്നും ബൈബിളിൽ നിന്ന് മനസിലാകുന്നുണ്ട് . ആവർത്തന പുസ്തകത്തിൽ ദൈവം മോശയോട് പറയുന്നതായി ഉദ്ധരിക്കപ്പെട്ടിരിക്കുന്ന ഒരു വചനം കാണുക .  "        "
  ""ഒരു പ്രവാചകൻ കർത്താവിന്റെ നാമത്തിൽ സംസാരിച്ചിട്ട് ആ വചനം യാഥാർത്ഥ്യമാകാതിരിക്കുകയോ സംഭവിക്കാതിരിക്കുകയോ ചെയ്താൽ , ആ വചനം കർത്താവ് അരുൾ ചെയ്തിട്ടുള്ളതല്ല . പ്രവാചകൻ അത് തോന്യാസമായി പറഞ്ഞതാണ് ; നീ അയാളെ ഭയപ്പെടേണ്ടതില്ല " ( ആവർത്തനം18:22 ) .

വരാനിരിക്കുന്ന പ്രവാചകനെക്കുറിച്ച്  പറയുമ്പോഴും അയാളുടെ പ്രവചനം സത്യമായിത്തീരുമെന്നതാണ് അയാൾ ദൈവത്താൽ നിയോഗിക്കപ്പെട്ടവനാണെന്നുള്ളതിന് തെളിവായി ബൈബിൾ പറയുന്നത് ....
യിരെമ്യാവിന്റെ ഒരു പ്രവചനം ശ്രദ്ധിക്കുക . "  

      സമാധാനം പ്രവചിക്കുന്ന പ്രവാചകന്റെ കാര്യത്തിലാകട്ടെ , അയാളുടെ വചനം സത്യമായിത്തീരുമ്പോൾ അയാളെ കർത്താവ് അയച്ചതാണെന്ന് അറിയാം ” ( യിരെമ്യാ 28 : 9 )

തനിക്കുശേഷം വരാനിരിക്കുന്ന ദൈവദൂതനെക്കുറിച്ച് യേശു പ്രവചിച്ചപ്പോഴും അയാളുടെ അടയാളങ്ങളിലൊന്നായി വരാനിരിക്കുന്ന കാര്യങ്ങൾ പറയുമെന്ന് പറഞ്ഞതായി കാണാം .  ഇനിയും പലകാര്യങ്ങൾ എനിക്ക് നിങ്ങളോട് പറയാനുണ്ട് . എന്നാൽ ഇപ്പോൾ നിങ്ങൾക്ക് അത് താങ്ങാൻ സാധ്യമല്ല . സത്യാത്മാവ് വരുമ്പോൾ അവൻ നിങ്ങളെ എല്ലാ സത്യത്തിലേക്കും നയിക്കും . സ്വന്തം അധികാരത്തിൽ ഒന്നും അവർ പറയുകയില്ല . എന്നാൽ താൻ കേൾക്കുന്നതെന്തും അവൻ പറയും . വരാനിരിക്കുന്ന കാര്യങ്ങൾ അവൻ നിങ്ങളോട് പ്രഖ്യാപിക്കും ”...
( യോഹന്നാൻ 16 : 12,13 )
യഥാർത്ഥത്തിൽ നടേ സൂചിപ്പിക്കപ്പെട്ട മൂന്ന് ബൈബിൾ വചനങ്ങളും അന്തിമ പ്രവാചകനായ മുഹമ്മദ് നബിയെക്കുറിച്ച പ്രവചനങ്ങളാണുൾക്കൊള്ളുന്നത് . സമാധാന ( ഇസ്ലാം ) വുമായി കടന്നുവരുന്ന അവസാനത്തെ പ്രവാചകൻ വരാനിരിക്കുന്ന കാര്യങ്ങൾ പ്രവചിക്കുമെന്നും പ്രസ്തുത പ്രവചനങ്ങളെല്ലാം തെറ്റാതെ  സംഭവിക്കുമെന്നുമാണ് ഈ വചനങ്ങൾ വ്യക്തമാക്കുന്നത് . മുഹമ്മദ് നബി(സ )യിലൂടെ ലോകത്തിന് അവതീർണമാക്കുന്ന വിശുദ്ധ ഖുർആനിൽ പ്രവചനങ്ങളുണ്ടാവുമെന്നും അവ പൂർണമായും പൂർത്തീകരിക്കപ്പെടുമെന്നും പൂർവ്വിക പ്രവാചകന്മാർ തന്നെ പ്രവചിച്ചിട്ടുണ്ടെന്നർത്ഥം . ഭാവി കാര്യങ്ങളെക്കുറിച്ച് കൃത്യവും വ്യക്തവുമായി അറിയുക സർവ്വശക്തനായ സ്രഷ്ടാവിന് മാത്രമാണ് . അവൻ പഠിപ്പിച്ചുകൊടുക്കുന്നത് മാത്രമെ സൃഷ്ടികൾ ആരായിരുന്നാലും അവർക്കെല്ലാം അറിയുകയുള്ളൂ .
. ഒരാൾ ഭാവി കാര്യത്തെക്കുറിച്ച് പ്രവചിക്കുകയും പ്രസ്തുത പ്രവചനങ്ങൾ യാതൊരു തെറ്റുമില്ലാത്തവിധം പൂർത്തീകരിക്കപ്പെടുകയും ചെയ്യുന്നുവെങ്കിൽ പ്രസ്തുത പ്രവചനങ്ങളുടെ സ്രോതസ്സ് ദൈവമായിരിക്കുമെന്ന് നമുക്ക് മനസിലാക്കാം . ഖുർആൻ ദൈവിക വചനമാണെന്നതിന് അതിലെ പ്രവചനങ്ങൾ സാക്ഷീകരിക്കുന്നുവെന്ന് പറയുന്നത്  ഇതുകൊണ്ടാണ് . കാലാതീതനായ സർവ്വലോക സ്രഷ്ടാവിൽ നിന്നുള്ളതാണ് ഖുർആനെന്ന വസ്തുത അതിലെ പ്രവചനങ്ങളും അൽപംപോലും തെറ്റുപറ്റാതെയുള്ള അവയുടെ പൂർത്തീകരണവും വ്യക്തമാക്കുന്നുവെന്നർത്ഥം ......

🌹 മറ്റ് ഗ്രന്ഥങ്ങളിലുണ്ടെന്ന് പറയപ്പെടുന്ന പ്രവചനങ്ങളിൽനിന്ന് വ്യത്യസ്തമായി എന്ത് സവിശേഷതയാണ് ഖുർആനിലെ പ്രവചനങ്ങൾക്കുള്ളത് ?🌹

    മറ്റ് ഗ്രന്ഥങ്ങളിലേതിൽനിന്ന് വ്യത്യസ്തമായി ഖുർആനിലെ പ്രവചനങ്ങൾ കൃത്യവും സൂക്ഷ്മവുമാണ് . യാതൊരുവിധ വ്യാഖ്യാനക്കസർത്തുകളുമില്ലാതെത്തന്നെ ഏതൊരു സാധാരണക്കാരനും മനസ്സിലാക്കാൻ കഴിയുന്ന തരത്തിൽ സരളമാണവ . ഖുർആനിലെ പ്രവചനങ്ങൾക്ക് നിദാനമായ സംഭവങ്ങൾ കഴിഞ്ഞശേഷം വ്യാഖ്യാനിച്ച് ഒപ്പിക്കപ്പെട്ട കാര്യങ്ങളല്ല അവ . മറിച്ച് , ഖുർആനിലെ പ്രവചനങ്ങളുടെ വെളിച്ചത്തിൽ പ്രസ്തുത സംഭവങ്ങൾ പ്രതീക്ഷിക്കുകയായിരുന്നു വിശ്വാസികൾ ചെയ്തിരുന്നത് . ഉദാഹരണത്തിന്  ഖുർആനിലെ പ്രധാനപ്പെട്ട ഒരു പ്രവചനം നോക്കുക : ‘... അടുത്ത നാട്ടിൽവെച്ച് റോമക്കാർ തോൽപിക്കപ്പെട്ടിരിക്കുന്നു . തങ്ങളുടെ പരാജയത്തിനുശേഷം ഏതാനും വർഷങ്ങൾക്കുള്ളിൽതന്നെ അവർ വിജയം നേടുന്നതാണ് ( 30 : 2-5 ) പ്രവാചകന്റെ കാലത്തുതന്നെ പൂർത്തീകരിക്കപ്പെട്ട ഒരു ഖുർആനിക പ്രവചനമാണിത് ...... ഈ പ്രവചനവുമായി ബന്ധപ്പെട്ട താഴെ പറയുന്ന കാര്യങ്ങൾ ശ്രദ്ധേയമാണ് .

ഒന്ന് ) മക്കയിൽവെച്ച് അവതരിപ്പിക്കപ്പെട്ട സൂക്തമാണിത് . ഹിജ്റയ്ക്ക് മുമ്പ് നടന്ന ഒരു യുദ്ധത്തിലാണ് അറേബ്യൻ ഉപദ്വീപിന്റെ അയൽപ്രദേശമായ റോമാസാമ്രാജ്യത്തെ പേർഷ്യൻ ചക്രവർത്തിയായ ഖുസൃപർവേസ് പരാജയപ്പെടുത്തിയത് . ക്രിസ്താബ്ദം 615 ലാണ് ഈ പരാജയം സംഭവിച്ചത് . വേദക്കാരായ ക്രൈസ്തവരുടെ മേൽ അഗ്നിപൂജകരായ പേർഷ്യക്കാർ നേടിയ വിജയം മക്കാമുശ്രിക്കുകളെ സന്തോഷിപ്പിക്കുകയും  മുസ്ലിംകളെ ദുഃഖിപ്പിക്കുകയും ചെയ്തത് സ്വാഭാവികമായിരുന്നു . ഈ സന്ദർഭത്തിലാണ് നടേ സൂചിപ്പിച്ച സൂക്തങ്ങൾ അവതരിപ്പിക്കപ്പെടുന്നത് . ഈ സൂക്തങ്ങളിൽ യാതൊരുവിധ സങ്കീർണതയോ വളച്ചുകെട്ടോ ഇല്ല . ഏതൊരാൾക്കും മനസ്സിലാക്കാവുന്ന ആശയങ്ങളാണ് ഇതിലുള്ളത് . ഏതാനും വർഷങ്ങൾക്കുള്ളിൽ റോമക്കാർ വിജയിക്കും ” എന്ന പ്രവചനത്തിന്റെ അർത്ഥം മനസ്സിലാക്കാൻ കഴിയാത്ത ആരുംതന്നെ അന്ന് അറേബ്യയിലുണ്ടാകാനിടയില്ല .

രണ്ട് ) ഈ വചനം അവതരിപ്പിക്കപ്പെട്ടപ്പോൾ പ്രവാചകാനുചരന്മാരിൽ പ്രമുഖനായ അബൂബക്കറും ( റ ) മക്കാ മുശ്രിക്കുകളിൽപെട്ട ഉമയ്യത്തുബ്നു ഖലഫും തമ്മിൽ ഒരു പന്തയം നടന്നു . ഏതാനും ഒട്ടകങ്ങൾക്കായിരുന്നു പന്തയം . " ഫീ ബിദ്ഇ സിനീൻ ' എന്നാണ് റോമാക്കാരുടെ വിജയം പ്രവചിച്ചുകൊണ്ട് ഖുർആൻ പറഞ്ഞത് . ” ഏതാനും കൊല്ലങ്ങൾക്കുള്ളിൽ എന്ന് ഭാഷാന്തരം ചെയ്തിരിക്കുന്നത് ഈ പ്രയോഗത്തെയാണ് . മൂന്നുമുതൽ ഒൻപതുവരെയുള്ള എണ്ണത്തിനാണ് ‘ ബിദ്വ്അ് എന്ന് പ്രയോഗിക്കാറുള്ളത് . ഒൻപത് വർഷത്തിനുള്ളിൽ റോമാക്കാർ പേർഷ്യക്കാരുടെമേൽ വിജയം വരിക്കുമെന്ന് ഈ വചനങ്ങളിൽനിന്ന് മനസ്സിലാക്കിയതിന്റെ അടിസ്ഥാനത്തിലാണ് അബൂബക്കർ ( റ ) പന്തയത്തിലേർപ്പെട്ടത് . പന്തയത്തിൽ  622 ൽ നടന്ന യുദ്ധത്തിൽ പേർഷ്യക്കാരെ റോമൻ ചക്രവർത്തിയായിരുന്ന ഹിരാക്ലിയസ് തോൽപിക്കുകയും സാമ്രാജ്യം പുനഃസ്ഥാപിക്കുകയും ചെയ്തതോടെ ഖുർആനിലെ പ്രവചനം സാക്ഷാത്കരിക്കപ്പെട്ടു . അബൂബക്കറു( റ ) മായി പന്തയത്തിലേർപ്പെട്ടവർ പന്തയത്തിന് നിശ്ചയിക്കപ്പെട്ട ഒട്ടകങ്ങൾ അദ്ദേഹത്തിന് നൽകുകയും , മുഹമ്മദ് (സ )( നബിയുടെ നിർദ്ദേശാനുസാരം അവദാനം ചെയ്യുകയുമാണുണ്ടായതെന്ന് ഹദീസ് ഗ്രന്ഥങ്ങളിൽ കാണാം . ഖുർആനിന്റെ ഈ പച്ചയായ പ്രവചനത്തെക്കുറിച്ച് പ്രവാചകാനുചരന്മാർ ബോധവാന്മാരായിരുന്നുവെന്നും അവരെല്ലാം ഈ പ്രവചനത്തിന്റെ പൂർത്തീകരണം  കാത്തിരിക്കുകയുമായിരുന്നുവെന്ന് ഈ സംഭവത്തിൽനിന്ന് സുതരാം വ്യക്തമാണ് . ഒരു സംഭവം നടന്ന ശേഷം അതിനനുസരിച്ച് ഒരു ഖുർആനിക വചനം പ്രവചനമായി വ്യാഖ്യാനിക്കപ്പെടുകയല്ല ചെയ്തതെന്ന് സാരം .....

മൂന്ന് ) ഈ സൂക്തങ്ങളിൽ ശേഷം പറയുന്ന കാര്യങ്ങളും കൃത്യമായി സംഭവിച്ചുവെന്ന് ചരിത്രം പരിശോധിച്ചാൽ ബോധ്യമാവും . അന്നേ ദിവസം സത്യവിശ്വാസികൾ അല്ലാഹുവിന്റെ സഹായംകൊണ്ട് സന്തുഷ്ടരാകുന്നതാണ് എന്നാണ് റോമക്കാരുടെ വിജയത്തിന്റെ നാളിനെക്കുറിച്ച് ഖുർആൻ പറയുന്നത് . റോമാ സാമ്രാജ്യത്തിന്റെ വിജയത്തിൽ അഗ്നിപൂജകരുടെമേൽ വേദക്കാരുടെ വിജയമെന്ന രീതിയിൽ മുസ്ലിംകൾക്കുണ്ടായ സന്തോഷം പ്രത്യേകം പറയേണ്ടതില്ല .മാത്രവുമല്ല , പ്രസ്തുത വിജയത്തോടെ ഖുർആനിന്റെ ദൈവികത വ്യക്തമാവുന്ന ഒരു സംഭവത്തിനുകൂടി ലോകം സാക്ഷ്യം വഹിക്കുകയാണല്ലോ . ആ നിലക്കും മുസ്ലിംകൾ സന്തോഷഭരിതരായിരുന്നു . ഇവ മാത്രമായിരുന്നില്ല അന്നേദിവസത്തെ സത്യവിശ്വാസികളുടെ സന്തോഷം.പേർഷ്യയുടെ ഹൃദയഭാഗത്തേക്ക് റോമാക്കാർ പ്രവേശിക്കുകയും അവരുടെ വിജയം ഉച്ചിയിലെത്തുകയും ചെയ്തത് ക്രിസ്താബ്ദം 624 ലാണ് . പേരിന് മാത്രമുള്ള ആയുധങ്ങളുമായി മുന്നൂറ്റി പതിമൂന്നുപേർ സർവ്വായുധ വിഭൂഷിതരായ ആയിരത്തിലധികം പേരുമായി നടന്ന പോരാട്ടം . ഈ പോരാട്ടത്തിൽ അല്ലാഹുവിന്റെ സഹായത്താൽ സത്യവിശ്വാസികൾ വിജയിച്ചു . മുസ്ലിംകളെ സംബന്ധിച്ചിടത്തോളം അവരുടെ ആഹ്ലാദത്തിന് അതിരില്ലായിരുന്നു . അല്ലാഹുവിന്റെ
അതിരില്ലായിരുന്നു . അല്ലാഹുവിന്റെ കൽപനപ്രകാരമുള്ള ആദ്യത്തെ സായുധ സമരത്തിലെ സത്യവിശ്വാസികളുടെ വിജയവും അതോടനുബന്ധിച്ച ആഹ്ലാദവുമുണ്ടായത് റോമാസാമ്രാജ്യത്തിന്റെ വിജയം ഉച്ചിയിലെത്തിയ അതേ കാലത്തായിരുന്നു . അല്ലാഹുവിന്റെ   സഹായംകൊണ്ടുള്ള ആഹ്ലാദം ! അന്നേദിവസം സത്യവിശ്വാസികൾ അല്ലാഹുവിന്റെ സഹായംകൊണ്ട് സന്തുഷ്ടരാകുന്നതാണ് എന്ന പ്രവചനം എത്രകൃത്യമായാണ് പൂർത്തീകരിക്കപ്പെട്ടിരിക്കുന്നത് ! ഇങ്ങനെയുള്ളവയാണ് ഖുർആനിലെ പ്രവചനങ്ങളെല്ലാം . അവ ആർക്കും പരിശോധിക്കാവുന്ന തരത്തിൽ ഇന്നും ഖുർആനിൽ നിലനിൽക്കുന്നു . ഏതൊരു സാധാരണക്കാരനും മനസ്സിലാവുന്നവയാണ് പ്രസ്തുത വചനങ്ങൾ ...........

🌹ദൈവികത സ്വയം അവകാശവാദം കൊണ്ട് മാത്രം ഒരു ഗ്രന്ഥം ദൈവികമാകുമോ?🌹

. വാദത്തിനുള്ള സാക്ഷ്യം മാത്രമേ ആകുന്നുള്ളു . വാദം നിലനിൽക്കുന്നില്ലെങ്കിൽ സാക്ഷ്യം ഖുർആനൊഴിച്ചു മറ്റു വേദഗ്രന്ഥങ്ങളുടെയെല്ലാം സ്ഥിതിയിതാണ് . അവയൊന്നും സ്വയം ദൈവികമാണെന്ന് അവകാശപ്പെടുന്നില്ല . അവയുടെ അനുയായികൾ അവയിൽ ദൈവികത ആരോപിക്കുകയാണ് ചെയ്യുന്നത് . തർക്കശാസ്ത്രപ്രകാരം തികഞ്ഞ അസംബന്ധമാണിത് . വിവരമുള്ളവരുടെ പരിഗണനക്കുപോലും വരേണ്ടതില്ലാത്ത സംഗതി . വാദമില്ലാത്ത കേസിൽ പ്രത്യക്ഷപ്പെടുന്ന സാക്ഷികളെപ്പോലെ അവഗണിക്കപ്പെടേണ്ട കാര്യം മാത്രമാണിത് . ഖുർആനിന്റെ അവസ്ഥ ഇതല്ല.അത് സ്വയം ദൈവികമാണെന്ന് പ്രഖ്യാപിക്കുന്നു .

അസംബന്ധമാണിത് . വിവരമുള്ളവരുടെ പരിഗണനക്കുപോലും വരേണ്ടതില്ലാത്ത സംഗതി . വാദമില്ലാത്ത കേസിൽ പ്രത്യക്ഷപ്പെടുന്ന സാക്ഷികളെപ്പോലെ അവഗണിക്കപ്പെടേണ്ട കാര്യം മാത്രമാണിത് . ഖുർആനിന്റെ അവസ്ഥ ഇതല്ല.അത് സ്വയം ദൈവികമാണെന്ന് പ്രഖ്യാപിക്കുന്നു . അതിനാൽ ഒരു വാദം നിലനിൽക്കുന്നു . ഇനി ഈ വാദത്തിൽ എത്രത്തോളം കഴമ്പുണ്ടെന്ന് പരിശോധിക്കപ്പെടണം . പ്രസ്തുത പരിശോധനക്ക് ഒരു അർത്ഥമുണ്ട് . സ്വയം ദൈവികമാണെന്ന് പറയാത്ത ഗ്രന്ഥങ്ങളുടെ ദൈവികത പരിശിധിക്കുന്നത്തുപോലെ നിരർത്ഥകമല്ല അത് .....

🌹ഖുർആനിലെ മറ്റ് പ്രവചനങ്ങൾ ഏതൊക്കെയാണ് ?🌹

കുറേ പ്രവചനങ്ങൾ നടത്തുന്ന കേവല പ്രവചനഗ്രന്ഥമല്ല , പ്രത്യുത മനുഷ്യർക്ക് മാർഗദർശനം നൽകുന്ന ഗ്രന്ഥമാണ് ഖുർആൻ . നന്മയെന്തെന്നും തിന്മയെന്തെന്നും കൃത്യമായി വ്യവഛേദിച്ച് പഠിപ്പിക്കുന്ന ഗ്രന്ഥം . മനുഷ്യരെ സന്മാർഗ്ഗനിഷ്ഠരാക്കുവാൻ ഉപയുക്തമായ നിർദ്ദേശങ്ങൾ നൽകുന്നതിനിടയ്ക്കാണ് ഖുർആനിൽ പ്രവചനങ്ങളും ശാസ്ത്രീയ പരാമർശങ്ങളും ചരിത്രപാഠങ്ങളുമെല്ലാം കടന്നുവരുന്നത് . ഖുർആനിന്റെ പൊതുവായ ഇതിവൃത്തത്തിനും ആശയങ്ങൾക്കും അനുഗുണമായ രീതിയിലുള്ള പ്രവചനങ്ങളാണ് അതിലുള്ളത് . ഖുർആനിനെയും പ്രവാചക ദൗത്യത്തെയും മരണാനന്തര ജീവിതത്തെയുംകുറിച്ച പ്രവചനങ്ങൾ . ഇവയിൽ അവസാനനാളിനെയും മരണാനന്തര  ജീവിതത്തെയും കുറിച്ചവയല്ലാത്ത പ്രവചനങ്ങളെല്ലാം പൂർത്തീകരിക്കപ്പെട്ടിട്ടുണ്ട് . പ്രസ്തുത പ്രവചനങ്ങളിൽ ചിലവ കാണുക :

1 ) ഖുർആനിനെക്കുറിച്ചുള്ളവ

” പറയുക : ഈ ഖുർആൻപോലെയെന്ന് കൊണ്ടുവരുന്നതിനായി മനുഷ്യരും ജിന്നുകളും ഒന്നിച്ചുചേർന്നാലും തീർച്ചയായും അതുപോലൊന്ന് അവർ കൊണ്ടുവരികയില്ല . അവരിൽ ചിലർ ചിലർക്ക് പിന്തുണ നൽകുന്നതായാൽപോലും ” ( 17:88 ) .
" നമ്മുടെ ദാസന് നാം അവതരിപ്പിച്ചുകൊടുത്തതിനെപ്പറ്റി നിങ്ങൾ സംശയാലുക്കളാണെങ്കിൽ അവതരിപ്പിച്ചുകൊടുത്തതിനെപ്പറ്റി നിങ്ങൾ സംശയാലുക്കളാണെങ്കിൽ അതിൻറതുപോലുള്ള ഒരധ്യായമെങ്കിലും നിങ്ങൾ കൊണ്ടുവരിക . അല്ലാഹുവിന് പുറമെ നിങ്ങൾക്കുള്ള സഹായികളെയും വിളിച്ചുകൊള്ളുക . നിങ്ങൾ സത്യവാന്മാരാണെങ്കിൽ . നിങ്ങൾക്ക് അത് ചെയ്യാൻ കഴിഞ്ഞില്ലെങ്കിൽ - നിങ്ങൾക്കത് ഒരിക്കലും ചെയ്യാൻ കഴിയുകയുമില്ല . മനുഷ്യരും കല്ലുകളും ഇന്ധനമായി കത്തിക്കപ്പെടുന്ന നരകാഗ്നിയെ നിങ്ങൾ കാത്തുസൂക്ഷിച്ചുകൊള്ളുക .  സത്യനിഷേധികൾക്കുവേണ്ടി ഒരുക്കിവെക്കപ്പെട്ടതാകുന്നു അത് ” ( 2 : 23,24 ) .

” തീർച്ചയായും ഈ ഉദ്ബോധനം തങ്ങൾക്ക് വന്നുകിട്ടിയപ്പോൾ അതിൽ അവിശ്വസിച്ചവർ ( നഷ്ടം വരുത്തിയവർതന്നെ . ) തീർച്ചയായും  അത് പ്രതാപമുള്ള ഒരു ഗ്രന്ഥംതന്നെയാകുന്നു . അതിന്റെ മുന്നിലൂടെയോ പിന്നിലൂടെയോ അതിൽ അസത്യം വന്നെത്തുകയില്ല . യുക്തിമാനും സ്തുത്യർഹനുമായിട്ടുള്ളവന്റെ പക്കൽനിന്ന് അവതരിപ്പിക്കപ്പെട്ടതത്രെ അത് ” ( 41 : 41,42 ) .

” തീർച്ചയായും നാമാണ് ആ ഉദ്ബോധനം അവതരിപ്പിച്ചത് . തീർച്ചയായും നാം അതിനെ കാത്തുസൂക്ഷിക്കുന്നതുമാണ് ” ( 15 : 9 ) . ” തീർച്ചയായും അതിന്റെ ( ഖുർആന്റെ ) സമാഹരണവും അത് ഓതിത്തരലും നമ്മുടെ ബാധ്യതയാകുന്നു . അങ്ങനെ നാം അത് ഓതിത്തന്നാൽ ആ ഓത്ത് നീ പിന്തുടരുക "
( 75 : 17,18 ) .

ഈ സൂക്തങ്ങളിലെ പ്രവചനങ്ങളെല്ലാം പൂർത്തീകരിക്കപ്പെട്ടുവെന്നതിന് കഴിഞ്ഞ പതിനാല് നൂറ്റാണ്ടുകാലത്തെ ചരിത്രം സാക്ഷിയാണ് . താഴെ പറയുന്ന കാര്യങ്ങൾ ശ്രദ്ധിക്കുക ...

( i ) ഖുർആനിന് തുല്യമായ ഒരു ഗ്രന്ഥം കൊണ്ടുവരുന്നതിനുവേണ്ടി പലരും ശ്രമിച്ചിട്ടുണ്ട് ; ഇന്നും ശ്രമിച്ചുകൊണ്ടിരിക്കുന്നുണ്ട് . ഈ പരിശ്രമങ്ങളെല്ലാം പൂർണമായ പരാജയത്തിലാണ് കലാശിച്ചിട്ടുള്ളത് ...
ഖുർആനിലെ ചെറുതോ വലുതോ ആയ ഏതെങ്കിലും ഒരു അധ്യായത്തിന് തുല്യമായ ഒരു അധ്യായം കൊണ്ടുവരാൻപോലും ഇതുവരെ മനുഷ്യസമൂഹത്തിന് കഴിഞ്ഞിട്ടില്ല ; ഇനിയൊട്ട് കഴിയുകയുമില്ല .

( iii ) ഖുർആനിൽ മായം ചേർക്കുവാനും ദൈവികമല്ലാത്ത വചനങ്ങൾ ഖുർആനിന്റെ ശൈലിയിൽ എഴുതി അതിൽ സമർത്ഥമായി വെച്ചുപിടിപ്പിക്കുവാനുമെല്ലാമുള്ള ശ്രമങ്ങൾ ഖുർആനിന്റെ അവതരണകാലംമുതൽ ഇന്നുവരെ നടന്നുകൊണ്ടിരിക്കുന്നുണ്ട് . ഈ ശ്രമങ്ങൾക്കൊന്നും വിജയിക്കാൻ കഴിഞ്ഞിട്ടില്ല .  ( iv ) മുഹമ്മദ് നബി(സ )( പഠിപ്പിച്ച അതേ രീതിയിൽതന്നെ മാറ്റങ്ങൾക്കൊന്നും വിധേയമാകാതെ നിലനിൽക്കുന്ന ഗ്രന്ഥമാണ് ഖുർആൻ . ഒരാൾക്കും ഒരിക്കലും മാറ്റംവരുത്താൻ കഴിയാത്ത രീതിയിലുള്ളതാണ് അതിന്റെ സംരക്ഷണം .

  ( v ) ഖുർആനിന്റെ അവതരണത്തോടൊപ്പംതന്നെ അത് ക്രോഡീകരിക്കപ്പെടുകയും ചെയ്തിട്ടുണ്ട് . പ്രവാചകന്റെ ( സ ) മരണത്തിന് മുമ്പുള്ള റമദാനിൽ ജിബ്രീൽ ( അ ) പ്രത്യക്ഷപ്പെട്ട് പൂർണമായും ക്രോഡീകരിക്കപ്പെട്ട രീതിയിൽ രണ്ട് തവണ പ്രവാചകനെക്കൊണ്ട് ഖുർആൻ പൂർണമായി ഓതിപ്പിക്കുകയുണ്ടായി . ഇങ്ങനെ ക്രോഡീകരിക്കപ്പെട്ട അതേ ക്രമത്തിലും രൂപത്തിലുമാണ് ഇന്നും ഖുർആൻ നിലനിൽക്കുന്നത് . 2 ) മുഹമ്മദ് നബി (സ )( യുടെ ദൗത്യത്തെക്കുറിച്ചുള്ളവ :
കൂടുതൽ എളുപ്പമുള്ളതിലേക്ക് നിനക്ക് നാം സൗകര്യം ഉണ്ടാക്കിത്തരുന്നതാണ് ” ( 87 : 8 ) . ” വഴിയെ നിനക്ക് നിന്റെ രക്ഷിതാവ് ( അനുഗ്രഹങ്ങൾ ) നൽകുന്നതും അപ്പോൾ നീ തൃപ്തിപ്പെടുന്നതുമാണ് " ( 93 : 5 ) . " നിന്റെ രക്ഷിതാവ് നിന്നെ സ്തുത്യർഹമായ ഒരു സ്ഥാനത്ത് നിയോഗിച്ചേക്കാം ” ( 17:79 ) .  തീർച്ചയായും നിനക്ക് ഈ ഖുർആൻ നിയമമായി നൽകിയവൻ തിരിച്ചെത്തേണ്ട സ്ഥാനത്തേക്ക് നിന്നെ തിരിച്ചുകൊണ്ടുവരികതന്നെ ചെയ്യും ” ( 28:85 ) . " ചില്ലറ ശല്യമല്ലാതെ നിങ്ങൾക്ക് ഒരു  ചില്ലറ ശല്യമല്ലാതെ നിങ്ങൾക്ക് ഒരു ഉപദ്രവവും വരുത്താൻ അവർക്കാവുകയില്ല . ഇനി അവർ നിങ്ങളോട് യുദ്ധത്തിൽ ഏർപ്പെടുകയാണെങ്കിൽ അവർ പിന്തിരിഞ്ഞോടുന്നതാണ് . പിന്നീട് അവർക്ക് സഹായം ലഭിക്കുകയുമില്ല ” ( 3 : 111 ) .  നിങ്ങൾ അവരോട് യുദ്ധം ചെയ്യുക . നിങ്ങളുടെ കൈകളാൽ അല്ലാഹു അവരെ ശിക്ഷിക്കുകയും , അവൻ അവരെ അപമാനിക്കുകയും , അവർക്കെതിരെ നിങ്ങളെ അവൻ സഹായിക്കുകയും , വിശ്വാസികളായ ആളുകളുടെ ഹൃദയങ്ങൾക്ക് അവൻ ശമനം നൽകുകയും ചെയ്യുന്നതാണ് ” ( 9:14 ) .  ” തീർച്ചയായും ഞാനും എന്റെ ദൂതന്മാരും തന്നെയാണ് വിജയം നേടാക എന്ന്   അല്ലാഹു രേഖപ്പെടുത്തിയിരിക്കുന്നു . തീർച്ചയായും അല്ലാഹു ശക്തനും പ്രതാപിയുമാകുന്നു ” ( 58:21 ) . ” നിങ്ങളിൽനിന്ന് വിശ്വസിക്കുകയും സൽക്കർമ്മങ്ങൾ പ്രവർത്തിക്കുകയും ചെയ്തവരോട് അല്ലാഹു വാഗ്ദാനം ചെയ്തിരിക്കുന്നു ; അവരുടെ മുമ്പുള്ളവർക്ക് പ്രാതിനിധ്യം നൽകിയതുപോലെതന്നെ തീർച്ചയായും ഭൂമിയിൽ അവൻ അവർക്ക് പ്രാതിനിധ്യം നൽകുകയും അവർക്ക് അവൻ തൃപ്തിപ്പെട്ടുകൊടുത്ത അവരുടെ മതത്തിന്റെ കാര്യത്തിൽ അവൻ അവർക്ക് സ്വാധീനം നൽകുകയും അവരുടെ ഭയപ്പാടിനുശേഷം അവർക്ക് നിർഭയത്വം പകരം നൽകുകയും ചെയ്യുന്നതാണെന്ന് . എന്നെയായിരിക്കും അവർ .
ചെയ്യുന്നതാണെന്ന് . എന്നെയായിരിക്കും അവർ ആരാധിക്കുന്നത് . എന്നോട് യാതൊന്നും അവർ പങ്കുചേർക്കുകയില്ല . അതിനുശേഷം ആരെങ്കിലും നന്ദികേട് കാണിക്കുന്നുവെങ്കിൽ അവർ തന്നെയാകുന്നു ധിക്കാരികൾ ” ( 24:55 ) . " തീർച്ചയായും നിനക്ക് നാം പ്രത്യക്ഷമായ ഒരു വിജയം നൽകിയിരിക്കുന്നു ” ( 48 : 1 ) .  അല്ലാഹു അവന്റെ ദൂതന് സ്വപ്നം സത്യപ്രകാരം സാക്ഷാൽക്കരിച്ചിരിക്കുന്നു . അതായത് അല്ലാഹു ഉദ്ദേശിക്കുന്നപക്ഷം സമാധാനചിത്തരായിക്കൊണ്ട് തലമുണ്ഡനം ചെയ്തവരും മുടി വെട്ടിയവരുമായിക്കൊണ്ട് നിങ്ങൾ ഒന്നും ഭയപ്പെടാതെ പവിത്രമായ ദേവാല യത്തിൽ പ്രവേശിക്കുക തന്നെ ചെയ്യുന്നതാണെന്ന സ്വപ്നം . എന്നാൽ നിങ്ങൾ   അറിയാത്തത് അവൻ അറിഞ്ഞിട്ടുണ്ട് . അതിനാൽ അതിനുപുറമെ സമീപസ്ഥമായ ഒരു വിജയം അവൻ ഉണ്ടാക്കിത്തന്നു ” ( 48:27 )
ഈ സൂക്തങ്ങളിൽ മുഹമ്മദ് നബി ( സ ) യുടെ ദൗത്യത്തിന്റെ വിജയമാണ് പ്രവചിക്കപ്പെട്ടിരിക്കുന്നത് . ആദ്യം ഉദ്ധരിച്ച നാല് സൂക്തങ്ങളും മക്കയിലും ബാക്കിയുള്ളവ മദീനയിലുംവെച്ച് അവതരിപ്പിക്കപ്പെട്ടവയാണ് . മക്കാ വിജയത്തോടെ പൂർണമായി പൂർത്തീകരിക്കപ്പെട്ട പ്രവചനങ്ങളാണിവ . ഇവയുടെ പൂർത്തീകരണവുമായി ബന്ധപ്പെട്ട് ശ്രദ്ധിക്കപ്പെടേണ്ട കാര്യങ്ങൾ താഴെ പറയുന്നവയാണ് : ( i ) പീഡനങ്ങളും പ്രയാസങ്ങളും ( i ) പീഡനങ്ങളും പ്രയാസങ്ങളും സഹിച്ച് പ്രബോധന പ്രവർത്തനങ്ങൾ നടത്തുന്നതിനിടെയാണ് മക്കയിൽവെച്ച് മുഹമ്മദ് നബി ( യോട് നിനക്ക് എളുപ്പമുണ്ടാകുമെന്നും തൃപ്തികരമായ രീതിയിൽ അനുഗൃഹീത സ്ഥാനത്ത് നിയോഗിക്കപ്പെടുമെന്നുമെല്ലാം ഖുർആൻ വാഗ്ദാനം ചെയ്യുന്നത് . അന്നത്തെ അവസ്ഥയിൽ ഒരാൾക്ക് സങ്കൽപിക്കാൻപോലും അസാധ്യമായിരുന്നു മുഹമ്മദ് നബി ( സ ) യുടെയും ഇസ്ലാമിന്റെയും വിജയങ്ങൾ . എന്നാൽ ഖുർആൻ പ്രവചിച്ചതുപോലെത്തന്നെ സംഭവിച്ചു . പ്രയാസപൂർണ്ണമായ മക്കാ ജീവിതത്തിനുശേഷം മദീനയിലേക്ക് പലായനം ചെയ്യുകയും അവിടെ ഒരു ഇസ്ലാമിക സമൂഹം ഉണ്ടാവുകയും ചെയ്തതോടെ ഈ പ്രവചനങ്ങളുടെ പൂർത്തീകരണമായി . അവസാനം മക്കാ വിജയത്തോടെ അറേബയുടെ സിംഹഭാഗവും ഇസ്ലാമിന്  അവസാനം മക്കാ വിജയത്തോടെ അറേബ്യയുടെ സിംഹഭാഗവും ഇസ്ലാമിന് കീഴിൽ വരികയും ഈ പ്രവചനങ്ങളുടെ പൂർണമായ പൂർത്തീകരണം നടക്കുകയും ചെയ്തു . ( ii ) മദീനയിലേക്കുള്ള പ്രവാചകന്റെ പലായനത്തിനിടെ ജുഹ്ഫയിൽവെച്ച് അവതരിപ്പിക്കപ്പെട്ടതാണ് ഉദ്ധരിച്ചിരിക്കുന്ന നാലാമത്തെ സൂക്തം ( 28:85 ) .........

" ചില്ലറ ശല്യമല്ലാതെ നിങ്ങൾക്ക് ഒരു ഉപദ്രവവും വരുത്താൻ അവർക്കാവുകയില്ല . ഇനി അവർ നിങ്ങളോട് യുദ്ധത്തിൽ ഏർപ്പെടുകയാണെങ്കിൽ അവർ പിന്തിരിഞ്ഞോടുന്നതാണ് . പിന്നീട് അവർക്ക് സഹായം ലഭിക്കുകയുമില്ല ” ( 3 : 111 ) . ”

നിങ്ങൾ അവരോട് യുദ്ധം ചെയ്യുക . കൈകളാൽ അല്ലാഹു അവരെ നിങ്ങളുടെ ശിക്ഷിക്കുകയും , അവൻ അവരെ അപമാനിക്കുകയും , അവർക്കെതിരെ നിങ്ങളെ അവൻ സഹായിക്കുകയും , വിശ്വാസികളായ ആളുകളുടെ ഹൃദയങ്ങൾക്ക് അവൻ ശമനം നൽകുകയും ചെയ്യുന്നതാണ് ” ( 9:14 ) .

” തീർച്ചയായും ഞാനും എന്റെ ദൂതന്മാരും തന്നെയാണ് വിജയം നേടുക എന്ന് അല്ലാഹു രേഖപ്പെടുത്തിയിരിക്കുന്നു . തീർച്ചയായും അല്ലാഹു ശക്തനും പ്രതാപിയുമാകുന്നു ” ( 58:21 ) . "

നിങ്ങളിൽനിന്ന് വിശ്വസിക്കുകയും സൽക്കർമ്മങ്ങൾ പ്രവർത്തിക്കുകയും ചെയ്തവരോട് അല്ലാഹു വാഗ്ദാനം ചെയ്തിരിക്കുന്നു ; അവരുടെ മുമ്പുള്ളവർക്ക് പ്രാതിനിധ്യം നൽകിയതുപോലെതന്നെ തീർച്ചയായും ഭൂമിയിൽ അവൻ അവർക്ക് പ്രാതിനിധ്യം നൽകുകയും അവർക്ക് അവൻ തൃപ്തിപ്പെട്ടുകൊടുത്ത അവരുടെ മതത്തിന്റെ കാര്യത്തിൽ അവൻ അവർക്ക് സ്വാധീനം നൽകുകയും അവരുടെ ഭയപ്പാടിനുശേഷം അവർക്ക് നിർഭയത്വം പകരം നൽകുകയും ചെയ്യുന്നതാണെന്ന് . എന്നെയായിരിക്കും അവർ ആരാധിക്കുന്നത് . എന്നോട് യാതൊന്നുംആരാധിക്കുന്നത് . എന്നാ അവർ പങ്കുചേർക്കുകയില്ല . അതിനുശേഷം ആരെങ്കിലും നന്ദികേട് കാണിക്കുന്നുവെങ്കിൽ അവർ തന്നെയാകുന്നു ധിക്കാരികൾ ” ( 24:55 ) . ”

തീർച്ചയായും നിനക്ക് നാം പ്രത്യക്ഷമായ ഒരു വിജയം നൽകിയിരിക്കുന്നു ” ( 48 : 1 ) .

” അല്ലാഹു അവന്റെ ദൂതന് സ്വപ്നം സത്യപ്രകാരം സാക്ഷാൽക്കരിച്ചിരിക്കുന്നു . അതായത് അല്ലാഹു ഉദ്ദേശിക്കുന്നപക്ഷം സമാധാനചിത്തരായിക്കൊണ്ട് തലമുണ്ഡനം ചെയ്തവരും മുടി വെട്ടിയവരുമായിക്കൊണ്ട് നിങ്ങൾ ഒന്നും ഭയപ്പെടാതെ പവിത്രമായ ദേവാലയത്തിൽ പ്രവേശിക്കുക തന്നെ ചെയ്യുന്നതാണെന്ന സ്വപ്നം . എന്നാൽ നിങ്ങൾ അറിയാത്തത് അവൻ അറിഞ്ഞിട്ടുണ്ട് . അതിനാൽ അതിനുപുറമെ സമീപസ്ഥമായ ഒരുവിജയം അവൻ ഉണ്ടാക്കിത്തന്നു ” ( 48:27 ) ഈ സൂക്തങ്ങളിൽ മുഹമ്മദ് നബി (സ ) യുടെ ദൗത്യത്തിന്റെ വിജയമാണ് പ്രവചിക്കപ്പെട്ടിരിക്കുന്നത് . ആദ്യം ഉദ്ധരിച്ച നാല് സൂക്തങ്ങളും മക്കയിലും ബാക്കിയുള്ളവ മദീനയിലുംവെച്ച് അവതരിപ്പിക്കപ്പെട്ടവയാണ് . മക്കാ വിജയത്തോടെ പൂർണമായി പൂർത്തീകരിക്കപ്പെട്ട പ്രവചനങ്ങളാണിവ ....

ഇവയുടെ പൂർത്തീകരണവുമായി ബന്ധപ്പെട്ട് ശ്രദ്ധിക്കപ്പെടേണ്ട കാര്യങ്ങൾ താഴെ പറയുന്നവയാണ് :

( i ) പീഡനങ്ങളും പ്രയാസങ്ങളും സഹിച്ച് പ്രബോധനപ്രവർത്തനങ്ങൾ നടത്തുന്നതിനിടെയാണ് മക്കയിൽ വെച്ച് മുഹമ്മദ് നബി ( സ )യോട് നിനക്ക്എളുപ്പമുണ്ടാകുമെന്നും തൃപ്തികരമായ രീതിയിൽ അനുഗൃഹീത സ്ഥാനത്ത് നിയോഗിക്കപ്പെടുമെന്നുമെല്ലാം ഖുർആൻ വാഗ്ദാനം ചെയ്യുന്നത് . അന്നത്തെ അവസ്ഥയിൽ ഒരാൾക്ക് സങ്കൽപിക്കാൻപോലും അസാധ്യമായിരുന്നു മുഹമ്മദ് നബി ( സ ) യുടെയും ഇസ്ലാമിന്റെയും വിജയങ്ങൾ . എന്നാൽ ഖുർആൻ പ്രവചിച്ചതുപോലെത്തന്നെ സംഭവിച്ചു . പ്രയാസപൂർണ്ണമായ മക്കാ ജീവിതത്തിനുശേഷം മദീനയിലേക്ക് പലായനം ചെയ്യുകയും അവിടെ ഒരു ഇസ്ലാമിക സമൂഹം ഉണ്ടാവുകയും ചെയ്തതോടെ ഈ പ്രവചനങ്ങളുടെ പൂർത്തീകരണമായി . അവസാനം മക്കാ വിജയത്തോടെ അറേബ്യയുടെ സിംഹഭാഗവും ഇസ്ലാമിന് കീഴിൽ വരികയും ഈ പ്രവചനങ്ങളുടെ പൂർണമായ പൂർത്തീകരണം നടക്കുകയും ചെയ്തു .

( ii ) മദീനയിലേക്കുള്ള പ്രവാചകന്റെ പലായനത്തിനിടെ ജുഹ്ഫയിൽവെച്ച് അവതരിപ്പിക്കപ്പെട്ടതാണ് ഉദ്ധരിച്ചിരിക്കുന്ന നാലാമത്തെ സൂക്തം ( 28:85 ) . ജനിച്ചുവളർന്ന നാട്ടിൽനിന്ന് പലായനം ചെയ്യുന്നതിൽ പ്രയാസമുണ്ടായിരുന്ന പ്രവാചകനോട് ” നിന്നെ മടക്കസ്ഥാനത്തേക്ക് തിരിച്ചുകൊണ്ടുവരും " എന്ന് അല്ലാഹു വാഗ്ദാനം ചെയ്യുകയാണ് ഈ സൂക്തത്തിൽ ചെയ്യുന്നത് . മക്കയിലേക്ക് ഇനി മടങ്ങിവരാൻ ഒരിക്കലും കഴിയില്ലെന്ന് തോന്നുന്ന സമയത്താണ് ഈ വാഗ്ദാനമുണ്ടായതെന്നോർക്കുക . പ്രവചനത്തിന്റെ പൂർതീകരണമായിക്കൊണ്ട് സർവ്വവിധ ബഹുമതികളോടുംകൂടി മക്കയിൽ പ്രവാചകൻ തിരിച്ചെത്തുകയും മക്കാരാജ്യം മുഴുവൻ പ്രവാചകന്റെ (സ ) ഭരണത്തിൻകീഴിൽ വരികയും ചെയ്തു .

( iii ) യുദ്ധം അനുവദിക്കപ്പെട്ടശേഷം അവതരിച്ച സൂക്തങ്ങളാണ് ഉദ്ധരിക്കപ്പെട്ട അവസാനത്തെ ആറ് സൂക്തങ്ങൾ . ഇവയിലെ ആദ്യ സൂക്തങ്ങളിൽ ( 3:11 , 9:14 ) യുദ്ധരംഗത്ത് അവിശ്വാസികൾക്ക് യാതൊരുവിധത്തിലും കാര്യമാത്ര പ്രസക്തമായ നഷ്ടങ്ങളുണ്ടാവുകയില്ലെന്ന് പ്രവചിച്ചിരിക്കുന്നു . പ്രവാചകന്റെ കാലത്ത് നടന്ന 81 യുദ്ധങ്ങളിൽ ആകെ മുസ്ലിംകൾക്കുണ്ടായ ആൾനഷ്ടം 259 ആയിരുന്നു . ഈ യുദ്ധങ്ങളിലെല്ലാംകൂടി ആകെ 759 അമുസ്ലിംകൾ കൊലചെയ്യപ്പെട്ടുവെന്ന് മാത്രമല്ല ബഹുദൈവാരാധനയിൽ അധിഷ്ഠിതമായ ആ സാമൂഹ്യവ്യവസ്ഥ പാടെ തകരുകയും തൽസ്ഥാനത്ത് ഏകദൈവാരാധനയിലധിഷ്ഠിതമായ സാമൂഹ്യ സംവിധാനം സംസ്ഥാപിക്കപ്പെടുകയും ചെയ്തു . ഇങ്ങനെ , ഏത് വീക്ഷണത്തിലൂടെ നോക്കിയാലും അവിശ്വാസികൾക്കായിരുന്നു നഷ്ടം മുഴുവനും . മുസ്ലിംകൾക്കാവട്ടെ ,യുദ്ധത്തിൽ സ്വാഭാവികമായുണ്ടാവുന്ന ചില്ലറ നാശനഷ്ടങ്ങളല്ലാതെ ഉണ്ടായിട്ടില്ല . ഖുർആനിലെ പ്രവചനങ്ങളുടെ പൂർത്തീകരണമാണ് ഇവിടെയും നാം കാണുന്നത് .

( iv ) സത്യവിശ്വാസികൾക്ക് സമ്പൂർണ്ണ വിജയം വാഗ്ദാനം ചെയ്യുന്നവയാണ് 58 : 2 , 24:55 എന്നീ സൂക്തങ്ങൾ . അധികാരവും നിർഭയത്വവും  വിജയം വാഗ്ദാനം ചെയ്യുന്നവയാണ് 58 : 2 , 24:55 എന്നീ സൂക്തങ്ങൾ . അധികാരവും നിർഭയത്വവും മതസ്വാതന്ത്ര്യവും പൂർണമായി നൽകപ്പെടുന്ന നാളെയെക്കുറിച്ച വാഗ്ദാനം . മക്കാ വിജയത്തോടെ ഈ വാഗ്ദാനം പൂർണമായും പാലിക്കപ്പെട്ടു . അവസാനം ഉദ്ധരിച്ച സൂറത്തുൽ ഫത്ഹിലെ രണ്ട് വചന ങ്ങൾ ( 48 : 1 , 48:27 ) ഹിജ്റ ആറാം വർഷത്തിൽ നടന്ന ഹുദൈബിയാ സന്ധിയോടനുബന്ധിച്ച് അവതരിപ്പിക്കപ്പെട്ടവയാണ് . സന്ധിയിലെ  വ്യവസ്ഥകൾ പ്രത്യക്ഷത്തിൽ മുസ്ലിംകൾക്ക് ദോഷകരമാണെന്ന് തോന്നിപ്പിക്കുന്നതരത്തിലുള്ളവയായിരുന്നു .  അതുകൊണ്ടുതന്നെ സഹാബിമാരിൽ പലരും ഈ സന്ധിയോട് വിയോജിപ്പുള്ളവരുമായിരുന്നു .  എന്നിട്ടും പ്രസ്തുത സന്ധിയെക്കുറിച്ച് ഖുർആൻ പറഞ്ഞത് ” പ്രത്യക്ഷമായ വിജയം ” എന്നാണ് . ഹുദൈബിയാ സന്ധിയിലെ വ്യവസ്ഥകൾ കണ്ടാൽ ഒരാൾക്കുംതന്നെ ഇങ്ങനെ പറയാനാവില്ല . പക്ഷെ , പ്രസ്തുത സന്ധി വലിയൊരു വിജയംതന്നെയായിരുന്നുവെന്ന് കാലം തെളിയിച്ചു . സന്ധികാലത്താണ് ഇസ്ലാം അയൽ പ്രദേശങ്ങളിലേക്ക് വ്യാപിപ്പിക്കുവാനും സമാധാനപൂർണമായ ആശയവിനിമയത്തിനുമുള്ള  അവസരമുണ്ടായത് . അവസാനം , ഖുറൈശികൾക്ക് എല്ലാ അർത്ഥത്തിലും അനുകൂലമാണെന്ന് കരുതപ്പെട്ടിരുന്ന സന്ധിവ്യവസ്ഥകൾ ലംഘിക്കുവാൻ അവർതന്നെ സൃഷ്ടരായി . അങ്ങനെയാണ് മക്കാ വിജയത്തിലേക്ക് നയിച്ച സംഭവങ്ങളുണ്ടായത് . 48 : 1 ൽ പറഞ്ഞതുപോലെ ഹുദൈബിയാ സന്ധി പ്രത്യക്ഷമായ വിജയം തന്നെയായിരുന്നുവെന്ന് മക്കാവിജയത്തോടെ എല്ലാവർക്കും ബോധ്യമായി . 48 : 27 ൽ പ്രവചിച്ചതുപോലെ ഹുദൈബിയ്യാ സന്ധികഴിഞ്ഞ് അടുത്തവർഷം തന്നെ മുഹമ്മദ് നബി (സ )( യും അനുയായികളും മക്കയിലെത്തി ഉംറ നിർവഹിക്കുകയും ചെയ്തു ........
......

🌹ഖുർആനിൽ ഉണ്ടെന്ന് പറയുന്ന പ്രവചനങ്ങൾ തന്റെ അനുയായികളെ യുദ്ധത്തിന് പ്രേരിപ്പിക്കുകയും വിശ്വസ്തരാക്കുകയും ചെയ്യുന്നതിനായി മുഹമ്മദ് നബി (സ ) ബോധപൂർവ്വമുള്ള രചനയാണെന്ന് വാദിച്ചു കൂടെ ?🌹

പരിശുദ്ധ ഖുർആനിലെ പ്രവചനങ്ങൾ മുഹമ്മദ് നബി ( സ ) യുടെ ബോധപൂർവ്വമുള്ള രചനയാണെന്ന വാദം അടിസ്ഥാനരഹിതമാണ് . ഒരു മനുഷ്യന് അയാളെത്ര സമർത്ഥനായിരുന്നാലും  ഖുർആനിലേതുപോലെയുള്ള പ്രവചനങ്ങൾ നടത്തുവാൻ കഴിയില്ല . ഏതൊരു സേനാ നായകനും ചെയ്യുന്നതുപോലെ നമ്മൾ യുദ്ധത്തിൽ ജയിക്കും ' എന്ന് തന്റെ അനുയായികളോട് പറഞ്ഞ് അവരെ പ്രചോദിപ്പിക്കുന്ന വചനങ്ങളാണ് ഖുർആനിലെ പ്രവചനങ്ങളെന്ന് മുസ്ലിംകൾ വാദിക്കുന്നതെന്ന് വിമർശിക്കപ്പെടാറുണ്ട് . ഈ വിമർശനം അടിസ്ഥാനരഹിതമാണ് . താഴെ പറയുന്ന കാര്യങ്ങൾ ശ്രദ്ധേയമാണ് .

1 ) റോമാക്കാരുടെ വിജയത്തെ സംബന്ധിച്ച ഖുർആനിലെ പ്രവചനത്തിൽ കൃത്യമായി എത്രകൊല്ലത്തിനുള്ളിൽ വിജയിക്കുമെന്ന് പറഞ്ഞിട്ടില്ല . എന്നാൽ പ്രസ്തുത വചനങ്ങളിൽനിന്ന് മൂന്നിനും ഒൻപതിനുമിടയിൽ അത് സംഭവിക്കുമെന്ന് വ്യക്തവുമാണ് . ഈ സൂക്തങ്ങളിൽ പറഞ്ഞകാര്യമല്ലാതെ അതിനേക്കാൾ കൂടിയ യാതൊരു അറിവും ഇക്കാര്യത്തിൽ മുഹമ്മദ് നബി ( സ ) യുടെ പക്കലുണ്ടായിരുന്നില്ലെന്നാണ് ഹദീസുകളിൽനിന്ന് വ്യക്തമാവുന്നത് . താൻ സ്വയം നിർമിച്ചെടുത്തതായിരുന്നു ഈ പ്രവചനമെങ്കിൽ ഇത്തരമൊരു അവസ്ഥയുണ്ടാകാൻ സാധ്യതയില്ലല്ലോ .

2 ) ഖുർആനിന് തുല്യമായ ഒരു ഗ്രന്ഥമോ അതല്ലെങ്കിൽ ഒരു അധ്യായമെങ്കിലുമോ കൊണ്ടുവരാൻ വേണ്ടിയുള്ള  വെല്ലുവിളിയോടനുബന്ധിച്ച് അത് അവർക്ക് ഒരിക്കലും കഴിയില്ല'യെന്ന പ്രവചനം നടത്താൻ സർവ്വലോക രക്ഷിതാവിനല്ലാതെ മറ്റാർക്കും കഴിയില്ല . ഈ പ്രവചനം നടത്തുന്നത് അറബി സാഹിത്യത്തിലെ അതികായന്മാർക്ക് നടുവിൽ നിന്നാണെന്നോർക്കണം . തന്റെ രചനയേക്കാൾ മികച്ച ഒരു രചന നടത്താൻ ആർക്കും കഴിയില്ലെന്ന് പറയാൻ ഒരു മനുഷ്യനും സാധിക്കുകയില്ല . മുഹമ്മദ് നബി ( സ ) യാണെങ്കിൽ ഈ പ്രഖ്യാപനം തന്റെ പ്രവാചകത്വത്തിന്റെ ഭാഗമായിട്ടാണ് നിർവ്വഹിച്ചിരിക്കുന്നത് . ഈ പ്രഖ്യാപനത്തിന് വെല്ലുവിളിയുണ്ടായാൽ താൻ പ്രവാചകനാണെന്ന അവകാശവാദം തകരുമെന്ന് അദ്ദേഹത്തിന് അറിയുകയും ചെയ്യാം . അതുകൊണ്ടുതന്നെ സുബോധമുള്ള   ഒരു മനുഷ്യനും തന്റതുപോലെ രചന നിർവ്വഹിക്കാൻ ഒരാൾക്കും കഴിയില്ലെന്ന് പറയുകയില്ല . പ്രസ്തുത പ്രഖ്യാപനം ശരിയായിരുന്നുവെന്നതിനും ഖുർആനിലെ ഒരു അധ്യായത്തിന് തുല്യമായ അധ്യായംപോലും കൊണ്ടുവരാൻ ഒരാൾക്കും കഴിഞ്ഞിട്ടില്ലെന്നതിനും കഴിഞ്ഞ പതിനാല് നൂറ്റാണ്ടുകാലത്തെ ചരിത്രം സാക്ഷ്യം നിൽക്കുകയും ചെയ്യുന്നു . ഒരു മനുഷ്യന്റെ കേവല പ്രഖ്യാപനമല്ല ഇവയെന്ന് ഇത് വ്യക്തമാക്കുന്നു .
3 ) ഖുർആനിനെ സംരക്ഷിക്കുമെന്ന ദൈവിക വാഗ്ദാനത്തിന്റെയും സ്ഥിതി ഇതുതന്നെയാണ് . മുഹമ്മദ് നബി ( സ ) യുടെ കാലത്ത് കൃത്യമായി രണ്ട് ചട്ടകൾക്കുള്ളിലായി ഖുർആൻ ക്രോഡീകരിക്കപ്പെട്ടിട്ടുണ്ടായിരുന്നില്ലല്ലോ .  ആ നിലയ്ക്ക് ഖുർആനിൽ യാതൊരുവിധ മാറ്റവുംവരാതെ അവസാനനാളുവരെ സംരക്ഷിക്കുമെന്ന് പറയാൻ സർവ്വശക്തനല്ലാതെ മറ്റാർക്കാണ് കഴിയുക ?

4..ഇസ്ലാമിന്റെ വിജയത്തെക്കുറിച്ച പ്രവചനങ്ങൾ അനുയായികളെ ആവേശം കൊള്ളിക്കുവാനും പ്രചോദിപ്പിക്കുവാനും വേണ്ടി മുഹമ്മദ് നബി ( സ )രചിച്ചവയാകുവാനുള്ള സാധ്യതയും തീരെയില്ലെന്നാണ് പ്രസ്തുത വചനങ്ങൾ പരിശോധിച്ചാൽ നമുക്ക് ബോധ്യപ്പെടുക . ഒരു സേനാനായകന്റെ കേവല വാഗ്ദാനങ്ങളല്ല , പ്രത്യുത കാര്യങ്ങളെല്ലാം നിശ്ചയിച്ചുറപ്പിച്ചവന്റെ ദൃഢമായ പ്രഖ്യാപനങ്ങളാണ് ഈ വചനങ്ങളിൽ നാം കാണുന്നത് . അനുയായികളെ പ്രചോദിപ്പിക്കാനായി ഒരു നേതാവ് പറയുന്ന കാര്യങ്ങളെല്ലാം എങ്ങനെയാണ് കൃത്യവും വ്യക്തവുമായി സംഭവിക്കുക . അതൊരിക്കലുമു ണ്ടാവുകയില്ലല്ലോ . എന്നാൽ ഇവ്വിഷയകമായ ഖുർആനിക പ്രവചനങ്ങൾ കൃത്യമായി പുലർന്നതായാണ് സംഭവങ്ങൾ പരിശോധിച്ചാൽ നമുക്ക് ബോധ്യപ്പെടുക ...

5... ഹുദൈബിയാ സന്ധിയെ " പ്രത്യക്ഷമായ വിജയം ' എന്ന് വിശേഷിപ്പിക്കുവാൻ സർവ്വശക്തനല്ലാതെ മറ്റൊരാൾക്കും കഴിയില്ല . പ്രവാചകാനുചരന്മാർ പോലും അസംതൃപ്തി പ്രകടിപ്പിച്ച വ്യവസ്ഥകളായിരുന്നു അവയിലുണ്ടായിരുന്നത് . വ്യവസ്ഥകൾ എഴുതിയശേഷം അദ്ദേഹത്തിന്റെ കൽപന അനുസരിക്കാൻപോലും അവർ വൈമനസ്യം പ്രകടിപ്പിച്ചു . എന്നിട്ടും പ്രസ്തുത കരാറിൽനിന്ന് പിന്നോട്ട് പോവാതെ ഇത് പ്രത്യക്ഷ ദൈവിക ബോധനത്തിൽ  വിജയമാണെന്ന അടിയുറച്ചുനിന്നു ; പ്രവാചകൻ ( സ ) . മുസ്ലിം
സമൂഹത്തി വിജയത്തിലേക്ക് ഈ സന്ധി വഴിതെളിയിക്കുമെന്ന യാതൊരു സൂചനയും ||||| വ്യവസ്ഥകളിലെവിടെയുമുണ്ടായിരുന്നില്ല . എന്നിട്ടും പ്രസ്തുത സന്ധിയെ പ്രത്യക്ഷ വിജയമായി അവതരിപ്പിക്കണമെങ്കിൽ അത് ഭാവിയെപ്പറ്റി കൃത്യമായി അറിയുന്നവന്ന് മാത്രമെ കഴിയൂ . മുഹമ്മദ് നബിയുടെ സൃഷ്ടിയാണ് ഈ പ്രവചനമെന്ന് സ്ഥാപിക്കാനാവില്ലെന്നർത്ഥം . സർവ്വജ്ഞനായ തമ്പുരാനിൽനിന്നുള്ളതാണ് ഖുർആൻ എന്ന വസ്തുതയാണ് ഇവയെല്ലാം വ്യക്തമാക്കുന്നത് ........

🌹ഖുർആൻ ക്രോഡീകരണം🌹

💧1. മനുഷ്യർക്ക് സന്മാർഗദർശനം നൽകുന്നതിനായി ഇറക്കപെട്ടതാണെങ്കിൽ , എന്ത് കൊണ്ടാണ് ഖുർആൻ ഒറ്റത്തവണയായി ഒരുമിച്ച് ഇറക്കപ്പെടാഞ്ഞത് ?💧

മുഹമ്മദി ( സ ) ന്റെ കാലത്തുതന്നെ അവിശ്വാസികൾ ചോദിച്ചിരുന്ന ഒരു ചോദ്യമായിരുന്നു ഇത് . ഖുർആൻ പറയുന്നത് കാണുക : “ സത്യനിഷേധികൾ പറഞ്ഞു . ഇദ്ദേഹത്തിന് ഖുർആൻ ഒറ്റത്തവണയായി ഇറക്കപ്പെടാത്തതെന്താണെന്ന് . അത് അപ്രകാരം ( ഘട്ടങ്ങളിലായി അവതരിപ്പിക്കുക ) തന്നെയാണ് വേണ്ടത് . അതുകൊണ്ട് നിന്റെ ഹൃദയത്തെ ഉറപ്പിച്ചുനിർത്താൻ വേണ്ടിയാകുന്നു . ശരിയായ സാവകാശത്തോടെ നാമത് പാരായണം ചെയ്തു കേൾപ്പിക്കുകയും ചെയ്തിരിക്കുന്നു " ( 25:32 ) .

“ നീ ജനങ്ങൾക്ക് സാവകാശത്തിൽ ഓതിക്കൊടുക്കേണ്ടതിനായി ഖുർആനെ നാം ( പല ഭാഗങ്ങളായി ) വേർതിരിച്ചിരിക്കുന്നു . നാം അതിനെ ക്രമേണയായി ഇറക്കുകയും ചെയ്തിരിക്കുന്നു ” ( 17 : 106 ) ഈ സൂക്തങ്ങളിൽ നിന്നും എന്തുകൊണ്ടാണ് ഖുർആൻ ഒന്നിച്ച് ഗ്രന്ഥരൂപത്തിൽ അവതരിപ്പിക്കാതിരുന്നതെന്ന് നമുക്കു മനസ്സിലാകുന്നു . അവസാന നാളുവരെയുള്ള മുഴുവൻ മനുഷ്യർക്കും മാർഗദർശനം നൽകേണ്ട വേദഗ്രന്ഥമാണ് ഖുർആൻ . അത് തോറെയെപ്പോലെ കേവലം കുറെ നിയമങ്ങളുടെ സംഹിതയല്ല . വിശ്വാസ പരിവർത്തനത്തിലൂടെ ഒരു സമൂഹത്തെ എങ്ങനെ വിമലീകരിക്കാമെന്ന് പ്രായോഗികമായികാണിച്ചുതരുന്ന ഗ്രന്ഥമാണത് . ഖുർആനിന്റെ അവതരണത്തിനനുസരിച്ച് പരിവർത്തിതമായിക്കൊണ്ടിരിക്കുന്ന ഒരു സമൂഹത്തിന്റെ ചിത്രം നമ്മുടെ മുന്നിലുണ്ട് . ഈ ചിത്രം കൂടി ഉപയോഗിച്ചു കൊണ്ടാണ് ഓരോ സൂക്തത്തിന്റെയും പൂർണമായ ഉദ്ദേശ്യം നാം മനസ്സിലാക്കുന്നത് . ഒറ്റയടിക്കാണ് ഖുർആൻ അവതരിപ്പിക്കപ്പെട്ടതെങ്കിൽ ഈ രൂപത്തിൽ നമുക്ക് അത് മനസ്സിലാക്കുവാൻ കഴിയുകയില്ലായിരുന്നു . അത് നൂറുശതമാനം പ്രായോഗികമായ ഒരു ഗ്രന്ഥമാണെന്ന് പറയുവാനും സാധിക്കുമായിരുന്നില്ല . വളർന്നുകൊണ്ടിരുന്ന ഒരു സമൂഹത്തിന് ഘട്ടങ്ങളായി നൽകിയ മാർഗനിർദ്ദേശങ്ങളെന്ന നിലയ്ക്ക് പ്രസ്തുത മാർഗനിർദേശങ്ങൾക്കൊപ്പം ആ സമൂഹം മാറിക്കൊണ്ടിരിക്കുന്നു - അത് പൂർണമായും പ്രായോഗികമാണെന്ന് നമുക്ക് ഉറപ്പിച്ചു പറയുവാനാകും .ഖുർആൻ ഘട്ടങ്ങളായി അവതരിപ്പിക്കപ്പെട്ടതു കൊണ്ടുള്ള ഗുണങ്ങളെ ഇങ്ങനെ സംഗ്രഹിക്കാം .

1. ദീർഘകാലമായി സമൂഹത്തിൽ നിലനിന്നിരുന്ന ദുരാചാരങ്ങളും അധാർമികതകളും ഒറ്റയടിക്ക് നിർത്തലാക്കുക പ്രയാസകരമാണ് . ഘട്ടങ്ങളായി മാത്രമേ അവ നിർത്തൽ ചെയ്യാനാകൂ . താൽക്കാലിക നിയമങ്ങൾ വഴി പ്രസ്തുത പ്രവർത്തനങ്ങളിൽനിന്ന് ജനങ്ങളെ ക്രമേണ അകറ്റിക്കൊണ്ട് അവസാനം സ്ഥിരമായ നിയമങ്ങൾ നടപ്പിൽ വരുത്തുകയാണ് പ്രായോഗികം . ഇതിന് ഘട്ടങ്ങളായുള്ള അവതരണം സൗകര്യം നൽകുന്നു
.2 . ജനങ്ങളിൽനിന്നും ഉയർന്നുവരുന്ന സംശയങ്ങൾക്കും അപ്പപ്പോഴുണ്ടാവുന്ന പ്രശ്നങ്ങൾക്കും തദവസരത്തിൽ തന്നെ പരിഹാരമുണ്ടാവുന്ന രീതിയിൽ ദൈവിക സന്ദേശങ്ങൾ ലഭിക്കുന്നത് പ്രബോധിത ജനതയിൽ കൂടുതൽ ഫലപ്രദമായ പരിവർത്തനങ്ങളുണ്ടാവുന്നതിന് നിമിത്തമാകുന്നു .
3 . ഒറ്റപ്രാവശ്യമായി അവതരിപ്പിക്കപ്പെടുന്ന പക്ഷം അതിലെ നിയമനിർദ്ദേശങ്ങൾ ഒരൊറ്റ ദിവസംതന്നെ നടപ്പിലാക്കേണ്ടതായി വരും . അത് പ്രയാസകരമാണെന്ന് പറയേണ്ടതില്ലല്ലോ . ഘട്ടങ്ങളായുള്ള അവതരണം വഴി ഈ പ്രയാസം ഇല്ലാതാക്കുവാനും ക്രമേണ പൂർണമായി വിമലീകരിക്കപ്പെട്ട ഒരു സമൂഹത്തെ വളർത്തിയെടുക്കുവാനും സാധിക്കുന്നു .കാരണമാവുന്നു .
4. ഇടയ്ക്കിടക്ക് ദൈവിക ബോധനം ലഭിക്കുന്നത് പ്രവാചകന് മനഃസമാധാനവും ഹൃദയദാർഢ്യവുമുണ്ടാവുന്നതിന്
5. നിരക്ഷരനായ മുഹമ്മദി ( ന് ഖുർആൻ പഠിക്കുവാനും മനഃപ്പാഠമാക്കുവാനും ഘട്ടങ്ങളായുള്ള അവതരണം സൗകര്യം നൽകുന്നു . മറവിയോ അബദ്ധങ്ങളോ ഇല്ലാതിരിക്കുന്നതിനും ഇത് അവസരമൊരുക്കുന്നു .
6. പ്രവാചകന്റെ അനുയായികൾക്ക് ഖുർആൻ മനഃപ്പാഠമാക്കുന്നതിനും അതിലെ വിഷയങ്ങൾ വ്യക്തമായി പഠിക്കുന്നതിനും അതനുസരിച്ച് ജീവിതം ക്രമപ്പെടുത്തുന്നതിനും കുറേശ്ശെയുള്ള അവതരണം വഴി സാധിക്കുന്നു .

🌹2. വ്യത്യസ്ത സമയങ്ങളിൽ അവതരിപ്പിക്കപ്പെട്ട ഖുർആൻ സൂക്തങ്ങളെല്ലാം ഒന്നായി ക്രോഡീകരിക്കപ്പെട്ടത് എന്നായിരുന്നു ?🌹

ഖുർആൻ അവതരണത്തോടൊപ്പം തന്നെ ക്രോഡീകരണവും നടന്നിരുന്നു . വിശുദ്ധ ഖുർആൻ അവതരിപ്പിച്ച പടച്ചതമ്പുരാൻ തന്നെ അതിന്റെ ക്രോഡീകരണം തന്റെ ബാധ്യതയായി ഏറ്റെടുത്തിരിക്കുന്നുവെന്നതാണ് വാസ്തവം . അല്ലാഹു പറയുന്നു : “ തീർച്ചയായും അതിന്റെ ( ഖുർആന്റെ ) സമാഹരണവും അത് ഓതിത്തരലും നമ്മുടെ ബാധ്യതയാകുന്നു . അങ്ങനെ നാം അത് ഓതിത്തന്നാൽ ആ ഓത്ത് നീ പിന്തുടരുക "
( 75 : 17,18 ) . മുഹമ്മദി ( സ )ന് ഓരോ സൂക്തവും അവതരിപ്പിക്കപ്പെടുമ്പോൾ അത് എത്തിച്ചു കൊടുക്കുന്ന ജിബ്രീൽ ( അ ) തന്നെ അത് ഏത് അധ്യായത്തിൽ എത്രാമത്തെ വാക്യമായി ചേർക്കേണ്ടതാണെന്നു കൂടി അദ്ദേഹത്തെ അറിയിച്ചിരുന്നു . ഖുർആൻ എഴുതിവെക്കുന്നതിന് വേണ്ടി സന്നദ്ധരായ പ്രവാചകാനുചരന്മാർ ‘ കുത്താബുൽ വഹ്യ് ' ( ദിവ്യബോധനത്തിന്റെ എഴുത്തുകാർ ) എന്നാണ് അറിയപ്പെട്ടിരുന്നത് . അൻസാറുകളിൽപെട്ട ഉബയ്യ്ബ്നു കഅ്ബ് , മുആദുഇബ്നു ജബൽ , സൈദുബ്നുസാബിത്ത് , അബൂസൈദ് ( റ ) എന്നിവരായിരുന്നു അവരിൽ പ്രധാനികൾ . തുകൽ കഷ്ണങ്ങളിലായിരുന്നു അവർ പ്രധാനമായും ഖുർആൻ എഴുതിവെച്ചിരുന്നത് . പ്രവാചക ( സ )ന് ഏതെങ്കിലും സൂക്തം അവതരിപ്പിക്കപ്പെട്ടാൽ അദ്ദേഹം ഈ എഴുത്തുകാരെ വിളിക്കും . ജിബ്രീൽ അദ്ദേഹത്തോട് നിർദേശിച്ച ക്രമം അദ്ദേഹം എഴുത്തുകാരോട് പറയും . അഥവാ ഈ സൂക്തങ്ങൾ ഏത് അധ്യായത്തിൽ എത്രാമത്തെ വചനങ്ങളായി ചേർക്കണമെന്നും നിaplനൽകും . ഇതു പ്രകാരം അവർ എഴുതിവെക്കും . ഇങ്ങനെ , പ്രവാചക യുടെ കാലത്തു തന്നെ - ഖുർആൻ അവതരണത്തോടൊപ്പം തന്നെ - അതിന്റെ ക്രോഡീകരണവും നടന്നുവെന്നതാണ് വാസ്തവം .  ഇവ്വിഷയകമായി നിവേദനം ചെയ്യപ്പെട്ട ഏതാനും ഹദീസുകൾ കാണുക :

ഉസ്മാൻ ( റ ) നിവേദനം ചെയ്യുന്നു : “ ദൈവദൂതന് ഓരോ അവസരത്തിൽ വിവിധ അധ്യായങ്ങൾ അവതരിക്കാറുണ്ടായിരുന്നു . അങ്ങനെ അവതരിപ്പിക്കപ്പെട്ടൽ അദ്ദേഹം എഴുത്തുകാരെ വിളിച്ച് ഈ ആയത്തുകൾ ഇന്ന വിഷയം പ്രതിപാദിക്കുന്ന ഇന്ന സൂറത്തിൽ രേഖപ്പെടുത്തുകയെന്ന് കൽപ്പിക്കുമായിരുന്നു ” ( തുർമുദി )
"
ജിബ്രീൽ എല്ലാ വർഷവും പ്രവാചകന് ഒരു പ്രാവശ്യം ഖുർആൻ കേൾപ്പിക്കാറുണ്ടായിരുന്നു . അദ്ദേഹം മരണപ്പെട്ട വർഷത്തിലാകട്ടെ രണ്ടു പ്രാവശ്യം കേൾപ്പിക്കുകയുണ്ടായി " . ( ബുഖാരി ) .

ഓരോ സൂക്തവും അവതരിപ്പിക്കപ്പെടുമ്പോൾ തന്നെ അത് ഏത് സൂറത്തിലെ എത്രാമത്തെ വാക്യമാണെന്ന ദൈവിക നിർദ്ദേശമുണ്ടാവുന്നു . അത് പ്രകാരം എഴുതിവെക്കാൻ പ്രവാചകൻ ( സ ) എഴുത്തുകാരോട് നിർദ്ദേശിക്കുന്നു . എല്ലാവർഷവും ജിബ്രീൽ ( അ ) വന്ന് അതുവരെ അവതരിപ്പിക്കപ്പെട്ട സൂക്തങ്ങൾ ക്രമത്തിൽ ഓതിക്കേൾപ്പിക്കുന്നു . അത് പ്രവാചകൻ ( കേൾക്കുന്നു . ശേഷം പ്രവാചകൻ ജിബ്രീലിനെ ഓതിക്കേൾപ്പിക്കുന്നു . അങ്ങനെ ഖുർആനിന്റെ ക്രമത്തിന്റെ കാര്യത്തിലുള്ള ദൈവിക നിർദേശം പൂർണമായി പാലിക്കാൻ പ്രവാചക (സ )സാധിച്ചിരുന്നു...തീർച്ചയായും അതിന്റെ സമാഹരണവുംപാരായണവും നമ്മുടെ ബാധ്യതയാകുന്നു...(75/17)വെന്ന ദൈവിക സൂക്തത്തിന്റെ സത്യസന്ധമായ പുലർച്ചയാണ് നമുക്ക് ഇവിടെ കാണാൻ കഴിയുന്നത്.....

 💧3. മുഹമ്മദി (സ ) ന്റെ കാലത്ത് ഖുർആൻ ഒരു ഗ്രന്ഥമായി ക്രോഡീകരിക്കപെട്ടിരുന്നുവോ ?💧

ഈ ചോദ്യത്തിന് " അതെ ' യെന്നും ' ഇല്ല യെന്നും ഉത്തരം പറയാം . ഒരു ഗ്രന്ഥം ക്രോഡീകരിക്കുകയെന്നു പറയുമ്പോൾ എന്താണ് അർത്ഥമാക്കുന്നത് എന്നതിനെ ആശ്രയിച്ചിരിക്കുന്നു ഈ ചോദ്യത്തിന്റെ ഉത്തരം . ആദ്യം മുതൽ അവസാനം വരെയുള്ള അധ്യായങ്ങൾ ഏതെല്ലാമാണെന്നും അവയിലെ വാക്യങ്ങൾ ഏതെല്ലാമാണെന്നും വ്യക്തമായി പറഞ്ഞു കൊടുക്കുകയും അതു പ്രകാരം തന്റെ അനുയായികളിൽ നല്ലൊരു ശതമാനത്തെക്കൊണ്ട് മനഃപാഠമാക്കിക്കുകയും ചെയ്യുന്നതു കൊണ്ട് ഒരു ഗ്രന്ഥം ക്രോഡീകരിക്കപ്പെട്ടുവെന്ന് പറയാമെങ്കിൽ മുഹമ്മദി (സ ) ന്റെ കാലത്തുതന്നെ ഖുർആൻ ക്രോഡീകരിക്കപെട്ടുവെന്ന് പറയാവുന്നതാണ് . എന്നാൽ , രണ്ടു പുറംചട്ടകൾക്കുള്ളിൽ ഗ്രന്ഥത്തിലെ എല്ലാ അധ്യായങ്ങളും തുന്നിച്ചേർത്തു കൊണ്ട് പുറത്തിറക്കുകയാണ് ക്രോഡീകരണം കൊണ്ടുള്ള വിവക്ഷയെങ്കിൽ ഖുർആൻ മുഹമ്മദി ( സ ) ന്റെ ജീവിതകാലത്ത് ക്രോഡീകരിക്കപെട്ടിട്ടില്ല എന്നും പറയാവുന്നതാണ് . പ്രവാചകന്റെ ജീവിതകാലത്തിനിടയിൽ ഖുർആൻ ക്രോഡീകരിക്കുക അസാധ്യമായിരുന്നുവെന്നതാണ് വാസ്തവം . ഖുർആൻ അവതരണത്തിന്റെ ശൈലി നമുക്കറിയാം . ' ജിബ്രീൽ വരുന്നു . ഖുർആൻ സൂക്തങ്ങൾ ഓതി കേൾപ്പിക്കുന്നു . അത് ഏത് അധ്യായത്തിൽ എത്രാമത്തെ വാക്യമായി ചേർക്കണമെന്ന് നിർദേശിക്കുന്നു ' . ഇതായിരുന്നുവല്ലോ രൂപം . വിവിധ സന്ദർഭങ്ങളിൽ അവതരിപ്പിക്കപ്പെട്ട സൂക്തങ്ങൾ കാലഗണനയമനുസരിച്ചല്ലഅധ്യായങ്ങളായി സമാഹരിക്കപ്പെട്ടിരിക്കുന്നത് എന്നതിനാൽ അവാസാനത്തെ സൂക്തം കൂടി അവതരിപ്പിച്ചു കഴിഞ്ഞതിനു ശേഷമേ അവസാനമായി ഖുർആൻ ക്രോഡീകരിച്ച് ഗ്രന്ഥമാക്കുവാൻ കഴിയുമായിരുന്നുള്ളൂ . പ്രവാചകന്റെ വിയോഗത്തിന് ഒമ്പത് ദിവസങ്ങൾക്ക് മുമ്പാണ് അവസാനത്തെ ഖുർആൻ സൂക്തം അവതരിപ്പിക്കപ്പെട്ടത് . ഈ ഒമ്പത് ദിവസങ്ങൾക്കിടക്ക് അത് ഗ്രന്ഥരൂപത്തിലാക്കുക പ്രയാസകരമാണെന്ന് പറയേണ്ടതില്ലല്ലോ . ഖുർആൻ പൂർണമായും മനഃപാഠമാക്കിയ ഒട്ടനവധി അനുചരന്മാർ ഉണ്ടായിരുന്നതുകൊണ്ടും തുകൽ ചുരുളുകളിലും മറ്റു പല വസ്തുക്കളിലുമായി ഖുർആൻ മുഴുവനായി എഴുതിവെച്ചിരുന്നുവെന്നതു കൊണ്ടും ഖുർആനിനെ സംരക്ഷിക്കുകയെന്നത് പടച്ചതമ്പുരാൻ തന്നെ ഒരു ബാധ്യതയായി ഏറ്റെടുത്തത് കൊണ്ടും അതൊരു പുസ്തക രൂപത്തിലാക്കാതിരുന്നത് ഒരു വലിയ പ്രശ്നമായി പ്രവാചകന്‍(സ ) കരുതിയിരുന്നില്ല എന്ന് പറയുന്നതാവും ശരി...

🌹4. ഖുർആൻ രണ്ടു പുറംചട്ടകൾക്കുള്ളിൽ ഒരൊറ്റ ഗ്രന്ഥമായി ക്രോഡീകരിക്കപ്പെട്ടത് എന്നായിരുന്നു ?ഏത് സാഹചര്യത്തിൽ ?🌹

  ഒന്നാം ഖലീഫ അബൂബക്കർ ( റ ) ന്റെ കാലത്താണ് രണ്ട് പുറം ചട്ടകൾക്കുള്ളിൽ ഒരൊറ്റ ഗ്രന്ഥമായി ഖുർആൻ ക്രോഡീകരിക്കപ്പെട്ടത് . മുഹമ്മദ്(സ )ന്റെ ജീവിത കാലത്തു തന്നെ തുകൽ ചുരുളുകളിലും മറ്റുമായി ഖുർആൻ രേഖപ്പെടുത്തപ്പെട്ടിരുന്നുവെങ്കിലും ഖുർആൻ പഠനത്തിനുള്ള സമൂഹത്തിന്റെ പ്രധാനപ്പെട്ട ആശ്രയം പ്രസ്തുത ഏടുകളായിരുന്നില്ല . പ്രത്യുത , ഖുർആൻ ഹൃദിസ്ഥമാക്കിയവരുടെ സേവനമായിരുന്നു . പ്രവാചകൻ (സ )ന്റെ വിയോഗാനന്തരം ഇസ്ലാമിക രാഷ്ട്രത്തിന്റെ നായകത്വം അബൂബക്കർ ( റ ) ഏറ്റെടുത്തു .വ്യാജ പ്രവാചകൻ മുസൈലിമ അബൂബക്കർ ( റ ) നെതിരെ പ്രബലമായ തന്റെ ഗോത്രത്തെ ബനുഹനീഫ- അണി നിരത്തിയപ്പോൾ യുദ്ധം നടന്നു . യുദ്ധത്തിൽ മുസ്ലിംകൾ വിജയിച്ചു . ഖുർആൻ പൂർണമായി ഹൃദിസ്ഥമാക്കിയിരുന്ന എഴുപത് പേരുടെ രക്ത സാക്ഷിത്വമായിരുന്നു മുസ്ലിംകൾക്കുണ്ടായ വലിയ നഷ്ടം . ഈ സംഭവം ഖുർആനിന്റെ സംരക്ഷണത്തെ കുറിച്ച് ചിന്തിക്കുവാൻ പ്രവാചക സഖാക്കളിൽ പ്രമുഖനായ ഉമർ ( റ ) ന് പ്രചോദനമേകി . അതിനാവശ്യമായ നടപടികളെക്കുറിച്ചു അദ്ദേഹം ഖലീഫ അബൂബകറു(റ )മായി ചർച്ച ചെയ്തു . ഖുർആൻ ക്രോഡീകരിച്ച് ഗ്രന്ഥരൂപത്തിലാക്കേണ്ടത് ആവശ്യം തന്നെയാണെന്ന് ഖലീഫക്ക് ബോധ്യമായി . പ്രവാചകന്റെ എഴുത്തുകാരനും ഖുർആൻ രേഖപ്പെടുത്തി വെച്ചവരിൽ പ്രമുഖനായിരുന്ന സൈദുബ്നു സാബിത്തി(റ )നെ ഖുർആൻ ഏക ഗ്രന്ഥത്തിലായി സമാഹരിക്കുകയെന്ന ചുമതല ഏൽപിച്ചു . സൈദുബ്നു സാബിത്തി(റ )ന് ഖുർ ആൻ മനഃപാഠമുണ്ടായിരുന്നു . എന്നാൽ , തന്റെ ഓർമ ശക്തിയെ മാത്രം ആശ്രയിച്ചു കൊണ്ടല്ല അദ്ദേഹം ഖുർആൻ സമാഹരണം നടത്തിയത് . അന്ന് വ്യത്യസ്ത വ്യക്തികളുടെ കൈവശമുണ്ടായിരുന്ന ഖുർആൻ ഏടുകളെല്ലാം അദ്ദേഹം പരിശോധിച്ചു . ഏടുകൾ കൈവശമുള്ളവർ പ്രത്യക്ഷപ്പെടുമ്പോൾ അവ തന്റെ കൈവശമുള്ള രേഖകളുമായി ഒത്തു നോക്കിയും മനഃപാഠവുമായി താരതമ്യം ചെയ്തു കൊണ്ടും അദ്ദേഹം രേഖപ്പെടുത്തിക്കൊണ്ടിരുന്നു . അങ്ങനെ ഖുർആൻ മുഴുവനായി സൈദുബ്നു സാബിത്ത്(റ )രണ്ടു ചട്ടകൾക്കുള്ളിലുള്ള ഏടുകളിലാക്കി . രണ്ടു ചട്ടകൾക്കുള്ളിൽ സമാഹരിക്കപ്പെട്ട രേഖകൾക്കാണ് മുസാഫ് എന്ന് പറയുന്നത്... അബൂബക്കറി(റ )ന്റെ ഭരണകാലത്ത് സൈദുബിനു സാബിത്ത് (റ )ആണ് ഖുർആൻ പൂർണ്ണമായും ഉൾക്കൊള്ളുന്ന ആദ്യത്തെ മുസാഫ് തയ്യാറാക്കിയതെന്ന് സാരം..

5💧. അബൂബക്കർ ( റ ) ന്റെ കാലത്ത് ക്രോഡീകരിക്കപ്പെട്ട ഖുർആൻ കോപ്പി ഇന്ന് നിലനിൽക്കുന്നുണ്ടോ ? ഇല്ലെങ്കിൽ എന്ത് കൊണ്ട് ?💧

ഇല്ല . സൈദുബ്നു സാബിത്ത് ( റ ) ക്രോഡീകരിച്ച മുസ്ഹഫ് ഖലീഫയായിരുന്ന അബൂബക്കർ ( റ ) ന്റെ കൈവശമായിരുന്നു ഉണ്ടായിരുന്നത് . അദ്ദേഹത്തിന്റെ മരണശേഷം രണ്ടാം ഖലീഫ ഉമർ ( റ ) ന്റെ കൈവശമായി . ഉമർ ( റ ) ന്റെ കാലശേഷം അദ്ദേഹത്തിന്റെ പുത്രിയും മുഹമ്മദ്(സ )ന്റെ പത്നിയുമായിരുന്ന ഹഫ്സ ( റ ) യുടെ കൈവശമായി മുസ്ഹഫിന്റെ സൂക്ഷിപ്പ് . ആദ്യം മുതലെ ഹഫ്സ ( റ ) യുടെ കൈവശമായിരുന്നു ഈ കോപ്പിയെന്നും അഭിപ്രായമുണ്ട് . പ്രസ്തുത പതിപ്പിന് ഖുർആനിന്റെ ഔദ്യോഗിക പതിപ്പിന്റെ സ്ഥാനമുണ്ടായിരുന്നുവെങ്കിലും മറ്റു പലവ്യക്തികളുടെ കൈവശവും ഖുർആന്റെ ഏടുകളുണ്ടായിരുന്നു . പ്രവാചകന്റെ കാലത്ത് എഴുതപ്പെട്ടവയും ശേഷം പകർത്തിയെഴുതിയതുമായ ഏടുകൾ . എന്നാൽ , ഈ രേഖകളെയൊന്നുമായിരുന്നില്ല സാധാരണ ജനങ്ങൾ പൊതുവായി തങ്ങളുടെ പഠനത്തിനും പാരായണത്തിനും ആശ്രയിച്ചിരുന്നത് . അവർ അവർക്കിടയിലുണ്ടായിരുന്ന മനഃപാഠമാക്കിയ വ്യക്തികളെയും അവരിൽ നിന്ന് പകർത്തിയെഴുതിയ സ്വകാര്യ ഏടുകളെയുമായിരുന്നു ആശ്രയിച്ചിരുന്നത് . മൂന്നാം ഖലീഫ ഉസ്മാൻ ( റ ) ന്റെ ഭരണ കാലം . ഹിജ്റ 23 -ാം വർഷമായപ്പോഴേക്ക് ഇസ്ലാം കൂടുതൽ പ്രചരിക്കുകയും പുതിയ ഭൂപ്രദേശങ്ങൾ ഇസ്ലാമിക സാമ്രാജ്യത്തിന്റെ വരുതിക്കുള്ളിൽ വരികയും ചെയ്തു . അറബികളുംഅനറബികളുമായ ആയിരക്കണക്കിനാളുകൾ ഇസ്ലാമിലേക്ക് കടന്നു വന്നു . അറബിഭാഷ അറിയാത്തവരുടെ ഇസ്ലാം ആശ്ലേഷം ഖുർആൻ പാരായണത്തിൽ ചില പ്രശ്നങ്ങളുണ്ടാക്കുന്നതായി ചിലർ ഉസ്മാൻ ( റ ) ന്റെ ശ്രദ്ധയിൽ പെടുത്തി . അർമീനിയ , അസർബൈജാൻ എന്നിവിടങ്ങളിലുണ്ടായ യുദ്ധങ്ങളുടെ അവസരത്തിൽ പ്രസ്തുത പ്രദേശങ്ങളിലെ ജനങ്ങൾ ഒരുമിച്ചു കൂടിയപ്പോൾ ഖുർആൻ പാരായണത്തിന്റെ രീതിയിലും ഉച്ചാരണക്രമത്തിലും അവർ വമ്പിച്ച വ്യത്യാസം വരുത്തുന്നത് കണ്ട് പ്രവാചകാനുചരൻ ഹുദൈഫ ( റ ) യായിരുന്നു ഈ പ്രശ്നം ഖലീഫയുടെ ശ്രദ്ധയിൽ പെടുത്തിയ ആദ്യ വ്യക്തികളിൽ ഒരാൾ . ഈ രൂപത്തിൽ മുന്നോട്ടു പോയാൽ ഖുർആനിനെ സംബന്ധിച്ച് മുസ്ലിംകൾക്കിടയിൽ സാരമായ ഭിന്നിപ്പ് ഉടലെടുക്കാൻ കാരണമായേക്കുമെന്ന് ദീർഘദർശികളായ പ്രവാചകാനുചരന്മാർആവശ്യപ്പെട്ടു . ശ്രദ്ധയിൽ പെടുത്തി . അനിവാര്യമായ നടപടികളുണ്ടാവണമെന്ന് അവർ ഖലീഫയോട് ഉസ്മാൻ ( റ ) ഹഫ്സ ( റ ) യുടെ കൈവശമുണ്ടായിരുന്ന ഔദ്യോഗിക ഖുർആൻ പ്രതി കൊണ്ടുവരാൻ കൽപിച്ചു . ഇതിന്റെ പകർപ്പുകൾ ശരിയായ ഖുറൈശി ഉച്ചാരണ രീതി പ്രകാരം തയ്യാറാക്കുന്നതിനായി സൈദുബ്നു സാബിത്ത് ( റ ) ന്റെ തന്നെ നേതൃത്വത്തിലുള്ള നാലംഗ സംഘത്തെ ചുമതലപ്പെടുത്തി . അറബിയുടെ ആഖാര ഉച്ചാരണരീതി ( standard pronounciation ) യാണ് ഖുറൈഷി രീതി . അബ്ദുല്ലാഹിബ്നു സുബൈർ , സൈദുബ്നുൽ ആസ്വി , അബ്ദുറഹ്മാനുബ്നു ഹിശാം തുടങ്ങിയവരായിരുന്നു മറ്റ് അംഗങ്ങൾ . ഹഫ്സ ( റ ) യുടെ കൈവശമുണ്ടായിരുന്ന ഔദ്യോഗിക മുസ്ഹഫിന്റെ ആഖാരഉച്ചാരണരീതി പ്രകാരമുള്ള പതിപ്പുകൾ തയ്യാറാക്കുകയായിരുന്നു ഇവരുടെ ഉത്തരവാദിത്തം . അവർ ഈ ഉത്തരവാദിത്തം ഭംഗിയായി നിർവ്വഹിച്ചു . ഹഫ്സ ( റ ) യുടെ കൈവശമുണ്ടായിരുന്ന ഔദ്യോഗിക ഖുർആൻ പ്രതി സമാഹരിച്ച സൈദുബ്നു സാബിത്തു തന്നെ ഈ ഉത്തരവാദിത്ത നിർവ്വഹണത്തിന് നേതൃത്വം നൽകിയിരുന്നതിനാൽ അബദ്ധങ്ങളൊന്നും പിണയാതെ സൂക്ഷ്മതയോടെ കൈകാര്യം ചെയ്യാൻ പ്രത്യേകം സാധിച്ചുവെന്ന് പറയാവുന്നതാണ് . ഇങ്ങനെ തയ്യാറാക്കിയ പ്രതികൾ ഈജിപ്ത് , ബസറ , കൂഫ , മക്ക , സിറിയ , യമൻ , ബഹ്റൈൻ തുടങ്ങിയ നാടുകളിലേക്ക് അയച്ചുകൊടുത്തു . അതിനു ശേഷം വ്യക്തികൾ സൂക്ഷിച്ചിരുന്ന എല്ലാ ഏടുകളും കത്തിച്ചു കളയാൻ ഖലീഫ ഉത്തരവ് നൽകി . ഈ ആധികാരിക കോപ്പികൾ പ്രകാരം മാത്രമേ ഖുർആൻ പാരായണം പാടുള്ളൂ  എന്ന കൽപ്പന നൽകി ഉസ്മാൻ(റ )
കോപ്പികൾ എടുത്ത് നൽകിയ മുസാഫുകളുടെ പകർപ്പുകളാണ് ഇന്ന് ലോക വ്യാപകമായി പ്രസിദ്ധീകരിക്കപ്പെട്ടു കൊണ്ടിരിക്കുന്നത്.. പ്രസ്തുത ഒറിജിനൽ കോപ്പികൾ ഇന്നും നിലവിലുണ്ട്.....

🌹 ഖുർആൻ മനുഷ്യർക്കുള്ള മാർഗ്ഗദർശനം 🌹

🍇1. ഖുർആൻ പ്രദാനം ചെയ്യുന്ന സാന്മാർഗിക ക്രമം കിടയറ്റതാണെന്ന് ഖുർആൻ സ്വയം അവകാശപ്പെട്ടിട്ടുണ്ടോ ?🍇

അതെ . ഏറ്റവും ശരിയായ പാതയിലേക്ക് ജനങ്ങളെ നയിക്കുന്ന ഗ്രന്ഥമാണ് ഖുർആനെന്ന് അത് സ്വയം അവകാശപ്പെടുന്നുണ്ട് . " തീർച്ചയായും ഈ ഖുർആൻ ഏറ്റവും ശരിയായതിലേക്ക് വഴി കാണിക്കുന്നു " . ( 17 : 9 ) . മനുഷ്യർക്ക് അവതരിപ്പിക്കപ്പെട്ട അവസാനത്തെ വേദഗ്രന്ഥമാണ് ഖുർആൻ . അവസാന മനുഷ്യൻ വരെയുള്ളവർക്ക് സത്യാസത്യ വിവേചനമുള്ള മാനദണ്ഡവും മാർഗദർശകഗ്രന്ഥവും ഖുർആനാണ് . ഇക്കാര്യവും ഖുർആൻ സ്വയംപ്രഖ്യാപിക്കുന്നുണ്ട്..." ജനങ്ങൾക്ക് മാർഗദർശനമായി കൊണ്ടും നേർവഴി കാട്ടുന്നതും സത്യവും അസത്യവും വേർതിരിച്ചു കാണിക്കുന്നതുമായ സുവ്യക്ത തെളിവുകളായി കൊണ്ടും വിശുദ്ധ ഖുർആൻ അവതരിപ്പിക്കപ്പെട്ട മാസമാകുന്നു റമദാൻ " ( 2 : 185 ) . ജന്തുസഹജമായ വ്യഗ്രതയോടെ ഭൗതികസുഖങ്ങൾ വാരിക്കൂട്ടാൻ ശ്രമിക്കുന്നവർക്ക് ഖുർആൻ ശക്തമായ താക്കീത് നൽകുന്നുണ്ട് . ഭൗതികജീവിതം നശ്വരമാണെന്നും ഇവിടത്തെ സുഖങ്ങളും ദുഃഖങ്ങളും താൽക്കാലികം മാത്രമാണെന്നും ഇഹലോക സുഖത്തിനുവേണ്ടി അനശ്വരമായ പരലോക ജീവിതത്തിലെ ദുരിതങ്ങൾ വാങ്ങരുതെന്നുമുള്ള താക്കീത് . ഈ താക്കീത് ശ്രവിച്ചുകൊണ്ട് ദൈവിക വിധിവിലക്കുകൾസ്വീകരിക്കുവാൻ സന്നദ്ധരാകുന്നവർക്ക് മാർഗദർശനം നൽകുന്ന ഗ്രന്ഥമാണ് ഖുർആൻ എന്നുകൂടി അത് സ്വയം അവകാശപ്പെടുന്നു . ധാർമികതയുടെ ചട്ടക്കൂടിൽ ജീവിതത്തെ ക്രമീകരിക്കുന്നതാണ് മനുഷ്യമഹത്വത്തിന്റെ നിദാനമെന്ന് മനസ്സിലാക്കാത്തവരെ സംബന്ധിച്ചിടത്തോളം ഖുർആന്റെ വിധിവിലക്കുകൾ യാതൊരു വിധത്തിലും പ്രസക്തിയുള്ളതായി അനുഭവപ്പെടുകയില്ല . എന്നാൽ മനുഷ്യത്വത്തിന്റെ ഉദാത്തീകരണത്തിലൂടെയാണ് ജീവിത സാക്ഷാത്കാരം നേടേണ്ടത് എന്ന് കരുതുന്നവരെ സംബന്ധിച്ചിടത്തോളം ഖുർആനിലെ  വിധിവിലക്കുകൾ ഓരോന്നും അമൂല്യങ്ങളാണ് ; അവയിലൊന്നുപോലും അപമാനവീകരണത്തിന് നിമിത്തമാവുകയില്ലെന്ന് അവർ അറിയുന്നു . അവർക്ക് എല്ലാ അർത്ഥത്തിലുമുള്ള മാർഗനിർദ്ദേശക ഗ്രന്ഥമാണ് ഖുർആൻ . ഖുർആൻ അവകാശപ്പെടുന്നതും അതുതന്നെയാണ് . " ഇതാകുന്നു ഗ്രന്ഥം . അതിൽ സംശയമേയില്ല . സൂക്ഷ്മത പാലിക്കുന്നവർക്ക് നേർവഴി കാണിക്കുന്നതത്രേ അത് " ( 2 : 2 ) .

2🌹. എന്ത് അർത്ഥത്തിലാണ് ഖുർആൻ അവതരിപ്പിക്കുന്ന സാന്മാർഗിക ക്രമം കിടയറ്റതാണെന്ന് പറയുന്നത് ? 🌹

ഖുർആൻ ഒരു മതഗ്രന്ഥമാണ് . ദൈവികമതത്തിന്റെ വേദഗ്രന്ഥമാണത് . ഇസ്ലാമിന്റെ വിശ്വാസപരമായ അടിത്തറകളെക്കുറിച്ച് അത് വിശദീകരിക്കുന്നുണ്ട് . അതോടൊപ്പം ആചാരവിധികളെ സംബന്ധിച്ച അനുശാസനങ്ങളും അതുൾക്കൊള്ളുന്നു . എന്നാൽ , കേവലം ചില പ്രാർത്ഥന സങ്കീർത്തനങ്ങളും പൂജാമുറകളും മാത്രം ഉൾക്കൊള്ളുന്ന ഗ്രന്ഥമല്ല അത് . ദൈവിക മാർഗനിർദ്ദേശങ്ങൾ പ്രകാരം ജീവിച്ചുകൊണ്ട് ഒരാൾക്ക് എങ്ങനെ ഒരു പൂർണമനുഷ്യനാകാമെന്ന് അത് വരച്ചു കാണിക്കുന്നു . ജീവിതത്തിലെ എല്ലാ മേഖലകളിലും പിന്തുടരേണ്ടവിധിവിലക്കുകളെന്തെല്ലാമാണെന്ന് അത് പറഞ്ഞുതരുന്നു . പ്രസ്തുത വിധിവിലക്കുകൾ അനുസരിച്ചുകൊണ്ട് ജീവിച്ച് മാനവികതയുടെ ഉദാത്തീകരണം സാധിച്ച പ്രവാചകന്മാരുടെ മാതൃകയുൾക്കൊള്ളുവാൻ ആഹ്വാനം ചെയ്യുന്നു . മനുഷ്യനെന്ന നിലയിൽ ഒരാളിലുണ്ടായിരിക്കേണ്ട എല്ലാ നന്മകളെക്കുറിച്ചും ഖുർആനും അതിന്റെ വിശദീകരണമായ പ്രവാചക ജീവിതവും പറഞ്ഞുതരുന്നുണ്ട് . മനുഷ്യരോടെല്ലാം കാരുണ്യത്തോടെ പെരുമാറണം ; ദുരിതമനുഭവിക്കുന്നവരെ സഹായിക്കണം ; അനാഥകൾക്കും അഗതികൾക്കും താങ്ങും തണലുമായി വർത്തിക്കണം ; അന്യരെപ്പറ്റി നല്ലത് മാത്രം പറയണം ; വിനയത്തോടുകൂടി പെരുമാറണം . മാതാപിതാക്കളോടുള്ള പെരുമാറ്റം മാന്യമായിരിക്കണം ; കുഞ്ഞുങ്ങളോട്കാരുണ്യവും വാത്സല്യവും കാണിക്കണം ; ഭാര്യാഭർത്താക്കന്മാർ പരസ്പരം സ്നേഹിക്കുകയും ബഹുമാനിക്കുകയും അവകാശങ്ങൾ അനുവദിച്ചു കൊടുക്കുകയും ചെയ്യണം ; വൈവാഹിക ജീവിതത്തിന്റെ വിശുദ്ധി കാത്തുസൂക്ഷിക്കണം ; മാന്യമായി വേഷം ധരിക്കണം ; ഔദ്യോഗിക രംഗത്ത് നീതി നിർവ്വഹിക്കണം ; സാമ്പത്തികരംഗത്ത് വിശുദ്ധിയോടുകൂടി പെരുമാറണം കച്ചവടത്തിൽ സത്യസന്ധത ഉണ്ടായിരിക്കണം - ഇങ്ങനെ പോകുന്നു നിർദ്ദേശങ്ങൾ ; ഇവയിൽ ഒന്നെങ്കിലും മനുഷ്യ മഹത്വത്തിന് നിരക്കാത്തതാണെന്ന് ചൂണ്ടിക്കാണിക്കുവാൻ ആർക്കെങ്കിലും കഴിയുമോ ? ഖുർആനിലെ വിലക്കുകൾ പരിശോധിച്ചാലും സ്ഥിതി ഇതു തന്നെയാണെന്ന് നമുക്ക് ബോധ്യമാകും . മദ്യപിക്കരുത് ; വ്യഭിചരിക്കരുത് ;മോഷ്ടിക്കരുത് ; കള്ളം പറയരുത് ; വഞ്ചിക്കരുത് ; ചൂതാട്ടം നടത്തരുത് ; പലിശ വാങ്ങുകയും കൊടുക്കുകയും അരുത് ; ധൂർത്തടിക്കരുത് ; അന്യായമായി ഒരു തുള്ളി രക്തം പോലും ചിന്തരുത് ; ചാരിത്രവതികളെ കുറിച്ച് അപവാദം പറയരുത് ; അനാഥരുടെ ധനം അന്യായമായി ഭക്ഷിക്കരുത് ; തെറി പറയരുത് ; ആരുടെയും അവകാശങ്ങൾ ഹനിക്കരുത് ; മായം ചേർക്കരുത് ; അളവിലും തൂക്കത്തിലും കൃത്രിമം കാണിക്കരുത് ; അസൂയയും വിദ്വേഷവും വെച്ചു പുലർത്തരുത് ; ഏഷണിയും പരദൂഷണവും പാടില്ല ; സ്വജനപക്ഷപാതം പാടില്ല , ഇങ്ങനെയുള്ളവയാണ് വിലക്കുകൾ . ഈ വിലക്കുകളിലേതെങ്കിലും മനുഷ്യപുരോഗതിക്ക് മുമ്പിൽ വിലങ്ങുതടിയായി നിൽക്കുമെന്ന് പറയാൻ ആരെങ്കിലും ധൈര്യപ്പെടുമോ ?സാന്മാർഗിക നിർദ്ദേശങ്ങളോടൊപ്പം പ്രായോഗിക പദ്ധതി കൂടി ഖുർആൻ അവതരിപ്പിക്കുന്നു എന്നതാണ് അതിനെ അതുല്യമാക്കുന്ന ഒട്ടനവധി സവിശേഷതകളിലൊന്ന് . തിന്മകൾക്ക് മരണാനന്തരം ലഭിക്കുവാനിരിക്കുന്ന ദൈവിക ശിക്ഷകളെ കുറിച്ച് മുന്നറിയിപ്പ് നൽകിക്കൊണ്ട് കുറ്റകൃത്യങ്ങൾ ഇല്ലാതാക്കുന്നതിനാവശ്യമായ മാനസികാവസ്ഥ സൃഷ്ടിക്കുന്നതോടൊപ്പം തന്നെ കുറ്റവാളികൾക്ക് ഭരണകൂടം നൽകേണ്ട ഭൗതിക ശിക്ഷയെക്കുറിച്ചും ഖുർആൻ വിവരിക്കുന്നു . സുദൃഢമായ ഒരു കരാറെന്ന നിലയിൽ വൈവാഹിക ബന്ധം പ്രശ്നരഹിതമായി മുന്നോട്ടു നീക്കുന്നതിനാവശ്യമായ ധാർമിക നിർദേശങ്ങളോടൊപ്പം വല്ല കുടുംബപ്രശ്നങ്ങളും ഉണ്ടാവുകയാണെങ്കിൽ രമ്യമായി പരിഹരിക്കുന്നതിനാവശ്യമായ നടപടിക്രമങ്ങളെ കുറിച്ചും ഖുർആൻപരാമർശിക്കുന്നുണ്ട് . സാമ്പത്തിക ഇടപാടുകൾ വിശ്വസ്തതയോടെ നടത്തുവാനാവശ്യമായ ധാർമിക മാർഗനിർദേശങ്ങൾ നൽകുന്നതോടൊപ്പം അവയിൽ തർക്കങ്ങൾ ഉടലെടുക്കുകയാണെങ്കിൽ എങ്ങിനെ പരിഹരിക്കണമെന്നതിനെക്കുറിച്ച പ്രായോഗിക നിർദ്ദേശങ്ങളും ഖുർആൻ ഉൾക്കൊള്ളുന്നു . ഉപദേശങ്ങളും നിർദ്ദേശങ്ങളും മാത്രം നൽകിക്കൊണ്ട് പിൻവാങ്ങുകയല്ല പ്രത്യുത , അത് പ്രദാനം ചെയ്യുന്ന സാന്മാർഗിക ക്രമം പ്രായോഗികമാണെന്ന് വിശുദ്ധമായ ഒരു സമൂഹത്തിന്റെ സൃഷ്ടി സാധിച്ചുകൊണ്ട് തെളിയിക്കുകയാണ് ഖുർആൻ ചെയ്തിട്ടുള്ളത് . കിടയറ്റ ഒരു സാന്മാർഗിക ക്രമം അവതരിപ്പിക്കുക മാത്രമല്ല , അത് പ്രായോഗികമാണെന്ന് തെളിയിക്കുക കൂടി ചെയ്ത ഗ്രന്ഥമാണ് ഖുർആൻ എന്നർത്ഥം ....

🌹3. മറ്റു മതഗ്രന്ഥങ്ങളും മാതൃകായോഗ്യമായ സാന്മാർഗിക സംവിധാനത്തെക്കുറിച്ച് പ്രതിപാദിക്കുന്നില്ലേ ?🌹

എല്ലാ മതഗ്രന്ഥങ്ങളും ചില ധാർമിക നിർദേശങ്ങൾ നൽകുന്നുണ്ടെന്നത് ശരിയാണ് . പ്രവാചകന്മാർ പ്രബോധനം ചെയ്ത ആദർശത്തിന്റെ അവശിഷ്ടങ്ങൾ സ്ഥിതിചെയ്യുന്ന മതഗ്രന്ഥങ്ങളിലെ ധാർമിക നിർദേശങ്ങളിൽ ചിലവ ഖുർആനികാധ്യാപനങ്ങളുമായി പൊരുത്തപ്പെടുന്നുണ്ടെന്നതും നേരാണ് . എന്നാൽ , ഖുർആനിലെ ധാർമിക നിർദ്ദേശങ്ങൾക്ക് മറ്റു മതഗ്രന്ഥങ്ങളുടേതിൽ നിന്ന് അടിസ്ഥാനപരമായ ചില അന്തരങ്ങൾ ഉണ്ട് . അവ ഇങ്ങനെ സംഗ്രഹിക്കാം .
ഒന്ന് : ഖുർആനിൽ ദൈവികമായ വിധിവിലക്കുകൾ മാത്രമേയുള്ളൂ . മറ്റു മതഗ്രന്ഥങ്ങളിൽ ദൈവികമായ വിധിവിലക്കുകൾ പരാമർശിക്കുന്നുണ്ടെങ്കിലും അതോടൊപ്പം തന്നെ പുരോഹിതന്മാർ നിർമിച്ച നിയയമങ്ങളും ഉൾക്കൊള്ളുന്നുണ്ട് . ഇവ രണ്ടും ഏതൊക്കെയാണെന്ന് വേർതിരിച്ച് മനസ്സിലാക്കാൻ കഴിയാത്തവണ്ണം അവ കൂടിക്കുഴഞ്ഞാണിരിക്കുന്നത് .
രണ്ട് : ഖുർആനിലെ വിധിവിലക്കുകൾ നൂറുശതമാനം മാനവികമാണ് . മറ്റു പല മതഗ്രന്ഥങ്ങളിലും മാനവികമല്ലാത്ത വിധിവിലക്കുകൾ ഉൾകൊള്ളുന്നു . ഉദാഹരണത്തിന് ബൈബിളിൽ കൊറിന്തോസുകാർക്കെഴുതിയ ഒന്നാംസാധ്യമല്ല . ലേഖനത്തിൽ പൗലോസ് എഴുതുന്നു : ' സ്ത്രീയെ സ്പർശിക്കാതിരിക്കുന്നതാണ് പുരുഷന് നല്ലത്.
( 1 കൊരി : 1 ) . '
വിവാഹത്തിൽ നിന്ന് തന്നെ ഒഴിഞ്ഞു നിൽക്കുന്നത് ഏറെ നല്ലത് ' ( 7:38 ) . മനുഷ്യർ മുഴുവൻ ഏറ്റവും വലിയ ഈ ' നന്മ ' സ്വീകരിച്ചിരുന്നുവെങ്കിൽ മനുഷ്യകുലം തന്നെ ഏതാനും പതിറ്റാണ്ടുകൾക്കുള്ളിൽ നാമാവശേഷമാകുമായിരുന്നു . ഇത്തരം ഉപദേശങ്ങളൊന്നും ഖുർആനിൽ കാണുക

മൂന്ന് : ഖുർആനിലെ വിധിവിലക്കുകളിൽ അക്രമത്തിനോ അനീതിക്കോ വേണ്ടിയുള്ള കൽപനകളൊന്നും ഉൾക്കൊള്ളുന്നില്ല ...

നാല് : ഖുർആനിലെ നിയമ നിർദ്ദേശങ്ങളിൽ യാതൊരു രീതിയിലുള്ള ഉച്ചനീചത്വങ്ങളുമില്ല .

അഞ്ച് : ഖുർആനിൽ അപ്രായോഗികമായ വിധിവിലക്കുകൾ ഒന്നും തന്നെയില്ല . മറ്റു ചില മതഗ്രന്ഥങ്ങളിലെ വിധിവിലക്കുകളിൽ ചിലവ അപ്രയോഗികങ്ങളാണ് . വിവാഹമോചനത്തെക്കുറിച്ച് കൽപന കാണുക : ' തന്റെ ഭാര്യയുമായി വിവാഹമോചനം നടത്തി മറ്റൊരുവളെ വിവാഹം ചെയ്യുന്നവൻ വ്യഭിചരിക്കുന്നു . ' ( ലൂക്കോസ് 16 : 18 ) . ബൈബിളിലെ വിവാഹമോചനം പാടില്ലെന്ന് ബൈബിളിലെഈ നിയമം അപ്രായോഗികമാണെന്ന് ഇന്ന് ക്രൈസ്തവസഭകൾ തന്നെ സമ്മതിക്കുന്നുവെന്നതാണ് വാസ്തവം . വിവാഹമോചനം അനുവദിക്കുന്നതിന് വേണ്ടി സഭകൾ നടത്തുന്ന നിയമനിർമാണം അതാണല്ലോ കാണിക്കുന്നത് .

ആറ് : ഖുർആൻ വിവരിച്ചു കാണിക്കുന്ന സാന്മാർഗിക ക്രമത്തിന്റെ പ്രയോക്താക്കളാവുക വഴി വിശുദ്ധരായിത്തീർന്ന പ്രവാചകന്മാരുടെ ചരിത്രമാണ് അത് വിവരിക്കുന്നത് . മറ്റു മതഗ്രന്ഥങ്ങൾ പ്രവാചകന്മാർ വിശുദ്ധരായിരുന്നുവെന്ന് അവകാശപ്പെടുന്നുണ്ടെങ്കിലും അവരുടെ ജീവിതം വിവരിക്കപ്പെട്ടിരിക്കുന്നത് വളരെ മോശമായ രീതിയിലാണ് . മദ്യപിച്ച് നഗ്നനാവുന്ന നോഹും ( ഉൽപത്തി 9:20 - 23 ) മദ്യപിച്ച്പുത്രിമാരുമായി ശയിക്കുന്ന ലോത്തും ( ഉൽപ്പത്തി 19:31 36 ) ചതിയനായ യാക്കോബും ( ഉൽപത്തി 27 : 1 36 ) അന്യസ്ത്രീകളെ സ്വന്തം കിടപ്പറയിലേക്ക് നയിക്കുന്ന ദാവീദും ( 2 ശാമുവേൽ 11 : 1- 20 ) മാതൃകാ യോഗ്യരാണോ ? ഹൈന്ദവ പുരാണങ്ങളിൽ മഹത് വ്യക്തികളെ പറ്റി വിവരിച്ചിട്ടുള്ളതും തഥൈവ . ശംബുകനെന്ന ശൂദ്രനെ വധിക്കുകയും ( വാൽമീകി രാമായണം യുദ്ധകാണ്ഡം ) , പൂർണഗർഭിണിയായ ഭാര്യയെ കാട്ടിൽ ഉപേക്ഷിക്കുകയും ( ഉത്തരകാണ്ഡം ) ചെയ്ത ശ്രീരാമനെയും ഗോപികാ വസ്ത്രാപഹരണം മുതൽ യുദ്ധത്തിൽ അക്രമവും വഞ്ചനയും സ്വീകരിക്കുക വരെ ചെയ്ത ശ്രീകൃഷ്ണനെയുമാണ് നാം പുരാണങ്ങളിൽ കാണുന്നത് . ഈ നിലയിൽ ഇവർ ധർമ സംസ്ഥാപകരായിരുന്നുവെന്നത് പറയാനാകുമോ ? വിശുദ്ധ ഖുർആനാകട്ടെ എല്ലാ പ്രവാചകരും വിശുദ്ധരും മാതൃകായോഗ്യമായിരുന്നുവെന്നാണ് പഠിപ്പിക്കുന്നത് ഖുർആൻ മുന്നോട്ടുവെക്കുന്ന ചരിത്രവും ഇതിനു സാക്ഷ്യയുമാണ്....

🌹4. ഖുർആൻ ദൈവികമാണെന്നതിന് അത് പ്രദാനം ചെയ്യുന്ന സാന്മാർഗിക സംവിധാനം തെളിവാകുന്നതെങ്ങനെ ?🌹

പ്രകൃതിയും സമൂഹവുമായുള്ള ബന്ധങ്ങളിൽ കൈകാര്യ കർതൃത്വത്തിന് കഴിവ് സ്വതന്ത്രമായ നൽകപ്പെട്ട ഏക ജീവിയാണ് മനുഷ്യൻ . അവന്റെ പ്രവർത്തനങ്ങൾ വളരെ ഗുണകരമാകുവാനും വളരെ ദോഷകരമാകുവാനും സാധ്യതയുണ്ട് . അവന്റെ സാമൂഹികവും വൈയക്തികങ്ങളുമായ നിലനിൽപ്പിനും പുരോഗതിക്കും മറ്റു ജീവികളിൽ നിന്ന് വ്യത്യസ്തമായി - എല്ലാ ജീവികളും ജനിതക വസ്തുവിൽ രേഖപ്പെടുത്തപ്പെട്ട നിയമങ്ങൾ നിർബന്ധമായും അനുസരിച്ച് അവയുടെ ജീവിതസാഫല്യം നേടുന്നു - ചില നിയമ നിർദേശങ്ങൾ അനുസരിക്കേണ്ടതുണ്ട് . ഈ നിയമ നിർദ്ദേശങ്ങൾ പാലിക്കുന്നത് അവന്റെ ഔന്നത്യത്തിലേക്കും അവ അതിലംഘിക്കുന്നത് അവന്റെ നാശത്തിലേക്കും നയിക്കും എന്ന് ഉറപ്പാണ്....

ഏതെല്ലാമാണ് ആ നിയമനിർദ്ദേശങ്ങൾ ? മനുഷ്യാസ്തിത്വത്തെ പ്രഭാപൂരിതമാക്കുന്ന വിധിവിലക്കുകൾ എന്തൊക്കെയാണ് ?

ഇത് ജനങ്ങളെ പഠിപ്പിക്കുന്നതിനു വേണ്ടിയാണ് പ്രവാചകന്മാർ നിയോഗിക്കപ്പെട്ടത്.ദൈവിക വിധിവിലക്കുകൾ പാലിക്കുക വഴി വിമലീകരിക്കപ്പെട്ട സ്വന്തം ജീവിതത്തെ അവർ ജനങ്ങൾക്ക് മുമ്പിൽ സമർപ്പിച്ചു . അതോടൊപ്പം തന്നെ ദൈവിക വിധിവിലക്കുകൾ അടങ്ങുന്ന വേദഗ്രന്ഥവും അവരിലൂടെ അവതരിപ്പിക്കപ്പെട്ടു . ഈ വേദഗ്രന്ഥങ്ങളും അവയുമായി ജനങ്ങൾക്ക് മുന്നിൽ പ്രത്യക്ഷപ്പെട്ട പ്രവാചകന്മാരുമാണ് മനുഷ്യർക്ക് നന്മതിന്മകളെ പറ്റി തെറ്റുപറ്റാത്ത അറിവ് നൽകിയത് . ലോകത്ത് ജനസമൂഹങ്ങൾ നിലനിൽക്കുന്നയിടങ്ങളിലെല്ലാം ദൈവദൂതന്മാർ വന്നിട്ടുണ്ട്.അതുകൊണ്ടാണ് വ്യത്യസ്ത ദേശങ്ങളിൽ ജീവിക്കുന്നവരുടെ ധാർമിക സങ്കൽപ്പങ്ങളുടെ അടിസ്ഥാനം ഒന്നുതന്നെയായിരിക്കുന്നത്....

അഹങ്കാരമാണ് ഏറ്റവും നികൃഷ്ടമായ പൈശാചിക ഗുണം . അഹങ്കാരത്തിൽ നിന്നാണ് സ്വാർത്ഥത ഉടലെടുക്കുന്നത് . തന്റെ ചുറ്റുമുള്ള എന്തിനെയും സ്വന്തം താൽപര്യങ്ങൾക്ക് അനുഗുണമാക്കി മിനുക്കിയെടുക്കുവാൻ മനുഷ്യൻ സമർത്ഥനാണ് . ആത്മീയവും ഭൗതികവുമായ കാര്യങ്ങളൊന്നും ഇതിൽനിന്ന് മുക്തമല്ല . വേദഗ്രന്ഥങ്ങളുടെ കാര്യത്തിലും സംഭവിച്ചത് ഇതുതന്നെ . പ്രവാചകന്മാർ ദൈവികബോധന പ്രകാരം വേദഗ്രന്ഥത്തെ വ്യാഖ്യാനിച്ചു . പിൻഗാമികൾ ചെയ്യേണ്ടത് പ്രവാചകന്മാരെ പിൻപറ്റുകയാണ് . എന്നാൽ പ്രവാചകന്മാരുടെ സ്വന്തക്കാരായി പ്രത്യക്ഷപ്പെട്ട പിൽക്കാല പുരോഹിതന്മാർ വേദഗ്രന്ഥങ്ങളിലും പ്രവാചക കഥനങ്ങളിലും തന്നിഷ്ടം കുത്തിചെലുത്തികൊണ്ട് തങ്ങളുടെ താല്പര്യങ്ങൾ സംരക്ഷിക്കാനാണ് ധൃഷ്ടരായത് . വേദനിയമങ്ങൾ അവർ  മാറ്റിയെഴുതി . പ്രവാചക കഥനങ്ങളെ സ്വന്തം താല്പര്യങ്ങൾക്കനുസരിച്ച് വികലമാക്കി . അതുകൊണ്ടുതന്നെ വേദഗ്രന്ഥങ്ങൾ പിൻപറ്റുക പ്രയാസകരമായിത്തീർന്നു . പ്രവാചകന്മാർ മാതൃകാ പുരുഷന്മാരല്ലാതായി ചിത്രീകരിക്കപ്പെട്ടു . അതുകൊണ്ടാണ് വേദഗ്രന്ഥങ്ങളുടെ പുറംചട്ടയുമായി പ്രത്യക്ഷപ്പെടുന്ന പുസ്തകങ്ങളിലെ നിയമനിർദ്ദേശങ്ങൾ അപ്രായോഗികമായി ഇന്ന് നമുക്ക് അനുഭവപ്പെടുന്നത് .    മനുഷ്യരെ വിമലീകരിക്കാനുതകുന്നതും നൂറുശതമാനം പ്രായോഗികവുമായ നിയമനിർദ്ദേശങ്ങളവതരിപ്പിക്കുവാൻ ദൈവിക മാർഗദർശനത്തിനു മാത്രമേ കഴിയൂ . ഭൗതിക പ്രത്യയശാസ്ത്രങ്ങൾ പരാജയപ്പെടുന്നത് ഇവിടെയാണ് . മനുഷ്യരുടെ സകലമാന പ്രശ്നങ്ങൾക്കുമുള്ള പരിഹാര നിർദേശങ്ങളുമായികൊണ്ടാണ് അവ രംഗത്തുവരാറുള്ളത് . അവയുടെ നിർദ്ദേശങ്ങൾ പലപ്പോഴും ഏടുകളിൽ സുന്ദരമായിരിക്കുകയും ചെയ്യും . എന്നാൽ , പ്രായോഗിക രംഗത്തേക്ക് കടന്നുവരുമ്പോൾ അവയെല്ലാം തികഞ്ഞ അസംബന്ധങ്ങളായിത്തീരുന്നു . മനുഷ്യനെ സൃഷ്ടിച്ചവനു മാത്രമേ അവനെ വിമലീകരിക്കുവാനുതകുന്ന പ്രായോഗിക നിയമങ്ങൾ നിർദ്ദേശിക്കുവാൻ കഴിയൂവെന്ന വസ്തുതയാണ് ഇവിടെ അനാവൃതമാവുന്നത് . ഇരുപതാം നൂറ്റാണ്ടിന്റെ പ്രതീക്ഷയായി കടന്നുവന്ന കമ്യൂണിസം ഈ നൂറ്റാണ്ടിന്റെ അന്ത്യപാദത്തിലെത്തിയപ്പോഴേക്ക് തത്വശാസ്ത്രങ്ങളുടെ ചവറ്റുകൊട്ടയിൽ വിശ്രമിക്കാനായി വിധിക്കപ്പെട്ടത് ഈയൊരു പരിമിതി കൊണ്ടായിരുന്നു . എത്രതന്നെ താത്ത്വികമായ അടിത്തറയിൽ സ്ഥാപിക്കപ്പെട്ടതാണെങ്കിലും ഭൗതിക ദർശനങ്ങൾക്ക് മനുഷ്യരെ വിമലീകരിക്കാനുതകുന്ന സാന്മാർഗിക സംവിധാനം പ്രദാനം ചെയ്യാനാവില്ലെന്ന വസ്തുത മനസ്സിലാക്കുകയാണ് ഈ പതനത്തിൽ നിന്ന് പാഠമുൾക്കൊണ്ടവർ ചെയ്യേണ്ടത് .  ഇതോടൊപ്പം തന്നെ നമുക്ക് മനസ്സിലാക്കുവാൻ കഴിയുന്ന മറ്റൊരു യാഥാർഥ്യമുണ്ട് . നൂറുശതമാനം പ്രായോഗികവും മനുഷ്യരെ വിമലീകരിക്കുവാനുതകുന്നതുമായ നിയമ നിർദ്ദേശങ്ങൾ നൽകുന്ന ഗ്രന്ഥം ദൈവികമായിരിക്കുമെന്ന വസ്തുതയാണത് . വിശുദ്ധ ഖുർആൻ പ്രദാനം ചെയ്യുന്ന സാന്മാർഗിക സംവിധാനം അതിന്റെ ദൈവികതക്കുള്ള തെളിവാണെന്ന്  പറയുന്നത് ഇതുകൊണ്ടാണ് . ഖുർആൻ മുന്നോട്ടുവെക്കുന്ന വിധിവിലക്കുകൾ മനുഷ്യരെ ധാർമിക ബോധമുള്ളവരും സന്മാർഗ നിഷ്ഠരുമാക്കുമെന്ന കാര്യത്തിൽ പക്ഷാന്തരമില്ല . തികഞ്ഞ ഭൗതികവാദികൾ പോലും സമ്മതിക്കുന്ന യാഥാർത്ഥ്യമാണത് . മനുഷ്യരെ നേർവഴിയിലേക്ക് നയിക്കുകയാണ് വേദഗ്രന്ഥത്തിന്റെ ധർമമെങ്കിൽ ഖുർആനിനെപ്പോലെ വേദഗ്രന്ഥമെന്ന് വിളിക്കപ്പെടുവാൻ ഒരു ഗ്രന്ഥവും അർഹമല്ലെന്ന വസ്തുത വസ്തുനിഷ്ഠമായി പഠനം നടത്തിയ ഏത് നിഷ്പക്ഷമതിയും അംഗീകരിക്കുന്നതാണ് ...

🌹 ഖുർആൻ ഒരു പ്രായോഗിക ഗ്രന്ഥം🌹

1💧. എല്ലാ അർത്ഥത്തിലും പ്രായോഗികമായ ഒരു ഗ്രന്ഥമാണ് ഖുർആൻ എന്നു പറയാൻ പറ്റുമോ ?💧

അതെ , ഖുർആൻ എല്ലാ അർഥത്തിലും പ്രായോഗികമായ ഒരു ഗ്രന്ഥമാണ് . മാനവ സമൂഹത്തെ സത്യത്തിന്റെയും ധർമത്തിന്റെയും മാർഗത്തിലൂടെ നയിച്ചുകൊണ്ട് ഐക്യപ്പെടുത്തുകയെന്ന വേദഗ്രന്ഥത്തിന്റെ പരമപ്രധാനമായ ലക്ഷ്യം സാക്ഷാത്കരിക്കുവാനുതകുന്ന ഒരൊറ്റ ഗ്രന്ഥം മാത്രമേ ഇന്നു നിലനിൽക്കുന്നുള്ളൂ . അത് ഖുർആനാണ് . അതു പ്രദാനം ചെയ്യുന്ന ധാർമിക നിയമങ്ങൾ നൂറുശതമാനം പ്രായോഗികമാണ് . ധാർമികതയിൽ അധിഷ്ഠിതമായ ഒരു സാമൂഹിക സംവിധാനത്തിന്റെ നിർമിതിക്കാവശ്യമായ പ്രായോഗിക നിയമങ്ങൾ നൽകുന്നത് ഖുർആൻ മാത്രമാണ് എന്നുള്ളതാണ് വാസ്തവം ....

💧2. ഖുർആൻ പ്രായോഗികമാണെന്നതിന് എന്താണ് തെളിവ് ?💧

ഖുർആൻ സൃഷ്ടിച്ച വിപ്ലവമാണ് അത് പ്രായോഗികമാണെന്നുള്ളതിനുള്ള ഏറ്റവും വലിയ തെളിവ് . ഖുർആനിന്റെ അവതരണത്തിന് മുമ്പും പിമ്പുമുള്ള അറേബ്യൻ സമൂഹത്തിന്റെ അവസ്ഥകൾ പരിശോധിച്ചാൽ ഖുർആനിന്റെ പ്രായോഗികത നമുക്ക് ബോധ്യമാകും . അന്ധവിശ്വാസങ്ങൾ സൃഷ്ടിച്ച അധമത്വം പേറിക്കൊണ്ടിരുന്ന , മദ്യത്തിലും മദിരാക്ഷിയിലും മയങ്ങിക്കിടന്നിരുന്ന , ഗോത്ര മഹിമയുടെ പേരിൽ തമ്മിലടിച്ച് ചോര ചിന്തുന്നതിൽ യാതൊരുവിധ വൈമനസ്യവുമില്ലാതിരുന്ന , അറിവിന്റെ രംഗത്ത് വട്ടപ്പൂജ്യം മാത്രമായിരുന്ന , ചികിൽസാരംഗത്ത് ഒന്നുമല്ലാതിരുന്ന , കാർഷികമായി പിന്നോക്കം നിന്നിരുന്ന , രാഷ്ട്രീയവും സൈനികവുമായിഅസംഘടിതരായിരുന്ന ഒരു സമൂഹം . ഇതാണ് ഖുർആനിന്റെ അവതരണത്തിന് മുമ്പുള്ള അറേബ്യയുടെ ചരിത്രം . ഖുർആനിന്റെ അവതരണത്തിന് ശേഷമുള്ള അറേബ്യയെ നാം നോക്കുമ്പോൾ സംസ്കാരങ്ങളെ വെല്ലുന്ന ഒരു പുതിയ സംസ്കാരത്തിന്റെ വാഹകരെയാണ് നമുക്കവിടെ കാണാൻ കഴിയുന്നത് . ശാസ്ത്ര സാങ്കേതിക രംഗങ്ങളിൽ അന്നത്തെ അതികായന്മാരായിരുന്ന ഗ്രീക്കുകാരെക്കാൾ ആ രംഗത്ത് ഉയർന്നുനിൽക്കുവാൻ അവർക്ക് സാധിച്ചു . അലക്സാഡ്രിയയെക്കാൾ വലിയ സാംസ്കാരിക കേന്ദ്രമായി ബാഗ്ദാദ് മാറി . നൂറ്റാണ്ടുകളുടെ രാഷ്ട്രീയ നായകത്വമുണ്ടായിരുന്ന റോമിനെയും പേർഷ്യയെയും അവർ വിറപ്പിച്ചു . ഗോത്രകലഹങ്ങളിൽ തമ്മിൽത്തല്ലി രക്തംചിന്തിയിരുന്ന അറബികൾ ഐക്യത്തിന്റെ പതാകവാഹകരായിത്തീർന്നു . ധർമവും അധർമവുമെന്താണെന്ന് അറിയാതിരുന്ന അവർ ധാർമിക തത്ത്വങ്ങളുടെ പ്രചാരകരായി മാറി . ലോകത്തിന് മുഴുവൻ മാതൃകായോഗ്യമായി അറേബ്യൻ സമൂഹത്തെ മാറ്റിയെടുക്കാൻ വിശുദ്ധ ഖുർആനിന് സാധിച്ചു ; അതും കേവലം 23 വർഷം കൊണ്ട് . സാംസ്കാരിക രംഗത്ത് വട്ടപ്പൂജ്യത്തിലായിരുന്ന ഒരു ജനതയെ വെറും ഇരുപത്തിമൂന്ന് വർഷം കൊണ്ട് മാനവികതയുടെ പരമശീർഷത്തിലെത്തിക്കുവാൻ കഴിഞ്ഞ ഗ്രന്ഥമാണ് ഖുർആൻ . ഇതിനു തുല്യമായി ലോകത്തെ പരിവർത്തിപ്പിക്കുവാൻ കഴിഞ്ഞ മറ്റൊരു ഗ്രന്ഥം മാനവ ചരിത്രത്തിലെവിടെയുമുണ്ടായിട്ടില്ല . മനുഷ്യരെ നേർമാർഗത്തിലേക്ക് നയിക്കുന്ന വിഷയത്തിൽഖുർആനിനെ പോലെ പ്രായോഗികമായ മറ്റൊരു ഗ്രന്ഥവുമില്ലെന്ന വസ്തുതയാണ് ഇവിടെ വ്യക്തമാകുന്നത് .  ഖുർആനിലെ നിയമങ്ങളിലേതെങ്കിലും അപ്രായോഗികമാണെന്ന് വസ്തുനിഷ്ഠമായി തെളിയിക്കാൻ അതിന്റെ വിമർശകർക്കൊന്നും കഴിയുന്നില്ലെന്നതാണ് പരമാർഥം ....

❤️ഖുർആനിലെ ശാസ്ത്രങ്ങൾ❤️

🍇1. ഖുർആനിൽ വിശദീകരിച്ചിട്ടുള്ള ശാസ്ത്രപ്രതിഭാസങ്ങൾ എന്തൊക്കെയാണ്?🍇

. ഭൂമി , ആകാശങ്ങൾ , രാപ്പകലുകളുടെ മാറ്റം , വിത്ത് മുളക്കുന്നതും അത് വളർന്നു വലുതാകുന്നതും , മനുഷ്യൻ സ്രവിക്കുന്ന ശുക്ലം , ഉരസിക്കത്തിക്കുന്ന തീ , കടലിലെ കപ്പൽ , മേഘം , മഴ , സൂര്യനും ചന്ദ്രനും പക്ഷി മൃഗാദികൾ , ചിലന്തി , ഉറുമ്പ് , തേനീച്ച മുതലായ ജീവികൾ എന്നിവയെപ്പറ്റിയെല്ലാം ഖുർആൻ പ്രതിപാദിക്കുന്നു . മനുഷ്യന്റെ ബാഹ്യവും ആന്തരികവുമായ പല സംവിധാനങ്ങളും ഖുർആൻ വിശദീകരിക്കുന്നു .

🌹2. പ്രപഞ്ചോല്പത്തിയെക്കുറിച്ച് ഖുർആൻ എന്ത് പറയുന്നു ?🌹

ആധുനികശാസ്ത്രവീക്ഷണത്തിൽ എല്ലാ ആകാശഗോളങ്ങളുടെയും ഉത്ഭവം പ്രൈമറി നെബുല എന്ന് വിളിക്കപ്പെടുന്ന ദ്രവ്യത്തിന്റെ വാതകരൂപത്തിലുള്ള ഒരു പിണ്ഡത്തിൽ നിന്നാണ് . മഹാവിസ്ഫോടന സിദ്ധാന്തപ്രകാരം ( Big bang theory ) എല്ലാത്തിന്റെയും ഉത്ഭവം ഒരു മഹാവിസ്ഫോടനത്തിൽ നിന്നാണ് . ശാസ്ത്രനിഗമനങ്ങൾ പല പരീക്ഷണങ്ങളുടെയും അടിസ്ഥാനത്തിൽ മാറിക്കൊണ്ടിരിക്കുന്നു . എന്നാൽ ഖുർആന്റെ വാക്കുകൾക്ക് മാറ്റമില്ല . അല്ലാഹു  പറയുന്നു : അവിശ്വസിച്ചവർ കണ്ടില്ലേ : ആകാശങ്ങളും , ഭൂമിയും അടഞ്ഞുനിൽക്കുന്നതായിരുന്നു ; എന്നിട്ടു അവ രണ്ടും നാം പിളർത്തിയിരിക്കുകയാണ് എന്ന് !? എല്ലാ  ജീവവസ്തുക്കളേയും നാം വെള്ളത്തിൽനിന്ന് ഉണ്ടാക്കുകയും ചെയ്തു . എന്നിട്ടും അവർ വിശ്വസിക്കുന്നില്ലയോ ? ( സൂറ : അമ്പിയാഅ് : 30 ) പിന്നെ ( അതിനുപുറമെ ) അവൻ ആകാശത്തിലേക്കു തിരിഞ്ഞു . അതു ഒരു ( തരം ) പുകയായിരുന്നു , ( സൂറ : ഫുസ്സിലത്ത് : 11 )

🌹3. പ്രപഞ്ചത്തെ ഖുർആൻ എങ്ങനെ വിവരിക്കുന്നു ?🌹

ആകർഷണബലങ്ങളാണ് ആകാശത്തെയും അതിലെ ഗോളങ്ങളെയും താങ്ങിനിർത്തുന്നത് എന്ന് ശാസ്ത്രം പറയുന്നു . സൂര്യൻ ഒരു പ്രകാശസ്രോതസ്സാണെന്നും ചന്ദ്രൻ സൂര്യപ്രകാശം പ്രതിഫലിപ്പിക്കുക മാത്രമാണെന്നും ശാസ്ത്രം ഇന്ന് കണ്ടുപിടിച്ചിരിക്കുന്നു പ്രപഞ്ചത്തിലെ എല്ലാ വസ്തുക്കളെപ്പറ്റിയും ഖുർആനിൽ ധാരാളം പരാമർശങ്ങൾ ഉണ്ട് . “ നിങ്ങൾക്ക് കാണാവുന്ന തൂണുകളൊന്നും കൂടാതെ അവൻ ആകാശങ്ങളെ സൃഷ്ടിച്ചിരിക്കുന്നു . ഭൂമി നിങ്ങളെയുംകൊണ്ട് ചരിഞ്ഞു പോകുമെന്നതിനാൽ , ഉറച്ച മലകളെ അതിൽ അവൻ സ്ഥാപിക്കയും ചെയ്തിരിക്കുന്നു " . ( 31:10 )
“ ആകാശത്തിൽ ഗ്രഹമണ്ഡലങ്ങൾ ( അഥവാ രാശി മണ്ഡലങ്ങൾ ) ഉണ്ടാക്കിയിട്ടുള്ളവൻ നൻമയേറിയവനാകുന്നു , അതിൽ ഒരു ദീപവും , പ്രകാശം നൽകുന്ന ഒരു ചന്ദ്രനും അവൻ ഉണ്ടാക്കിയിരിക്കുന്നു . ” ( 25:61 ) .
രാപ്പകലുകളുടെ മാറ്റങ്ങളെപറ്റിയും ആകാശഗോളങ്ങളുടെയും നക്ഷത്രങ്ങളുടെയും ഭ്രമണപഥസഞ്ചാരത്തെപ്പറ്റിയും ഉള്ള ഖുർആനിക വിവരണം ആധുനികശാസ്ത്രവുമായി ഒത്തുപോകുന്നു .

🌹4. ഖുർആനിൽ ജീവശാസ്ത്രം എങ്ങനെ പരാമർശിച്ചിരിക്കുന്നു ?🌹

ജീവൻ വെള്ളത്തിൽ നിന്ന് ഉത്ഭവിക്കുന്നു . “ എല്ലാ ജീവവസ്തുക്കളേയും നാം വെള്ളത്തിൽനിന്ന് ഉണ്ടാക്കുകയും ചെയ്തു . “ ( 21:30 ) . എല്ലാ ജീവജാലങ്ങൾക്കും ആൺപെൺ ഘടകങ്ങൾ ഉണ്ട് .. “ എല്ലാ ഇണവർഗ്ഗങ്ങളെയും സൃഷ്ടിച്ചിട്ടുള്ളവൻ മഹാ പരിശുദ്ധനത്രെ ! ( അതെ ) ഭൂമി ഉൽപാദിപ്പിക്കുന്നതിൽ നിന്നും , അവരുടെ ദേഹങ്ങളിൽ നിന്നും , അവർക്ക് അറിഞ്ഞു കൂടാത്തവയിൽ നിന്നും ( ഇണകളെ സൃഷ്ടിച്ചവൻ . ) ” ( 36:36 ) ജന്തുക്കളുടെ പ്രജനനപ്രക്രിയ പല സ്ഥലങ്ങളിലും ഖുർആൻ സസൂക്ഷ്മം വിശദീകരിക്കുന്നു . “ തീർച്ചയായും , മനുഷ്യനെനാം കളിമണ്ണിൽ നിന്നുള്ള സത്തുകൊണ്ടു സൃഷ്ടിച്ചുണ്ടാക്കിയിരിക്കുന്നു . പിന്നീടു നാം അവനെ ഭദ്രമായ ഒരു ഭവനത്തിൽ ( ഗർഭാശയത്തിൽ ) ശുക്ലബിന്ദുവാക്കി വെച്ചു ; പിന്നെ , ശുക്ലബിന്ദുവെ രക്തപിണ്ഡമാക്കി സൃഷ്ടിച്ചു ; പിന്നീടു രക്തപിണ്ഡത്തെ മാംസപിണ്ഡമായും സൃഷ്ടിച്ചു ; പിന്നെ , മാംസപിണ്ഡത്തെ നാം എല്ലുകളായി ( അസ്ഥികൂടമായി ) സൃഷ്ടിച്ചു ; അനന്തരം എല്ലുകൾക്കു നാം മാംസം ധരിപ്പിച്ചു ; പിന്നീടു , നാം അതിനെ മറ്റൊരു സൃഷ്ടിയായി ഉത്ഭവിപ്പിച്ചു . അപ്പോൾ , ഏറ്റവും നല്ല സൃഷ്ടാവായ അല്ലാഹു അനുഗ്രഹസമ്പൂർണ്ണനാകുന്നു . ( 23 : 12-14 ) . നിങ്ങളുടെ മാതാക്കളുടെ വയറുകളിൽ വെച്ച് ഒരു ( രൂപത്തിലുള്ള ) സൃഷ്ടിക്കുശേഷം ( വേറെ രൂപത്തിലുള്ള ) ഒരു സൃഷ്ടിയായും കൊണ്ട് മൂന്ന് അന്ധകാരങ്ങളിലായി - നിങ്ങളെ അവൻസൃഷ്ടിച്ചുണ്ടാക്കുന്നു . ( 39 : 6 ) ഭൂമിയിലുള്ള ജീവിസമൂഹങ്ങളെക്കുറിച്ച് ഖുർആൻ സൂചിപ്പിക്കുന്നുണ്ട് . “ ഭൂമിയിലെ ( ചലിക്കുന്ന ) ഏതൊരു ജന്തുവാകട്ടെ , രണ്ടു ചിറകുകൾകൊണ്ടു പറക്കുന്ന ഏതൊരു പക്ഷിയാകട്ടെ , നിങ്ങളെപ്പോലെയുള്ള ചില സമുദായങ്ങളല്ലാതെ ( മറ്റൊന്നും ) അല്ല . ഗ്രന്ഥത്തിൽ യാതൊന്നും ( തന്നെ ) നാം വീഴ്ച വരുത്തിയിട്ടില്ല . പിന്നീട് , അവർ തങ്ങളുടെ റബ്ബിങ്കലേക്ക് ഒരുമിച്ചു കൂട്ടപ്പെടുന്നതാണ് . ( 6:38 ) . " പാലിനെ സംബന്ധിച്ച് ഖുർആന്റെ വിശദീകരണം ഇതാണ് . “ നിശ്ചയമായും , നിങ്ങൾക്കു ( ആടുമാടൊട്ടകങ്ങളാകുന്ന കാലികളിലുമുണ്ടുഒരു ( വലിയ ) ചിന്താവിഷയം . അതിന്റെ ആ വർഗ്ഗത്തിന്റെ ] വയറുകളിലുള്ളതിൽ നിന്നു - ( കുടലുകളിലെ ) ചാണകച്ചണ്ടിയുടെയും , രക്തത്തിന്റെയും ഇടയിൽനിന്നു - നിങ്ങൾക്കു നാം കുടിക്കുവാൻ നൽകുന്നു , കുടിക്കുന്നവർക്കു ( വേഗം ) ഇറങ്ങിപ്പോകുന്ന സ്വച്ഛമായ പാൽ . ( 16:66 )
മനുഷ്യന്റെ ശുക്ലത്തെപ്പറ്റിയും ഖുർആൻ പറഞ്ഞുതരുന്നു . “ തെറിച്ചുവരുന്ന ഒരു വെള്ളത്തിൽനിന്നത്രെ അവൻ സൃഷ്ടിക്കപ്പെട്ടിരിക്കുന്നത്.അത് മുതുകെല്ലിനും , നെഞ്ചെല്ലുകൾക്കും ഇടയിൽ നിന്ന് പുറത്തു വരുന്നു . ( 86 : 7 ) കൃഷിയെക്കുറിച്ചും കാർഷികവിളകളെക്കുറിച്ചും ഒട്ടകത്തെക്കുറിച്ചും എട്ടുകാലി , ഉറുമ്പ് , തേനീച്ച കാക്ക കഴുത മുതലായ ജന്തുജാലകങ്ങളെ കുറിച്ച് ഖുർആനിൽ പരാമർശമുണ്ട്...

🌹5. ആരോഗ്യശാസ്ത്രത്തെക്കുറിച്ച് മനുഷ്യന് ആവശ്യമായ എന്തെല്ലാം അറിവുകൾ ഖുർആനിൽ നിന്ന് ലഭിക്കുന്നു ?🌹

1400 വർഷങ്ങൾക്കു മുൻപുതന്നെ ആധുനിക ആരോഗ്യ സംരക്ഷണനിയമങ്ങൾ ഖുർആനിൽ അനാവരണം ചെയ്യപ്പെട്ടിട്ടുണ്ട് . ശാരീരികവും മാനസികവുമായ ആരോഗ്യത്തെപ്പറ്റി ഒരു മനുഷ്യൻ അറിഞ്ഞിരിക്കേണ്ട പല ഘടകങ്ങളെപ്പറ്റിയും ഖുർആൻ നിർദേശം നൽകുന്നു . ശുചീകരണം , ആഹാരപാനീയങ്ങൾ , ആർത്തവം , ലൈംഗിക സദാചാരം , ലഹരി തുടങ്ങിയ മേഖലകളിൽ ഖുർആൻ നിലപാട് വ്യക്തമാക്കുന്നുണ്ട് . ശുദ്ധിയാണ് ഇസ്ലാമിന്റെ അടിത്തറ എന്നും മാനസികാരോഗ്യമാണ് ശാരീരികാരോഗ്യത്തിന്റെ ഖുർആൻ പഠിപ്പിക്കുന്നു . . ശുദ്ധമായ ഭക്ഷണം കഴിക്കുവാനും അമിതാഹാരം ഒഴിവാക്കുവാനും അധാർമിക ജീവിതത്തിൽ നിന്ന് ഉണ്ടാകുന്ന ലൈംഗികരോഗങ്ങളിൽ നിന്ന് അകന്നുനിൽക്കാനും ഖുർആൻ ഉപദേശിക്കുന്നു . ശവവും , മദ്യവും പന്നിമാംസവും നിഷിദ്ധമാക്കുന്നു . അധ്വാനവും വ്യായാമവും , നമസ്കാരവും വഴി ലഭിക്കുന്ന മനസികശാരീരിക ഗുണങ്ങളും ഖുർആൻ ചൂണ്ടിക്കാട്ടുന്നു .....